चहाची मजा द्विगुणित करेल टोमॅटो चीज सँडविच, नोट करा साहित्य आणि कृती

संध्याकाळ झाली की नेहमीच हलकी हलकी भूक लागू लागते. अशा वेळी काही जड खावेसे वाटत नाही. तुमच्यासोबतही असे होत असेल आणि तेच तेच पदार्थ खाऊन कंटाळा आला असेल तर तुम्ही आजची हटके पण टेस्टी अशी रेसिपी फॉलो करू शकता. आज आम्ही तुमच्यासोबत टोमॅटो सँडविचची सोपी रेसिपी शेअर करत आहोत. ही रेसिपी फार कमी वेळेत बनून तयार होते.

Follow Us:

Follow Us:

संध्याकाळची वेळ झाली की नेहमीच काहीतरी चटपटीत आणि टेस्टी खावेसे वाटतं असते. अशात संध्याकाळच्या चहाच्या जोडीला तुम्ही काहीतरी खास आणि सोपा पण टेस्टी असा पदार्थ बनवू शकता. अनेकदा भूक तर लागते मात्र काही जड खाऊ वाटत नाही. अशावेळी काहीतरी हलके पण चटपटीत पदार्थ तुम्हाला खाऊ वाटतात. तुमच्यासोबतही असे होत असेल आणि काहीतरी नवीन खावेसे वाटत असेल तर आजची टेस्टी रेसिपी तुमच्यासाठी एक उत्तम पर्याय आहे.

आम्ही तुम्हाला सांगतो की, अशा वेळेस तुम्ही टोमॅटो चीज सँडविच बनवू शकता. हा सँडविच बनवणे फार सोपे आहे तसेच यासाठी फार साहित्याची आवश्यकता भासत नाही. चवीला हा सँडविच फार अप्रतिम आणि स्वादिष्ट लागतो. मुलांनाच काय तर मोठ्यांनाही आवडेल याची चव! जाणून घ्या यासाठी लागणारे साहित्य आणि कृती.

हेदेखील वाचा – बाजारातील इडली सोडा! आता घरीच बनवा सॉफ्ट आणि स्पॉंजी इडली, या स्टेप्स फॉलो करा

साहित्य

• 1 टीस्पून बटर
• 1/2 कांदा (बारीक चिरलेला)
• 2 टोमॅटो (बारीक चिरून)
• 1/4 टीस्पून हळद
• 1 टीस्पून पाव भाजी मसाला
• 1/2 टीस्पून मीठ
• 2 चमचे धणे (बारीक चिरून)
• ब्रेड
• लोणी
• हिरवी चटणी
• टोमॅटोचे तुकडे
• चीज स्लाइस
• चाट मसाला

हेदेखील वाचा – Healthy Recipe: सकाळच्या नाश्त्याची चिंता सोडा, झटपट बनवा क्विनोआ उपमा

कृती

• टोमॅटो सँडविच बनवण्यासाठी सर्वप्रथम गॅसवर एक कढई ठेवा आणि यात एक चमचे बटर टाका
• यानंतर यात कांदा टाका आणि छान परतून घ्या
• मग यात 1/4 टीस्पून हळद, 1 टीस्पून पावभाजी मसाला आणि 1/2 टीस्पून मीठ घाला आणि सर्व साहित्य नीट एकजीव करा
• मसाले सुवासिक होईपर्यंत मंद आचेवर शिजत ठेवा
• मग यावर चिरलेली कोथिंबीर घालून मिक्स करा आणि तुमचे टोमॅटोचे सारण तयार आहे
• आता सँडविच तयार करण्यासाठी, ब्रेडच्या 2 स्लाइसवर लोणी पसरवा
• मग यावर हिरवी पुदिन्याची चटणी पसरवा
• नंतर यावर तयार टोमॅटोचे सारण टाका
• यानंतर पुन्हा टोमॅटोचे 2 तुकडे आणि 1 चीज स्लाइस ठेवा
• थोडा चाट मसाला शिंपडा आणि दुसऱ्या ब्रेड स्लाइसने झाकून घ्या
• यानंतर हा तयार सँडविच दोन्ही बाजूंनी छान भाजून घ्या
• अशाप्रकारे तुमचा टोमॅटो सँडविच काही मिनिटाटांतच तयार होईल
• चहासोबत तुम्ही या सँडविचचा आनंद लुटू शकता

Web Title: Recipe of crunchy tomato cheese sandwich

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com