महादेवाला प्रिय… घरी बेलपत्राचं झाड कसं लावायचं? जाणून घ्या सोपी आणि योग्य पद्धत

श्रावण महिन्यात भगवान शिवाच्या पूजेत बेलपत्राला विशेष महत्त्व आहे. बाजारातून बेलपत्र आणण्याऐवजी तुम्ही घरच्या कुंडीतही बेलाचे झाड लावू शकता. जाणून घ्या बेलपत्राचे झाड लावण्याची सोपी पद्धत आणि खास टिप्स.

• बेलाचे झाड लावताना योग्य काळ आणि साहित्य महत्त्वाचे.
• कुंडीसाठी मातीची योग्य निवड आणि पाण्याचा निचरा आवश्यक.
• झाडाच्या चांगल्या वाढीसाठी सूर्यप्रकाश आणि नियमित काळजी घ्या.

श्रावण महिना लवकरच सुरु होणार असून हा महिना भगवान शिवाला समर्पित केला जातो. श्रावणात भगवान शंकराची पूजा-अर्चा केली जाते आणि या पूजेत बेलपत्राचे पान फार महत्त्वाचे मानले जाते. हिंदू धर्मात सुरुवातीपासून बेलपत्राच्या पानाला फार महत्त्व आहे. असे म्हटले जाते की बेलपत्राच्या पानाने भगवान शिवाला प्रसन्न केले जाऊ शकते. अनेक धार्मिक विधींमध्येही याचा वापर केला जातो. तुम्हालाही जर श्रावण महिन्यातील पूजेत बेलपत्राचे फूल हवे असेल तर आता पुन्हा पुन्हा बाजारातून त्याला खरेदी करण्याची गरज नाही. तुम्ही घरातच कुंडीत हे झाड उगवू शकता. चला योग्य आणि सोप्या पद्धतीमध्ये बलपत्राचे झाड घरी कसे उगवायचे आणि त्यासाठीच्या काही खास टिप्स जाणून घेऊया.

Skin Care Tips: डेड स्किनमुळे त्वचा काळी पडली आहे? कॉफीमध्ये मिक्स करा ‘या’ गोष्टी, त्वचा राहील कायमच सुंदर

योग्य वेळ आणि साहित्य निवडणे

बेलपत्राचे झाड लावण्यासाठी फ्रेब्रुवारी ते जुलै दरम्यानचा काळ परफेक्ट मानला जातो. यासाठी बेलपत्राचे ताजे फळ किंवा निरोगी फांदी, ८-१० इंचाची कुंडी आणि योग्य मातीचे मिश्रण यांचा वापर करा.

माती तयार करण्यासाठी ट्रिक

बेलपत्राचे झाड लावण्यासाठी अशी माती घ्या ज्यात पाणी जमा होत नाही. यासाठी ५० टक्के सामान्य बागेतील माती, ३० टक्के शेण खत किंवा गांडूळ खत यांना एकत्र मिसळा. लक्षात ठेवा, कुंडीच्या खाली एक तरी ड्रेनेज होल नक्की तयार करा. यामुळे मातीतील अतिरिक्त पाणी बाहेर पडेल.

लागवडीसाठीची ट्रिक

यासाठी बेलपत्राच्या पिकलेल्या फळातून बिया काढा आणि चांगल्या प्रकारे धुवून याला स्वच्छ करा. बियांना २४ तास पाण्यात भिजवत ठेवा. कुंडीतील मातीत १ इंच खोल बिया चांगल्या पेरा आणि मग त्यावर मातीचा हलका थर लावा. यानंतर मातीत हलकं पाणी घाला.

वयाच्या ५० व्या वर्षीसुद्धा कायमच राहाल फिट आणि हेल्दी! आतडे स्वच्छ करण्यासाठी नियमित खा ‘हे’ खास पदार्थ, शरीराला मिळेल पोषण

कलमांपासून झाड उगवा

बियांऐवजी तुम्ही जुन्या बेलपत्राच्या झाडीतून पेन्सिलच्या जाडीची ६-८ इंच लांबीची फांदी तोडून त्याचा वापर नवीन झाड उगवण्यासाठी करु शकता. यासाठी फांदीचा खालचा भाग सोलून मग त्यावर कोरफड जेल लावा. या फांदीला कुंडीतील मातीत २-३ इंच खोल दाबून पेरा आणि मग यात हलकं पाणी घाला. कलमांच्या मदतीने झाड लवकर मोठ करण्यास मदत होते.

महत्त्वाच्या टिप्स

• बेलपत्राचे झाड उगवताना दररोज त्याला ४-५ तास सूर्यप्रकाशात ठेवायला विसरु नका.
• मातीतील ओलावा टिकवून ठेवा, परंतु कुंडीत पाणी साचू देऊ नका.
• झाडाच्या चांगल्या वाढीसाठी दर महिन्याला यात गांडूळ खत किंवा शेण खत घाला.
• रोप लहान असताना अतिवृष्टी आणि थंडीपासून याचा बचाव करा.