विकेंड बनवा खास! नाश्त्यासाठी बनवा सॉफ्ट-जाळीदार रवा इडली, पीठ आंबवण्याचीही गरज नाही

इडली हा पदार्थ कोणाला आवडत नाहीत मात्र घरी हा पदार्थ बनवायचं म्हटलं की यासाठी फार मेहनत घ्यावी लागते. मुख्य म्हणजे इडलीचे पीठ बरेच तास आंबवावे लागते ज्यात फार वेळ जातो. याउलट पीठ न आंबवताही तुम्ही घरी टेस्टी इडली तयार करू शकता. रवा इडली अगदी सहज आणि कमी वेळेत बनून तयार होते. सकाळच्या नाश्त्यासाठी एकदा ही रेसिपी नक्की ट्राय करा.

Follow Us:

Follow Us:

इडली हा एक नाश्त्याचा प्रकार आहे. हा पदार्थ मूळ दक्षिण भारताचा आहे मात्र देशातील सर्वच भागात हा पदार्थ आवडीने खाल्ला जातो. मऊ इडली आणि त्यासोबत क्रिमी नारळाची चटणी आणि चटपटीत सांबर याला काही तोडच नाही! इडली हा पदार्थाचे फक्त भारतातच नाही तर परदेशातही फॅन्स आहेत. हा पदार्थ हॉटेलपासून रस्त्यापर्यंत अनेक जागी उपलब्ध असतो.

अनेकदा आपण ही इडली घरी बनवण्याचा विचार करतो मात्र घरी इडली बनवणे तितके सोपे नाही कारण यासाठी आधीच पीठ आंबवून ठठेवावे लागते. मात्र तुम्हाला माहिती आहे का? तुम्ही पीठ न आंबवताही झटपट अगदी काही मिनिटांतच घरी इडली तयार करू शकता. आज आम्ही तुमच्यासोबत रवा इडलीची एक सोपी रेसिपी शेअर करत आहोत. ही इडली चवीला तर छान लागतेच शिवाय फार कमी वेळेत ही बनून तयार होते. तुम्हीही विकेंडला ही रवा इडली घरी बनवून पाहू शकता. रवा इडलीचा लागणारे साहित्य आणि कृती पाहुयात.

हेदेखील वाचा – वेटलॉस आणि मसल गेनसाठी घरीच तयार करा प्रोटीन पावडर, फार सोपी आहे रेसिपी

साहित्य

• रवा किंवा रवा – 1 कप
• दही- अर्धा कप
• पाणी – अर्धा कप
• मोहरी – अर्धा टीस्पून
• तेल – 1 टेबलस्पून
• जिरे – अर्धा टीस्पून
• कढीपत्ता – 3-4
• हिरवी मिरची – 1 बारीक चिरून
• हरभरा डाळ- 1 टीस्पून
• हिंग – एक चिमूटभरआले- एक चमचा बारीक चिरून
• गाजर – 2 चमचे बारीक चिरून
• हळदी पावडर – 1/4 टीस्पून
• लाल मिरची पावडर – 1/4 टीस्पून
• मीठ – चवीनुसार
• इनो फ्रूट सॉल्ट-1 टीस्पून

हेदेखील वाचा – सकाळच्या नाश्त्याला बनवा ओल्या नारळाचे स्वादिष्ट पराठे, झटपट तयार होते रेसिपी

कृती

• रवा इडली बनवण्यासाठी सर्वप्रथम एका भांड्यात रवा आणि दही एकत्र करून घ्या
• यानंतर यावर झाकण ठेवून याला 5 मिनिटे बाजूला ठेवून द्या
• यानंतर आता गॅसवर एक पॅन ठेवा
• यात मोहरी, जिरे, कढीपत्ता, चिरलेली मिरची, आले, गाजर, हरभरा डाळ टाकून परतून घ्या
• त्यानंतर यात हिंग, हळद, मिरची पावडर टाकून पुन्हा सर्व साहित्य काही सेकंद परतून घ्या आणि गॅस बंद करा
• आता ही तयार फोडणी रवा दहीच्या मिश्रणात टाका आणि मिक्स करा
• शेवटी यात इनो फ्रूट सॉल्ट आणि मीठ टाकून सर्व साहित्यात नीट एकजीव करून घ्या
• आता गॅसवर इडलीचे पात्रात पाणी टाकून उकळी येण्यासाठी ठेवून द्या
• दुसरीकडे इडलीच्या साच्यात तयार इडलीचे पीठ टाका आणि हे साचे इडली पात्रात ठेवून याला वाफ द्या
• 15-20 मिनिटे इडलीला छान वाफ द्या आणि मग गॅस बंद करा
• नंतर तयार इडल्या साच्यातून बाहेर काढा आणि खाण्यासाठी सर्व्ह करा
• अशाप्रकारे अगदी झटपट तुम्ही घरीच रवा इडली तयार करू शकता

Web Title: These weekend make spongy and tasty rava idli at home

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com