गटारी स्पेशल : बिर्याणीची झंझट नको वाटते मग यंदाच्या मेजवानीत करा मसालेदार चिकन खिचडीचा बेत

गटारीनिमित्त अनेकांच्या घरी चिकन बिर्याणीचा बेत बनतो पण बिर्याणी ही जरा मेहनतीची आणि वेळ खाऊ डिश आहे. अशात झटपट आणि चविष्ट पर्यायासाठी तुम्ही घरी मसालेदार आणि झटपट तयार होणाऱ्या चिकन खिचडीचा पर्याय निवडू शकता.

गटारी आता अवघ्या दोन दिवसांवर येऊन ठेपली आहे. अशात अनेकांच्या घरी नवनवीन नॉनव्हेज पदार्थांचा बेत असेल. यंदा गटारीचा दिवस २५ जुलै म्हणजेच गुरुवारी आला आहे. या दिवशी अनेकजण नॉनव्हेज खात नाहीत त्यामुळे बहुतेक लोक बुधवारी आपली गटारी साजरी करतील. अशात आज आम्ही तुमच्यासाठी गटारीनिमित्त एक सोपी आणि झटपट अशी रेसिपी घेऊन आलो आहोत जी चवीला तर छान लागेलच शिवाय यासाठी फार मेहनत घ्यावी लागणार नाही.

kokani Recipe: कोकणातील पारंपरिक पद्धतीमध्ये बनवा चमचमीत चविष्ट अळूचं फदफदं, नोट करून घ्या रेसिपी

खिचडी ही पारंपरिक आणि पौष्टिक भारतीय डिश आहे जी सामान्यतः तांदूळ आणि डाळींच्या संयोजनाने बनवली जाते. पण जर या खिचडीला प्रोटीनने भरलेले चिकन मिळाले, तर ती चवीलाही समृद्ध होते आणि आरोग्यासाठीही उपयुक्त ठरते. चिकन खिचडी ही एक झटपट आणि हेल्दी रेसिपी आहे जी थंडीच्या दिवसात किंवा एखाद्या आरामदायक संध्याकाळी खूपच स्वादिष्ट लागते. गटारीनिमित्त अनेकांच्या घरी चिकन बिर्याणीचा बेत असतो पण बिर्याणीसाठी फार मेहनत घ्यावी लागते अशात तुम्ही चिकन खिचडीचा पर्याय निवडू शकता जो तुमच्या गटारीची रंगत आणखीनच वाढवेल. चला जाणून घेऊया यासाठी लागणारे साहित्य आणि कृती.

साहित्य

• बासमती तांदूळ – १ कप
• मुगडाळ किंवा तूर डाळ – ½ कप
• बोनलेस चिकन – २५० ग्रॅम (साफ करून चिरलेले)
• कांदा – १ मध्यम (स्लाइस केलेला)
• टोमॅटो – १ मध्यम (बारीक चिरलेला)
• आलं-लसूण पेस्ट – १ टेबलस्पून
• हिरवी मिरची – १-२ (लांब चिरलेली)
• हळद – ½ टीस्पून
• लाल तिखट – १ टीस्पून
• गरम मसाला – ½ टीस्पून
• तेल – २ टेबलस्पून
• मीठ – चवीनुसार
• कोथिंबीर – सजावटीसाठी
• पाणी – अंदाजे ३ ते ३½ कप

उरलेल्या भातापासून सकाळच्या नाश्त्यासाठी झटपट बनवा मऊसर इडली, नोट करून घ्या पदार्थ

कृती

• चिकन खिचडी बनवण्यासाठी सर्वप्रथम तांदूळ आणि डाळ एकत्र धुवून १५-२० मिनिटे पाण्यात भिजवून ठेवा.
• चिकनमध्ये थोडं मीठ, हळद, आणि आलं-लसूण पेस्ट घालून १५ मिनिटे मॅरिनेट करून ठेवा.
• एका मोठ्या कढईत तेल गरम करून त्यात कांदा परतून घ्या. तो हलका ब्राऊन झाला की त्यात हिरवी मिरची,
• आलं-लसूण पेस्ट घाला. नंतर टोमॅटो घालून मऊ होईपर्यंत परता.
• मसाल्यात मॅरिनेट केलेले चिकन घालून ५-७ मिनिटे परतवा. चिकन अर्धशिजवून घ्या.
• आता भिजवलेले तांदूळ आणि डाळ घालून हलके परतून घ्या. त्यात हळद, तिखट, गरम मसाला, मीठ आणि पाणी घाला.
• झाकण ठेवून मध्यम आचेवर १५-२० मिनिटे किंवा सर्व घटक मऊ होईपर्यंत शिजवा. दरम्यान हलक्या हाताने ढवळा.
• शेवटी वरून कोथिंबीर घालून गरमागरम चिकन खिचडी लोणचं किंवा पापडासोबत सर्व्ह करा.
• तुम्ही हवे असल्यास हिंग, जिरे, तमालपत्र यांसारखे मसाले तडका देताना वापरू शकता.
• जास्त मसालेदार आवडत असल्यास काळा मसाला किंवा गरम मसाल्याचं प्रमाण वाढवा.
• स्वादिष्ट आणि आरोग्यदायी चिकन खिचडी तयार आहे!
• या चिकन खिचडी आस्वाद गरमा गरम असताना घ्या, यासोबत तुम्ही रायता सर्व्ह करू शकता