विकेंड स्पेशल घरी बनवा टेस्टी ‘व्हेज सोया कीमा’, बनवण्याची परफेक्ट पद्धत जाणून घ्या

चिकन, मटण किमाबाबत तर तुम्ही बऱ्याचदा ऐकले असेल मात्र तुम्हाला माहिती आहे का? हा पदार्थ तुम्ही व्हेजमध्येही बनवू शकता. तुम्ही सोयाबीनपासून व्हेज सोया कीमा बनवू शकता. मसालेदार आणि स्वादिष्ट लाबाबदार हा व्हेज सोया कीमा चवीला अप्रतिम लागतो. पाहताच तोंडाला पाणी सुटणाऱ्या या पदार्थाची सोपी रेसिपी जाणून घ्या.

विकेंड म्हटलं की नेहमीच काहीतरी नवीन आणि टेस्टी खाण्याची इच्छा होत असते. आता विकेंडला अनेकजण चिकन-मटण अशा नॉनव्हेज पदार्थांवर ताव मारत असतात. अशात व्हेज खवय्यांना नवीन लज्जतदार असे काय बनवावे असा प्रश्न मनात येतो. आता नॉनव्हेज पदार्थांमध्ये प्रसिद्ध असलेला पदार्थ म्हणजे किमा पाव. मात्र तुम्हाला माहिती आहे का? तुम्ही हा किमा पाव व्हेजमध्येही बनवू शकता.

आज आम्ही तुम्हाला सोया किमा पाव कसा तयार करावा याबद्दलची एक सोपी रेसिपी सांगत आहोत. हा व्हेज सोया कीमा चवीला फार अप्रतिम लागतो. सोया आरोग्यासाठी जाफर फायदेशीर असते. विकेंडसाठी ही एक परफेक्ट डिश आहे त्यामुळे एकदा तरी या पदार्थाचा नक्की आस्वाद घ्या. हा पदार्थ जर तुम्ही घरी बनवला तर घरातील सर्व बोट चाटत राहतील इतकी ही भाजी चविष्ट आणि लज्जतदार लागते. जाणून घ्या यासाठी लागणारे साहित्य आणि कृती.

हेदेखील वाचा – गव्हाची नाही यावेळी खुसखुशीत मसालेदार तांदळाची पुरी बनवून पहा, नोट करा रेसिपी

साहित्य

• सोया चंक्स- 1-2 कप
• लाल मिरची पावडर – 1 टीस्पून
• दही – 1 कप
• जिरे पावडर – 1/2 टीस्पून
• धने पावडर – 1 टीस्पून
• गरम मसाला – 1/2 टीस्पून
• बारीक चिरलेला लसूण – 2 पाकळ्या
• दालचिनी – 1 तुकडा
• लवंगा – 3-4
• वेलची – 2-3
• टोमॅटो – 1-2 कप
• आल्याची पेस्ट – 2 टीस्पून
• चिरलेली हिरवी मिरची – 2 टीस्पून
• चिरलेली कोथिंबीर
• बारीक चिरलेला कांदा – 2
• तूप – 2 टीस्पून
• मीठ – चवीनुसार

हेदेखील वाचा – विकेंड बनवा खास! नाश्त्यासाठी बनवा सॉफ्ट-जाळीदार रवा इडली, पीठ आंबवण्याचीही गरज नाही

कृती

• व्हेज सोया कीमा बनवण्यासाठी सर्वप्रथम सोया चंक्स पाण्यातून उकळवून घ्या.
• यानंतर, उकडलेल्या सोयाच्या तुकड्यांना थोडे मीठ घाला. मीठ मिक्स करून मऊ झाल्यावर गॅस बंद करा
• आता सोयाचे तुकडे काढून मिक्सरमध्ये बारीक करून घ्या
• यानंतर एक कढई घेऊन त्यात तेल गरम करून त्यात जिरे घालून हलके शिजवून घ्या
• मसाले व्यवस्थित शिजल्यावर मसाल्याच्या पेस्टमध्ये लसूण, मिरची, कांदा घालून चांगले शिजू द्यावे
• आता या मसाल्यात आल्याची पेस्ट घाला , कढईत मसाला चांगला शिजल्यावर त्यात टोमॅटो घाला
• आता या पेस्टमध्ये आवश्यक मसाले घाला आणि मंद आचेवर शिजू द्या. कढईतील मसाल्यांतून तेल निघू लागल्यावर त्यात सोयाचे तुकडे टाका आणि वर दहीही आणि चवीनुसार मीठ घाला
• आता सोयाचे तुकडे यात टाकून यावर झाकण ठेवा आणि कमीतकमी 10-12 मिनिटे मंद आचेवर शिजू द्या
• आता तुमची व्हेज सोया कीमा रेसिपी तयार आहे, तुम्ही ती मक्याची रोटी, बाजरीची रोटी किंवा गव्हाच्या रोटीसोबत खाण्यासाठी सर्व्ह करू शकता