गव्हाची नाही यावेळी खुसखुशीत मसालेदार तांदळाची पुरी बनवून पहा, नोट करा रेसिपी

विकेंड जवळ आला आहे. तुम्ही विकेंडसाठी एक युनिक आणि टेस्टी अशी रेसिपी शोधत असाल तर आजची ही रेसिपी तुमच्यासाठीच आहे. गव्हाची तीच तीच पुरी खाऊन कंटाळला असाल तर घरी बनवा खुसखुशीत मसालेदार तांदळाची पुरी. ही फार चवीला तर अप्रतीम लागतेच शिवाय फार कमी वेळेत आणि कमी साहित्यापासून बनून तयार होते.

Follow Us:

Follow Us:

विकेंड जवळ आला आहे. तुम्हाला विकेंड स्पेशल जर घरी काही टेस्टी आणि नवीन बनवून पाहायचे असेल तर आजची ही रेसिपी तुमच्या फायद्याच्या ठरणार आहे. तुम्ही याआधी गव्हाची पुरी तर अनेकदा खाल्ली असेल खुसखुशीत आणि कुरकुरीत पुरी कोणत्याही भाजीसोबत चवीला फार अप्रतिम लागते. मात्र यावेळी आम्ही तुम्हाला गव्हाची नाही तर तांदळाच्या पिठापासून चवदार पुरी कशी तयार करायची याची एक सोपी रेसिपी सांगत आहोत.

ही तांदळाची पुरी फार कमी वेळेत बनून तयार होते आणि विशेष म्हणजे यासाठी तुम्हाला अधिकतर साहित्याचीही आवश्यकता भासत नाही. घरात नेहमीच उपलब्ध असलेल्या साहित्यापासून ही मसालेदार तांदळाची पुरी तयार करता येते. काहीतरी नवीन म्हणून तुम्ही ही रेसिपी नक्कीच ट्राय करू शकता. हिची चव एकदा चाखली की तुम्ही हिला पुन्हा पुन्हा बनवत राहाल याची आम्हाला खात्री आहे. जाणून घ्या यासाठी लागणारे साहित्य आणि कृती.

हेदेखील वाचा – विकेंड बनवा खास! नाश्त्यासाठी बनवा सॉफ्ट-जाळीदार रवा इडली, पीठ आंबवण्याचीही गरज नाही

साहित्य

• 1 कप तांदळाचे पीठ
• हिरवी मिरची आणि आले पेस्ट
• चवीनुसार मीठ
• 1/4 टीस्पून हळद
• 1 टीस्पून जिरे
• 1/4 टीस्पून ओवा
• 1 टीस्पून कसुरी मेथी
•  1 टीस्पून चिली फ्लेक्स
• चिरलेली कोथिंबीर
• 1/2 टीस्पून तेल

हेदेखील वाचा – वेटलॉस आणि मसल गेनसाठी घरीच तयार करा प्रोटीन पावडर, फार सोपी आहे रेसिपी

कृती

• मसालेदार तांदळाची पुरी बनवण्यासाठी सर्वप्रथम बटाटे एका भांड्यात किसून घ्या
  मग त्यात तांदळाचे पीठ टाका
• आता यात आता आले, हिरवी मिरची, मीठ, हळद, जिरे, ओवा, कसुरी मेथी, लाल मिरची आणि हिरवी कोथिंबीर टाका
• हे सर्व साहित्य नीट एकजीव करून हाथाने मळून घ्या
• पीठ मळताना हे लक्षात ठेवा की ते जास्त कडक किंवा मऊ नसावे
• आता हे तयार पीठ 10 मिनिटे सेट होण्यासाठी बाजूला ठेवून द्या खुसखुशीत तळून घ्या
• नंतर पीठ पुन्हा थोडे मळा आणि याचे लहान गोळे तयार करा
• तयार गोळा घेऊन याची हलकी जाडसर अशी पुरी लाटून घ्या
• सर्व पुऱ्या लाटून झाल्या की गॅसवर एक कढई ठेवा आणि त्यात तेल टाका
• तेल गरम झाले की यात पुरी टाका आणि सोनेरी रंग येईपर्यंत छान
• सर्व पुऱ्या त्याच पद्धतीने तळून घ्या आणि खाण्यासाठी सर्व्ह करा
• अशाप्रकारे तुमच्या तांदळाच्या पिठाच्या पुऱ्या अगदी काही मिनिटांतच बनून तयार होतील

Web Title: How to make rice flour poori know breakfast recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com