हलवा सोडा यावेळी गाजरापासून बनवा चविष्ट आणि थंडगार रायता; 5 मिनिटांतच तयार होईल रेसिपी

Carrot Raita Recipe: हिवाळ्यात बाजारात गाजर भरपूर प्रमाणात उपलब्ध असतात अशात तोच तोच हलवा खाऊन कंटाळा आला असेल तर यावेळी यापासून चविष्ट असा रायता बनवून पहा. याची चव तुमच्या जेवणाची रंगत वाढवेल.

हिवाळा जवळपास संपत आला असून, या हंगामात उपलब्ध असलेल्या भाज्याही हळूहळू बाजारातून गायब होऊ लागतील. गाजर हे यापैकी एक आहे. गाजरापासून बहुतेकदा गोड हलवा बनवला जातो. मात्र आज आम्ही तुम्हाला गाजराची एक नवी आणि वेगळी रेसिपी सांगत आहोत. गाजर आपल्या आरोग्यासाठी फार फायद्याचा ठरत असतो अशात तुम्ही यापासून टेस्टी असा रायता तयार करू शकता. रायता हा पदार्थ जेवणासोबत साइड डिश म्हणून खाल्ला जातो.

हिवाळा पूर्णपणे संपण्यापूर्वी एकदा तरी हा गाजर रायता नक्की बनवून पहा. याची कंबाव अप्रतिम लागते, जिला चाखताच तुमच्या घरातील सर्वच खुश होतील. आम्हाला खात्री आहे की, याच्या चवीने तुम्ही दोन खास जास्तीचे खाल आणि इतरांनाही खुश कराल. शिवाय ही रेसिपी फार सोपी आणि झटपट आहे ज्यामुळे अवघ्या काही मिनिटांतच तुम्ही ती तयार करून याचा आस्वाद घेऊ शकता. चला तर मग जाणून घेऊयात यासाठी लागणारे साहित्य आणि कृती.

घरी बनवा रेस्टॉरंट स्टाईल नवाबी पनीर; चव चाखताच बोटं चाटत राहाल, घरचेही होतील खुश

साहित्य

• 2 मध्यम आकाराचे गाजर
• 1 कप साधे दही
• 1/2 टीस्पून भाजलेले जिरे पावडर
• 1/4 टीस्पून लाल मिरची पावडर किंवा चवीनुसार
• 1/4 टीस्पून काळे मीठ किंवा चवीनुसार
• चवीनुसार साधे मीठ
• ताजी कोथिंबीर, चिरलेली
• एक चिमूटभर चाट मसाला

वजन कमी करण्यासाठी घरी बनवा मसूर डाळीचे पौष्टिक सूप; प्रत्येक घोटात मिळेल चव आणि आरोग्याचा उत्तम 

कृती

• यासाठी सर्वप्रथम, गाजर स्वच्छ धुवा, सोलून घ्या
• यानंतर गाजर व्यवस्थित किसून घ्या
• कच्ची चव काढण्यासाठी तुम्ही पॅनमध्ये किसलेले गाजर 2-3 मिनिटे हलके तळू शकता
• दह्यामध्ये घालण्यापूर्वी त्यांना थंड होऊ द्या
• आता एका भांड्यात दही गुळगुळीत आणि क्रीमी होईपर्यंत फेटून घ्या
• जर दही खूप घट्ट असेल तर ते पातळ करण्यासाठी तुम्ही थोडे थंड पाणी किंवा दूध घालू शकता
• यानंतर, दह्यामध्ये किसलेले गाजर घाला आणि मिक्स करा
• मग यात भाजलेल्या जिऱ्याची पावडर, तिखट, काळे मीठ आणि साधे मीठ घाला
• वापरत असल्यास चाट मसाला घाला आणि सर्वकाही चांगले मिसळा
• शेवटी चिरलेली ताजी हिरवी कोथिंबीर घालून सजवा
• सर्व्ह करण्यापूर्वी रायता रेफ्रिजरेटरमध्ये किमान 30 मिनिटे थंड करा आणि नंतर खाण्यासाठी सर्व्ह करा