Gauri Visarjan 2026: गौरी विसर्जनाआधी हे नक्की वाचा! ‘या’ 7 गोष्टींची विशेष काळजी घ्या

Gauri Visarjan 2026: गौरी विसर्जनाच्या वेळी उत्तरपूजा करून नैवेद्य दाखवणे, वाण देणे आणि गौरीचे दागिने सुरक्षितपणे काढणे अशा पारंपरिक प्रथा अनेक कुटुंबांमध्ये पाळल्या जातात. मात्र, या प्रथा प्रदेश आणि कुटुंबाच्या परंपरेनुसार बदलू शकतात. त्यामुळे आपल्या घरच्या परंपरेनुसार विधी करणे योग्य ठरेल.

• १९ सप्टेंबर २०२६ रोजी ज्येष्ठा गौरी विसर्जन; मुंबई पंचांगानुसार तिथी दुपारी ३:२६ पर्यंत.
• विसर्जनापूर्वी उत्तरपूजा, नैवेद्य आणि वाण देण्याची परंपरा अनेक ठिकाणी पाळली जाते.
• गौरीच्या मुखवट्यावरील दागिने विसर्जनापूर्वी काढून सुरक्षित ठेवण्याची काळजी घ्या.

सगळीकडे गणेशोत्सवाची धामधूम सुरू आहे. ढोल ताशे, आरत्या, मोदकाचा वास सगळीकडेच उत्साह आहे. आज गणेशोत्सवाचा सहावा दिवस आहे. अनेकांच्या घरी गौरी आवाहन झालं, दोन दिवस गौरीची मनोभावे पूजा झाली आणि आज अनेक ठिकाणी गौरी विसर्जन होणार आहे. गौरीला निरोप देताना प्रत्येकाच्या मनात थोडं वाईट वाटत असतं. पण हा निरोप पण तितक्याच थाटात आणि नियम पाळून दिला पाहिजे. गौरी विसर्जनाच्या वेळी काही गोष्टी लक्षात ठेवल्या तर विसर्जन अगदी व्यवस्थित पार पडतं. Gauri Visarjan 2026:

आजचा शुभ मुहूर्त काय आहे?

गौरी पूजनाच्या तिसऱ्या दिवशी गौरी विसर्जन केलं जातं. आज 19 सप्टेंबर 2026 आहे आणि आजच गौरी विसर्जनाचा दिवस आहे. पंचांगानुसार आजचा शुभ काळ सकाळी 6 वाजून 27 मिनिटांपासून ते संध्याकाळी 6 वाजून 38 मिनिटांपर्यंत आहे. पण यात पण सगळ्यात चांगली वेळ म्हणजे सकाळी सूर्योदयापासून ते दुपारी 3 वाजून 15 मिनिटांपर्यंत. कारण 3.15 नंतर मूळ नक्षत्र संपत आहे. त्यामुळे दुपारच्या आत विसर्जन करणं जास्त चांगलं मानलं जातं. त्यामुळे दुपारी 3.15 च्या आत गौरीची उत्तरपूजा आणि विसर्जन करून घ्या.

गौरी विसर्जन करताना ‘या’ गोष्टी नक्की पाळा

गौरी विसर्जन हा फक्त एक विधी नाही तर गौरीला थँक्यू म्हणण्याचा आणि तिला निरोप देण्याचा दिवस आहे. त्यामुळे काही नियम पाळणं गरजेचं आहे.

1. सकाळी लवकर उठा – विसर्जनाच्या दिवशी सकाळी लवकर उठून अंघोळ करा. घर स्वच्छ ठेवा. गौरी जाणार म्हणून घरात रडगाणं करू नका, आनंदाने निरोप द्या.

2. उत्तरपूजा कशी करावी – उत्तरपूजेच्या वेळी गौरीला हळद, कुंकू, नारळ, सुपारी, अगरबत्ती लावा. तिने वर्षभर आपलं सौभाग्य टिकवावं म्हणून प्रार्थना करा. फराळाचे पदार्थ, पुरणपोळी, भात, वरण याचा नैवेद्य दाखवा.

3. वाण देणं महत्त्वाचं – गौरी विसर्जनाच्या वेळी 5 सुवासिनींना बोलावून वाण देण्याची पद्धत आहे. एका ताटात किंवा थाळीमध्ये वाणाचे साहित्य घ्या. ते आधी देवीसमोर दाखवा, त्याची पूजा करा आणि मग त्या महिलांना द्या. यामुळे घरात सुख समृद्धी राहते असं मानलं जातं.

4. दही भाताचा नैवेद्य – गौरीची शेवटची आरती झाल्यावर तिच्यावर अक्षता टाका. तिला दही भाताचा नैवेद्य दाखवा आणि विडा द्या. दही भात हा थंडावा देणारा असतो, त्यामुळे प्रवासासाठी दिला जातो असं म्हणतात.

5. दागिने काढायला विसरू नका – सगळ्यात महत्त्वाची गोष्ट. अनेकांच्या गौरीचे मुखवटे हे पंचधातूचे किंवा सोन्या चांदीचे असतात. त्यावर तुम्ही दागिने घातले असतील तर विसर्जनाच्या आधी ते नक्की काढून घ्या. अनेकदा घाईत लोक दागिन्यांसकटच विसर्जन करतात आणि नंतर पश्चाताप करतात.

6. थोडी माती घरी आणा – गौरी विसर्जन केल्यावर तिथली थोडी माती घरी आणून चौरंगावर ठेवावी. ही माती खूप पवित्र मानली जाते. ती घरी ठेवल्याने गौरीचा आशीर्वाद कायम घरात राहतो अशी श्रद्धा आहे.

गौरी विसर्जन हे जड अंतःकरणाने केलं जातं पण पुढच्या वर्षी लवकर या असं सांगून तिला निरोप द्या. नियम पाळून, आनंदाने आणि श्रद्धेने विसर्जन करा, तुमची पूजा नक्कीच सफल होईल.