रात्रीची उरलेली डाळ फेकू नका तर त्यापासून बनवा टेस्टी पराठे, ही रेसिपी फॉलो करा

तुम्हीही रात्रीची उरलेली डाळ फेकत आहात का? आज आम्ही तुम्हाला उरलेल्या मसूर डाळीपासून चविष्ट असे पराठे कसे तयार करायचे याची एक सोपी रेसिपी सांगत आहोत. हे पराठे चवीला फार अप्रतिम लागतात आणि यामुळे तुमची उरलेली डाळही वाया जात नाही. एकदा ही अनोखी रेसिपी नक्की करून पहा.

बहुतेक लोक जेवणात डाळ बनवत असतात. डाळ चवीबरोबरच आरोग्यासाठीही खूप फायदेकारक असते. अनेकजण उरलेली डाळ दुसऱ्या दिवशी फेकून देतात. मात्र आम्ही तुम्हाला असे सांगतो की, ही उरलेली डाळ फेकून न देता तुम्ही यापासून चविष्ट असा नवीन पदार्थ तयार करू शकता. आज आम्ही तुम्हाला उरलेल्या डाळीपासून चविष्ट पराठा कसा तयार करायचा याची एक सोपी रेसिपी सांगत आहोत.

उरलेल्या मसूरच्या डाळीपासून तुम्ही स्वादिष्ट आणि मसालेदार पराठे तयार करू शकता. हे पराठे तुम्ही नाश्ता किंवा दुपारच्या जेवणात खाऊ शकता. टिफिनसाठीही हे पराठे एक उत्तम पर्याय ठरतील. हे पराठे बनवणे फार सोपे आहे तसेच चवीलाही हे पराठे फार छान लागतात. जाणून घ्या यासाठी लागणारे साहित्य आणि कृती.

हेदेखील वाचा – आता घरीच बनवा KFC स्टाइल चिकन, नोट करा रेसिपी

साहित्य

• 1 वाटी उरलेली डाळ
• 1 कप गव्हाचे पीठ
• 1/4 टीस्पून गरम मसाला
• 1/2 टीस्पून ओवा
• 1/4 टीस्पून हिंग
• 1 टीस्पून लाल तिखट
• 1 चमचा धनेपूड
• चवीनुसार मीठ
• तळण्यासाठी तेल किंवा तूप

हेदेखील वाचा – Navratri Recipe: खिचडी सोडा आता उपवासाला बनवा साबुदाणा कटोरी चाट, व्हिडिओतून जाणून घ्या रेसिपी

कृती

• उरलेल्य डाळीचे पराठे तयार करण्यासाठी सर्वप्रथम मसूर डाळ पूर्णपणे मॅश करा, म्हणजे दाणे राहणार नाहीत
• यानंतर एका भांड्यात गव्हाचे पीठ घ्या आणि त्यात ओवा, हिंग, लाल तिखट, धनेपूड, गरम मसाला आणि मीठ
• घालून मिक्स करा
• आता रात्रीची उरलेली डाळ यात घाला आणि व्यवस्थित पीठ मळून घ्या
• पीठ मळून झाले की याचे लहान गोळे तयार करा
• आता एक गोळा घ्या आणि याचा नीट पराठा लाटून घ्या
• यानंतर गॅसवर एक तवा ठेवा
• तवा गरम झाला की तयार पराठा यावर टाका
• पराठ्याच्या दोन्ही बाजूंना छान तूप किंवा तेल लावून खमंग भाजून घ्या
• तयार पराठा प्लेटीत काढा आणि खाण्यासाठी सर्व्ह करा
  हा पराठा तुम्ही लोणचं किंवा दहिसोबत किंवा कोणत्या चटणीसोबत खाण्यासाठी सर्व्ह करू शकता