पोटावर वाढलेला चरबीचा घेर महिनाभरात होईल कमी! रोजच्या आहारात करा फायबर असलेल्या ‘या’ पदार्थांचा समावेश

आवडीने खाल्ल्या जाणाऱ्या ‘या’ पदार्थांमुळे वाढतो पित्ताचा त्रास, जाणून घ्या पदार्थ खाण्याची योग्य पद्धत

नाशपाती:

नाशपाती किंवा पेरमध्ये सहज विरघळून जाणारे फायबर युक्त घटक आढळून येतात. यामुळे पोट रिकामी राहते. फायबर असलेल्या पदार्थांचे आहारात नियमित सेवन केल्यास आतड्यांमध्ये जमा झालेली घाण बाहेर पडून जाते. पेर खाल्ल्यानंतर पोट जास्त वेळ भरलेले राहते. यामुळे गोड पदार्थ खाण्याची इच्छा पूर्णपणे कमी होऊन जाते. पेरमध्ये पाण्याचे प्रमाण जास्त असते. नाशपातीमधील फायबर, फिनॉलिक्स घटक आतड्यांसाठी चांगले असतात.

केळी:

वजन कमी करताना सकाळच्या नाश्त्यात नियमित दोन किंवा तीन केळी खावीत. केळी खाल्ल्यामुळे पोट जास्त वेळ भरलेले राहते आणि लवकर भूक लागत नाही. केळीमध्ये विरघळणारे फायबर असतात, यामुळे आतड्यांचे आरोग्य चांगले राहते. याशिवाय केळीमध्ये असलेले इतर घटक भूक नियंत्रणात ठेवतात आणि रक्तातील साखरेची पातळी कायमच संतुलित ठेवतात. पिकलेली केळी खाल्ल्यास त्यातील नैसर्गिक गोडवा पोट जास्त वेळ भरलेले ठेवते.

स्ट्रॉबेरी:

थंडीच्या दिवसांमध्ये बाजारात स्ट्रॉबेरी मोठ्या प्रमाणावर उपलब्ध असतात. लहान मुलांपासून ते अगदी मोठ्यांपर्यंत सगळ्यांचं स्ट्रॉबेरी खायला खूप जास्त आवडते. आंबटगोड चवीची स्ट्रॉबेरी शरीरासाठी खूप जास्त फायदेशीर आहे. यामध्ये फायबर आणि पाण्याचे प्रमाण जास्त असते. त्यामुळे सकाळच्या नाश्त्यात इतर पदार्थांसोबतच वाटीभर स्ट्रॉबेरी खावी. स्ट्रॉबेरीमधील फायबर आणि फायटोकेमिकल्स जेवणानंतर ग्लुकोजची पातळी वाढू देत नाही. त्यामुळे कधीही स्ट्रॉबेरीचा ज्यूस पिण्याऐवजी स्ट्रॉबेरी कच्ची खावी.

पाणी प्यायल्यानंतर लगेच लघवीला जावे लागते? जाणून घ्या वारंवार लघवीला होण्याची कारणे आणि त्यावरील उपाय

सफरचंद:

नाश्त्यात नियमित एक अख्खे सफरचंद खाल्ल्यास पोट जास्त वेळ भरलेले राहते.केवळ सफरचंदच नाहीतर साल सुद्धा खावी. सफरचंदमध्ये फायबर मोठ्या प्रमाणावर आढळून येते. दुपारच्या वेळी कामात किंवा इतर वेळी भूक लागल्यानंतर काहींना काही खाण्याची इच्छा झाल्यास तिखट किंवा तेलकट पदार्थ खाण्याऐवजी सफरचंद किंवा इतर कोणत्याही फळाचे सेवन करावे.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या.

संबंधित बातम्या