वजन कमी करण्याचा विचार करताय? मग सकाळच्या नाश्त्याला अवघ्या 10 मिनिटांत बनवा टेस्टी अंडा फ्राय

तुम्हीही डाएट करण्याचा प्रयत्न करत असाल तर हा पौष्टिक आणि चवदार पदार्थ तुमच्या लिस्टमध्ये असायलाच हवा. ही रेसिपी फार कमी वेळेत आणि कमी साहित्यापासून तयार केली जाते.

Follow Us:

Follow Us:

अंडी आरोग्यासाठी खूप फायदेशीर मानली जातात. बऱ्याचदा वजन कमी करायचे असले की लोक आपल्या डाएट रुटीनमध्ये अंड्याचा समावेश करतात. यात व्हिटॅमिन्स, फॉस्फोरस, सेलेनियम, कॅल्शियम, झिंक, हेल्दी फॅटसह अनेक पोषक घटक आढळली जातात. यात ओमेगा 3 फॅटी ॲसिड असतात, जे हृदयासाठी फायदेशीर असतात. यामुळेच आठवड्यातून एकदा-दोनदा तरी आपण अंड्याचे सेवन करायला हवे. अंड्याचे हे सेवन आपल्या आरोग्यासाठी चांगलेच फायद्याचे ठरू शकते.

आता अंडी म्हटली की तेच तेच भुर्जी आणि ऑम्लेट असे अंड्याचे पदार्थ आठवू लागतात मात्र आम्ही तुम्हाला सांगतो की, तुम्ही अंड्यापासून एक हटके आणि स्वादिष्ट असा पदार्थ तयार करू शकता. या पदार्थाचे नाव आहे अंडा फ्राय. याच्या नावावरूनच तुम्हाला या पदार्थाचा अंदाज आला असावा. हा पदार्थ सकाळच्या नाश्त्यासाठी एक उत्तम पर्याय आहे. शिवाय, यासाठी फार कमी साहित्याची आणि कमी वेळेची गरज भासते, ज्यामुळे सकाळच्या घाईगडबडीत तुम्ही हा पदार्थ अगदी सहज बनवू शकता. याची रेसिपी सोशल मीडियावर शेअर करण्यात आली आहे, जी आपण आज या लेखातून जाणून घेणार आहोत. चला तर मग अजिबात वेळ न दवडता यासाठी लागणारे साहित्य आणि कृती नोट करा.

रेसिपीच्या बातम्या वाचण्यासाठी इथे क्लिक करा

साहित्य

• पाच अंडी
• धणे
• काळीमिरी
• लाल मिरची
• कडीपत्ता
• बटर
• हळद
• मसाला
• मीठ
• कोथिंबीर

 

View this post on Instagram

 

A post shared by मराठी कढई (@_marathi_kadhai_)

रेसिपीच्या बातम्या वाचण्यासाठी इथे क्लिक करा

कृती

• अंडा फ्राय तयार करण्यासाठी सर्वप्रथम अंडी उकडून घ्या. यासाठी तुम्ही अंड्यांना कुकरमध्ये टाकून 3-4 शिट्टया घेऊ शकता
• आता उकडलेली अंडी सोला आणि चाकूच्या मदतीने याचे पातळ काप करा
• यानंतर गॅसवर एक पॅन ठेवा आणि यात तेल टाका
• मग यात धणे, काळीमिरी, मिरी, लाल मिरची, कडीपत्ता भाजून घ्या
• भाजलेले हे साहित्य मिक्सरच्या भांड्यात टाका आणि याची पावडर तयार करा
• आता पॅनमध्ये बटर घाला
• नंतर यात अंड्याचे काप टाका आणि हलके परतून घ्या
• मग यात तयार पावडर, हळद, मसाला, मीठ घाला आणि अंड्यामध्ये मिक्स करा
• दोन्ही बाजूंनी अंडी छान मंद आचेवर शिजवून घ्या
• शेवटी यावर चिरलेली कोथिंबीर टाका आणि गॅस बंद करा
• तयार अंडी प्लेटमध्ये काढा आणि खाण्यासाठी सर्व्ह करा
• ही रेसिपी @marathi_kadhai या इन्स्टाग्राम अकाउंटवरून शेअर करण्यात आली आहे

Web Title: How to make egg fry in just ten to fifteen minutes read easy and tasty recipe

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com