पावसाच्या पाण्यामुळे चेहरा लाल झाला आहे? तर ‘या’ घरगुती पदार्थांचा वापर करा

पावसाळ्यात चेहरा चिकट आणि तेलकट होतो. तेलकट झालेली त्वचा योग्य वेळी स्वच्छ केली नाहीतर चेहऱ्यावर तेल साचून फोड आणि मुरूम येण्यास सुरुवात होते. चेहऱ्यावर आलेले मुरूम घालवण्यासाठी अनेक प्रयत्न केले जातात. यामुळे चेहऱ्यावर रॅश किंवा लालसरपणा वाढू लागतो. या समस्यांपासून आराम मिळवण्यासाठी घरगुती पदार्थांचा वापर करून पहा. हे घरगुती पदार्थ चेहऱ्याला लावल्यामुळे चेहऱ्यावरील डाग आणि मुरूम निघून जाऊन त्वचा सुधारण्यास मदत होईल.

वातावरणातील बदलांचा परिणाम आरोग्यावर लगेच दिसून येतो. पावसाळ्यात हवेमध्ये आद्र्रता असते. या अद्र्तेचा परिणाम आरोग्यासह त्वचेवर सुद्धा होतो. वातावरणातील आद्र्रतेमुळे चेहरा तेलकट आणि चिकट होऊन जातो. चेहरा तेलकट किंवा चिकट झाल्यानंतर चेहऱ्यावर हळूहळू फोड आणि पिंपल्स येण्यास सुरुवात होते. चेहऱ्यावर आलेले फोड किंवा पिंपल्स हाताने कोचून फोडल्यानंतर तिथे डाग पडण्याची शक्यता असते. त्यामुळे पावसाळ्याच्या दिवसांमध्ये त्वचेची योग्य ती काळजी घेणे गरजेचे आहे. पावसाळ्यात बाहेर जाऊन आल्यानंतर चेहऱ्यावर लाल डाग येणे, खाज येणे इत्यादी अनेक समस्या जाणवू लागतात. या समस्यांपासूनआराम मिळवण्यासाठी आज आम्ही तुम्हाला काही घरगुती उपाय सांगणार आहोत, जे केल्यामुळे तुमच्या त्वचेला फायदे होतील.(फोटो सौजन्य-istock)

गुलाबपाणी:

खराब झालेली त्वचा सुधारण्यासाठी गुलाब पाण्याचा वापर केला जातो. गुलाब पाण्यामध्ये कूलिंग इफेक्ट असतात,ज्यामुळे चेहरा थंड राहतो. खाज किंवा मुरुमांनी लाल झालेला चेहरा पुन्हा एकदा उजळ्वण्यासाठी गुलाब पाण्याचा वापर करावा. गुलाब पाणी तुम्ही काकडीमध्ये मिक्स करून सुद्धा वापरू शकता. हे त्वचेला 10 ते 15 मिनिटं लावून ठेवा. यामुळे तुमच्या त्वचेवरील लालसरपणा कमी होईन त्वचा सुधारण्यास मदत होईल.

हे देखील वाचा: चेहऱ्यावरील सुरकुत्या घालवण्यासाठी ‘अशा’ पद्धतीने बनवा फेसपॅक, चेहरा दिसेल तरुण

मध:

मागील अनेक वर्षांपासून मधाचा वापर त्वचेच्या सुंदर आरोग्यासाठी केला जात आहे. मधामध्ये असलेले गुणधर्म त्वचेचा पोत सुधारण्यासाठी मदत करतात. मधामध्ये असलेले दाहक-विरोधी गुणधर्म त्वचेला आलेली सूज आणि लालसरपणा कमी करण्यासाठी मदत करते. चेहऱ्यावर आलेले रॅश किंवा खाज दूर करण्यासाठी लाल झालेल्या चेहऱ्यावर मध लावून 10 ते 15 मिनिटं तसंच ठेवून घ्या. चेहरा कोरडा झाल्यानंतर स्वच्छ पाण्याने धुवा. यामुळे तुमच्या चेहऱ्यावरील लालसरपणा आणि रॅश निघून जातील.

कोरफड जेल:

कोरफड जेलमध्ये असलेले गुणधर्म त्वचा आणि केसांसाठी फायदेशीर आहेत. यामुळे चेहऱ्यावरील लाल डाग आणि रॅश निघून जातात. पावसाळ्याच्या दिवसांमध्ये कोणत्या ना कोणत्या कारणांमुळे चेहऱ्यावर फोड किंवा मुरूम येतात. हे मुरूम घालवण्यासाठी कोरफड जेल चेहऱ्याला लावून 15 ते 20 मिनिटं ठेवून घ्या. त्यानंतर चेहरा कोरडा झाल्यावर थंड पाण्याने चेहरा स्वच्छ करा.

हे देखील वाचा: तुम्हालाही सतत चेहरा धुण्याची सवय आहे? गंभीर परिणाम होऊ शकतात, आजच जाणून घ्या

बर्फ:

चेहऱ्यावर नियमित बर्फाने मसाज केल्यामुळे चेहरा सुंदर आणि चमकदार होतो. पिंपल्स लिवा मुरूम येऊन खराब झालेली त्वचा सुधारण्यासाठी नियमित चेहऱ्यावर बर्फाने मसाज करा. यासाठी कॉटनच्या कपड्यामध्ये बर्फाचा तुकडा घेऊन संपूर्ण चेहऱ्यावर मसाज करा. त्यानंतर तुम्हाला हवे असल्यास चेहरा थंड पाण्याने धुवा. यामुळे हरवलेला त्वचेचा रंग सुधारण्यास मदत होईल.

 

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.