Recipe: चहाची मजा होईल द्विगुणित, या थंडीत घरी बनवा गरमा गरम मटार कचोरी

Matar Kachori: हिवाळ्यात चहाची रंगत वाढवेल मटार कचोरी! हिवाळ्यात मटार फार स्वस्त होतात. अशात तुम्हाला जर याची भाजी खायला आवडत नसेल तर तुम्ही यापासून कचोरी तयार करून याचा आस्वाद घेऊ शकता.

हिवाळ्याचा ऋतू आता सुरु झाला आहे. या थंडीच्या वातावरणात नेहमीच काही ना काही टेस्टी आणि गरमा गरम खाण्याची इच्छा होत असते. या मोसमात गरमा गरम चहा पिण्याची मजा काही वेगळीच! आता चहा म्हटला की, त्यासोबत नाश्ता हा आलंच. आता तेच तेच नाश्त्याचे पदार्थ खाऊन जर तुम्हाला कंटाळा आला असेल तर आम्ही तुमच्यासाठी एक खास आणि सुरेख रेसिपी घेऊन आलो आहोत. आपल्या या रेसिपीचे नाव आहे मटार कचोरी. कचोरी तर तुम्ही अनेकदा खाल्ली असेल बहुतेकदा यात डाळीचे सारण भरले जाते.

तुम्ही जर आजवर ही मटार कचोरी ट्राय केली नसेल तर विश्वास ठेवा तुम्ही तुमच्या जीवनातून एक मोठी गोष्ट मिस करत आहेत. चाहसोबत खस्ता कचोरीचे कॉम्बिनेशन फार छान लागते . हिवाळ्याच्या ऋतूत मटार फार स्वस्त उपलब्ध असतात, त्यामुळे या ऋतूत ही रेसिपी एकदा जरूर करून पहा. ही कचोरी तुम्ही बनवून काही दिवस साठवून देखील ठेवू शकता आणि तुम्हाला हवं तेव्हा याचा आस्वाद घेऊ शकता. चला तर मग जाणून घेऊयात यासाठी लागणारे साहित्य आणि कृती.

पौष्टिकतेला गोडाची जोड! हिवाळ्यात घरी बनवा गरमा गरम ‘गाजर रबडी’, लगेच नोट करा चविष्ट रेसिपी

साहित्य

• 4-5 हिरव्या मिरच्या
• 1 तुकडा आले
• 5-6 पाकळ्या लसूण
• 1 कप मैदा
• 1/2 टीस्पून ओवा
• चवीनुसार मीठ
• 1/2 टीस्पून जिरे
• 1 चिमूट हिंग
• 1/2 टीस्पून तीळ
• १ मध्यम आकाराचा कांदा
• 1/2 टीस्पून हळद पावडर
• 1/2 टीस्पून धने पावडर
• 1/2 टीस्पून गरम मसाला
• 1/2 टीस्पून काश्मिरी लाल मिरची
• 1/2 टीस्पून आमचूर पावडर
• चिरलेले काजू
• तेल

Recipe: तीच तीच भेंडीची भाजी खाऊन कंटाळा आला असेल तर एकदा ही कुरकुरीत भेंडी बनवून पहा

कृती

• मटार कचोरी तयार करण्यासाठी सर्वप्रथम हिरवे मटार सोलून घ्या
• त्यानंतर मिक्सरच्या भांड्यात मटार, हिरवी मिरची, आले, लसूण टाकून याची पेस्ट तयार करा आणि बाजूला ठेवून द्या
• आता मैदा, ओवा, मीठ आणि तेल एकत्र करा आणि एक गुळगुळीत पीठ मळून घ्या
• तयार पीठ काही वेळ कापडाने झाकून ठेवा
• नंतर गॅसवर एक कढई ठेवा आणि यात तेल टाका
• मग यात जिरे, हिंग, तीळ आणि कांदा घाला आणि मिश्रण चांगले परतून घ्या
• 2-3 मिनिटे मिश्रण छान शिजवा आणि मग यात हळद, धणे, गरम मसाला, मीठ, काश्मिरी लाल मिरची, सुकी कैरी पावडर आणि चिरलेला काजू घाला
• सर्व साहित्य व्यवस्थित एकत्रित करून शिजवून घ्या आणि मग गॅस बंद करा
• आता तयार मैद्याच्या पिठाचे गोळे तयार करा
• या गोळ्यांमध्ये तयार मटार स्टफिंग भरा आणि याला कचोरीचा आकार द्या
• आता गॅसवर पुन्हा एक कढई ठेवून यात तेल तापत ठेवा
• तेल तापले की यात एक एक कचोरी टाकून छान सोनेरी रंग येईपर्यंत तळून घ्या
• तयार कचोरी एका प्लेटमध्ये चहा किंवा चटणीसोबत खाण्यासाठी सर्व्ह करा