1 किलो वजन कमी करण्यासाठी रोज इतक्या किलोमीटरने धावाल तरच विरघळेल शरीराची चरबी

How To Lose Weight: या लेखात, आम्ही तुम्हाला 1 किलो वजन कमी करण्यासाठी किती किलोमीटर रोज धावले पाहिजे हे सांगणार आहोत, जेणेकरून तुम्ही योग्यरित्या तुमचे वजन कमी करून आरोग्य चांगले राखू शकता.

वेगाने वजन कमी करण्याचा सर्वात योग्य मार्ग म्हणजे धावणे. शरीरातील वाढलेली चरबी कमी करण्यासाठी चालणे आणि धावणे या गोष्टींचा नित्यक्रमात समावेश करण्याचा सल्लाही आरोग्य तज्ज्ञ देतात. पण धावणे हा दैनंदिन नियम बनवताना, किती धावायचे हेदेखील जाणून घेतले पाहिजे. कारण काही वेळा चुकीच्या मार्गाने धावल्याने तुमचे आरोग्य बिघडू शकते.

तुम्ही रोज किती किलोमीटर धावलात तर तुमचे 1 किलो वजन कमी होऊ शकते याबाबत आम्ही तुम्हाला या लेखातून माहिती देत आहोत. आरोग्यतज्ज्ञांच्या मते नक्की हे कशा पद्धतीने काम करते याबाबत जाणून घ्या. (फोटो सौजन्य – iStock) 

हेदेखील वाचा – रोगप्रतिकारशक्ती निरोगी राहण्यासाठी ‘या’ सवयींमध्ये करा बदल

काय सांगतात तज्ज्ञ

तज्ज्ञांचे म्हणणे आहे की 1 किलो वजन कमी करण्यासाठी एखाद्या व्यक्तीला सुमारे 7,000 कॅलरीज बर्न करणे आवश्यक आहे. आरोग्य तज्ज्ञांच्या मते, 70 किलो वजनाची व्यक्ती एक किलोमीटर चालल्यावर 28 ते 35 कॅलरीज बर्न करते. 

अशा परिस्थितीत शरीरातील एक किलो चरबी जाळण्यासाठी त्या व्यक्तीला सुमारे 7,000 कॅलरीज बर्न कराव्या लागतील. त्यासाठी दररोज 200 ते 250 किलोमीटर चालावे लागेल, जे रोज करणे शक्य नाही. अशा परिस्थितीत तुम्हाला दुसरी पद्धत अवलंबावी लागेल ज्याबद्दल आम्ही तुम्हाला येथे सांगत आहोत.

हेदेखील वाचा – घाईघाईत चूक झाली पण 15 दिवसांत केले एवढे वजन कमी, आध्यात्मिक गुरू जया किशोरीने सांगितला डाएट प्लॅन!

1 किलो कमी वजनासाठी काय करावे 

• दररोज किमान अर्धा तास चालावे तसंच तुम्ही रोज धावण्याचा व्यायाम करणेही उत्तम ठरते 
• याशिवाय कमी कॅलरी असलेले अन्न खावे
• रात्रीच्या जेवणानंतर फिरण्याची सवय लावा
• त्याच वेळी, शरीर हायड्रेटेड ठेवा, वजन कमी करण्याचा हा सर्वात महत्वाचा भाग आहे
• सर्वात महत्त्वाची गोष्ट म्हणजे ऑफिसमध्ये लिफ्टचा वापर टाळणे. याच्या मदतीने तुम्ही हळूहळू वजन कमी करू शकता

धावताना घ्यायची काळजी

• चालण्यापासून सुरुवात करा 
• धावताना आपल्या हाताची आणि डोक्याची पोझिशन योग्य आहे की नाही याची खात्री करा. तसंच खांद्याच्या सरळ रेषेत धावा 
• धावताना नेहमी रनिंग शूजचाच वापर करावा. यामुळे टाच आणि गुडघ्यांचे संरक्षण होते 
• घामाने न डबडबणारे कपडेच वापरावे