हॉटेल स्टाईल चिकन टिक्का आता घरीच बनवा, जाणून घ्या रेसिपी

चिकन टिक्का हा पदार्थ नॉनव्हेज प्रेमींचा अगदी जिव्हाळ्याचा पदार्थ! तुम्ही हा पदार्थ अनेकदा हॉटेलमध्ये खाल्ला असेल मात्र आम्ही तुम्हाला सांगतो की, तुम्ही हा पदार्थ आता घरीदेखील अगदी सहज तयार करू शकता.

चिकन हा अनेकांच्या जिव्हाळ्याचा विषय. विकेंड म्हटलं की अनेकांना नॉनव्हेजची आठवन येऊ लागते. अनेकांच्या घरी विकेंडला नॉनव्हेजचा बेत असतो. त्यामुळेच या विकेंड निमित्त आज आम्ही तुमच्यासाठी एक हटके आणि नॉनव्हेज प्रेमींच्या जिव्हाळ्याची अशी डिश घेऊन आलो आहोत. या पदार्थाचे नाव आहे चिकन टिक्का. हा पदार्थ तुम्ही अनेकदा हॉटेलमध्ये खाल्ला असेल. मात्र तुम्हाला माहिती आहे का? हा पदार्थ आता तुम्ही घरीदेखील अगदी सहज आणि सोप्या पद्धतीने तयार करू शकता. मुख्य म्हणजे यासाठी तुम्हाला फार साहित्याची आणि वेळेची गरज नाही. कमी वेळेतच ही रेसिपी बनून तयार होते.

मसाल्यामध्ये मॅरीनेट केलेले आतून ज्यूसी आणि बाहेरून रोस्ट केलेले स्मोकी चिकन यांचे संमिश्र म्हणजे चिकन टिक्का! हा पदार्थ लहान मुलांच्याच काय तर मोठ्यांच्याही तोंडात पाणी आणतो. तुम्हालाही चिकन टिक्का खायला फ़ार आवडत असेल तर आजची ही रेसिपी एकदा घरी नक्की ट्राय करा. या रेसिपीने तुम्ही तुमचा विकेंड आणखीन खास करू शकता आणि घरातल्या मंडळींनाही खुश करू शकता. चला तर मग जाणून घेऊयात यासाठी लागणारे साहित्य आणि कृती.

रेसिपीच्या बातम्या वाचण्यासाठी इथे क्लिक करा

साहित्य

• 1 किलो चिकन (हाड असलेलं)
• 1 कप हंग कर्ड (दही)
• 2 टीस्पून आले-लसूण पेस्ट
• 1/2 टीस्पून हळद
• 2 टीस्पून धणे पावडर
• 1 टीस्पून लाल मिरची पावडर
• चवीनुसार मीठ
• 2 टीस्पून भाजलेलं बेसन
• 2 टीस्पून तेल (मोहरीचे)
• आवडीनुसार कसूरी मेथी
• 1/2 टीस्पून गरम मसाला
• 2 टीस्पून लिंबाचा रस

रेसिपीच्या बातम्या वाचण्यासाठी इथे क्लिक करा

कृती

• चिकन टिक्का बनवण्यसाठी सर्वप्रथम चिकन स्वछ धुवून घ्या
• मग एक मोठे वाडगे घ्या आणि यात चिकनचे तुकडे टाका
• यांनतर यात हंग कर्ड (दही), आले-लसूण पेस्ट, धणे पावडर, लाल मिरची पावडर, मीठ, भाजलेल बेसन, तेल (मोहरीचे), लिंबाचा रस, गरम मसाला घाला आणि मिक्स करा
• सर्व साहित्य नीट चिकनला लावा आणि काही तास चिकन मॅरीनेट होऊ द्या
• चिकन जितके जास्त मॅरीनेट होईल तितकी याची चव छान होईल, त्यामुळे किमान 2-3 तास चिकन छान मॅरीनेट करून घ्या
• आता गॅसवर एक नॉनस्टिक पॅन ठेवा
• यात एक चमचा बटर टाका
• मग यात मॅरीनेट केलेले चिकनचे तुकडे टाका मंद आचेवर शिजवून घ्या
• चिकनचे तुकडे अधून मधून हलवत राहा आणि छान शिजले गेले की मग गॅस बंद करा
• तयार चिकनचे तुकडे गरमा गरम खाण्यासाठी सर्व्ह करा