केसांवरील चमक वाढवण्यासाठी घरी तयार करा हर्बल हेअर कंडिशनर, केस होतील सॉफ्ट

काही महिला केस लांब आणि चमकदार दिसावे म्हणून बाजारात मिळणारे महागडे प्रॉडक्ट वापरतात. पण केमिकल युक्त प्रॉडक्टचा वापर केल्याने केस पूर्णपणे कमकुवत आणि निस्तेज होऊन जातात. पण हे सर्व कारण्यापेक्षा योग्य ते हेअर केअर रुटीन फॉलो केले तर केस व्यवस्थित राहतात.

केसांचे आरोग्य चांगले ठेवण्यासाठी अनेकदा आपण वेगवेगळे उपाय करतो. काही महिला केस लांब आणि चमकदार दिसावे म्हणून बाजारात मिळणारे महागडे प्रॉडक्ट वापरतात. पण केमिकल युक्त प्रॉडक्टचा वापर केल्याने केस पूर्णपणे कमकुवत आणि निस्तेज होऊन जातात. पण हे सर्व कारण्यापेक्षा योग्य ते हेअर केअर रुटीन फॉलो केले तर केस व्यवस्थित राहतात. आठवड्यातून दोनदा केस स्वच्छ करणे, केसांना तेल लावणे, हेअर मास्क लावणे इत्यादी गोष्टी केल्याने केसांचे आरोग्य निरोगी राहते.

चमकदार आणि लांबसडक केसांसाठी महिला वेगवेगळे उपाय करत असतात. अनेकदा शॅम्पूने केस स्वच्छ केल्यानंतर आपण कंडिशनर लावत नाही. पण कंडिशनर न लावल्याने काही प्रमाणात केस निस्तेज दिसतात. बाजारामध्ये अनेक वेगवेगळ्या प्रकारचे कंडिशनर उपलब्ध आहेत. हे कंडिशनर वापरल्याने केस तेवढ्या पुरते छान दिसतात. त्यामुळे आज आम्ही तुम्हाला घरच्या घरी हर्बल हेअर कंडिशनर कसे तयार करायची याची सोपी कृती पाहणार आहोत. या हेअर कंडिशनरमुळे तुमच्या केसांचे कोणतेही नुकसान होणार नाही. यामुळे तुमचे केस मऊ आणि चमकदार दिसतील.(फोटो सौजन्य-istock)

पुदिना ग्रीन टी कंडिशनर:

कंडिशनर बनवण्यासाठी लागणारे साहित्य:

• दोन ग्रीन टी बॅग
• मूठभर पुदिन्याची पाने
• एक चमचा जोजोबा ऑइल

कंडिशनर बनवण्याची कृती:

• कंडिशनर बनवण्यासाठी एका भांड्यात एक ग्लास गरम पाणी करून घ्या. या पाण्यात ग्रीन टी बॅग टाकून गरम करा.
• त्यानंतर त्यात पुदिन्याची पाने टाका.
• हे पाणी उकळल्यानंतर गॅस बंद करून घ्या. पाणी थंड होण्यासाठी ठेवा.
• पाणी थंड झाल्यानंतर पुदिन्याचे पाणी गाळून घ्या.
• नंतर त्यात जोजोबा ऑइल टाकून मिक्स करून घ्या. तयार केलेले पाणी शॅम्पू केल्यानंतर केसांना लावा.

जास्वंद दही कंडिशनर:

साहित्य:

• 10-12 जास्वंदाची फुले
• 1 कप दही

कृती:

• कंडिशनर तयार करण्यासाठीजास्वंदीची पाने बारीक करून घ्या.
• पाने बारीक करून झाल्यानंतर दह्यामध्ये बारीक केलेली जास्वंदी टाकून मिक्स करून घ्या.
• हे मिश्रण तयार झाल्यानंतर केसांना आणि स्कॅल्पला लावा.
• स्कॅल्पला लावून झाल्यानंतर केस स्वच्छ पाण्याने धुवून घ्या.

 

टीप – आम्ही देत असलेली माहिती ही तज्ज्ञांशी बोलून आणि रिसर्च करून देत आहोत. हा लेख केवळ तुमच्या माहितीसाठी लिहिण्यात आला आहे. प्रत्येकाची त्वचा वेगळी असते, त्यामुळे कोणत्याही प्रकारचा उपाय करण्यापूर्वी पॅच टेस्ट करायला विसरू नका.