Beetroot Chila Recipe : लालचुटूक बीटापासून घरी बनवा हेल्दी आणि टेस्टी चिला, पोषकतत्वांनी आहे भरपूर

Beetroot Chila Recipe : तुम्हाला माहिती आहे का? तुम्ही बीटापासून स्वादिष्ट आणि पाैष्टिक असा चिला तयार करु शकता. हा चिला आरोग्यासाठी उत्तम ठरतो, शिवाय याला बनवण्यासाठी फार वेळही लागत नाही.

• चिला हा सकाळच्या नाश्त्यासाठी एक हेल्दी पर्याय मानला जातो.
• तुम्ही कधी बीटाचा चिला खाल्ला आहे का?
• हा चिला चवीला स्वादिष्ट लागतो आणि कमी वेळात तयार होतो.

बीटरूट चिला हा पौष्टिक, रंगतदार आणि चविष्ट नाश्त्याचा एक उत्तम पर्याय आहे. बीटरूटमध्ये भरपूर प्रमाणात लोह, फायबर, अँटिऑक्सिडंट्स आणि विविध जीवनसत्त्वे आढळतात, ज्यामुळे शरीराला ऊर्जा मिळण्यास मदत होते. पारंपरिक चिल्याला बीटरूटची जोड दिल्याने त्याचा रंग आकर्षक होतो आणि पोषणमूल्यही वाढते.

Malai Chaap Recipe : रेस्टाॅरंट स्टाईल मलाई चाप घरी बनवायचाय? मग ही रेसिपी फाॅलो करा

सकाळच्या नाश्त्यासाठी, मुलांच्या डब्यासाठी किंवा संध्याकाळच्या हलक्या खाण्यासाठी हा पदार्थ योग्य ठरतो. कमी तेलात तयार होणारा हा चिला आरोग्यदायी असून चव आणि पोषण यांचा उत्तम समतोल साधतो. वजन कमी करण्यासाठीही आपल्या आहारात या पदार्थाचा समावेश फायद्याचा ठरेल. चला बीटापासून चिला कसा तयार करायचा याची रेसिपी जाणून घेऊया.

साहित्य:

• 1 मध्यम आकाराचे बीटरूट (किसलेले)
• 1 कप बेसन
• 2 चमचे रवा
• 1 हिरवी मिरची बारीक चिरलेली
• 1 चमचा आले किसलेले
• 2 चमचे कोथिंबीर चिरलेली
• 1/2 चमचा जिरे
• चवीनुसार मीठ
• आवश्यकतेनुसार पाणी
• चिला भाजण्यासाठी थोडे तेल

शरीर राहील ताजेतवाने आणि फ्रेश! गुणकारी घटकांनी समृद्ध असलेल्या जांभळांपासून बनवा थंडगार सरबत, मधुमेह राहील नियंत्रणात

कृती:

• यासाठी सर्वप्रथम एका भांड्यात बेसन, रवा, जिरे आणि मीठ एकत्र मिसळा.
• आता त्यामध्ये किसलेले बीटरूट, हिरवी मिरची, आले आणि कोथिंबीर घाला.
• थोडे थोडे पाणी घालून गाठी न राहता मध्यम घट्ट पीठ तयार करा.
• पीठ 10 मिनिटे झाकून ठेवा, त्यामुळे रवा चांगला फुगेल.
• तवा गरम करून त्यावर थोडे तेल लावा आणि एक डाव पीठ घालून गोल आकारात पसरवा.
• मध्यम आचेवर दोन्ही बाजूंनी सोनेरी रंग येईपर्यंत भाजून घ्या.
• तयार बीटरूट चिला एक प्लेटमध्ये काढून घ्या.
• याला तुम्ही हिरवी चटणी, दही किंवा टोमॅटो सॉसबरोबर गरमागरम खाण्यासाठी सर्व्ह करा.