नवरात्रीच्या उपवासात साबुदाणे खाण्याऐवजी बनवून पहा चविष्ट भगर पुलाव

नवरात्रीच्या नऊ दिवसांमध्ये महिला, मुलींसह पुरुष सुद्धा उपवास करतात. उपवासाच्या नऊ दिवसांमध्ये नेमके काय काय पदार्थ बनवावे, असा प्रश्न सर्वच महिलांना पडतो. उपवासाच्या दिवसांमध्ये महिला साबुदाण्याची खिचडी बनवून खातात. पण सतत तेच तेच पदार्थ खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही भगर पुलाव बनवून खाऊ शकता. हा पुलाव कमीत कमी साहित्यामध्ये तयार होतो.

देशभरात सगळीकडे नवरात्री उत्सवाला सुरुवात होणार आहे. नवरात्रीच्या नऊ दिवसांमध्ये महिला उपवास करतात. तसेच घरोघरी देवीची आगमन होते. देवीच्या आगमन सोहळ्यानंतर नऊ दिवस देवीची मनोभावे पूजा करून नैवेद्या दाखवला जातो. नैवेद्यामध्ये अनेक वेगवेगळे प्रकारचे पदार्थ बनवले जातात. नवरात्रीच्या नऊ दिवसांमध्ये महिला, मुलींसह पुरुष सुद्धा उपवास करतात. उपवासाच्या नऊ दिवसांमध्ये नेमके काय काय पदार्थ बनवावे, असा प्रश्न सर्वच महिलांना पडतो. उपवासाच्या दिवसांमध्ये महिला साबुदाण्याची खिचडी, बटाट्याची भाजी, साबुदाण्याचे वडे, साबुदाण्याचे पराठे इत्यादी पदार्थ बनवले जातात. पण तेच तेच पदार्थ खाऊन कंटाळा आल्यानंतर काहींना काही नवीन खाण्याची इच्छा निर्माण होते. अशावेळी तुम्ही भगरेचा पुलाव बनवू शकता. हा पुलाव बनवण्यासाठी कमीत कमी वेळ लागतो. चला तर जाणून घेऊया भगरेचा पुलाव बनवण्याची कृती.

साहित्य:

• १ वाटी भगर
• तूप
• शेंगदाणे
• मीठ
• जिरं
• हिरव्या मिरच्या
• कोथिंबीर
• बटाटे
• पाणी

हे देखील वाचा: लहान मुलांसाठी २० मिनिटांमध्ये बनवा खमंग पौष्टिक फुटाणे, सर्दीसाठी ठरतील उपयुक्त

कृती:

• भगर पुलाव बनवण्यासाठी सर्वप्रथम एक वाटी भगर पाण्यात भिजवून ठेवा. त्यानंतर बटाटे उकळवण्यासाठी ठेवा.
• कढईमध्ये तूप टाकून गॅसवर गरम करण्यासाठी ठेवा. गरम झालेल्या तुपात जिरं टाकून भाजून घ्या.
• नंतर त्यात बारीक चिरून घेतलेल्या मिरच्या टाकून मिक्स करा. नंतर त्यात शेंगदाणे टाकून हलकेसे भाजून घ्या.
• शेंगदाणे भाजून झाल्यानंतर त्यात भिजवलेली भगर आणि उकडलेला बटाटा टाकून मिक्स करा.
• नंतर बारीक गॅसवर एक वाफ आल्यानंतर पुलावमध्ये मीठ आणि गरजेनुसार पाणी टाकून मिक्स करून घ्या.
• 10 मिनिटं बारीक गॅसवर भगर व्यवस्थित शिजवून घ्या. त्यानंतर वरून थोडेसे तूप टाकून पुन्हा एकदा मिक्स करा.
• तयार आहे भगर पुलाव. हा पदार्थ तुम्ही उपवासाच्या दिवशी आणि इतर वेळीसुद्धा खाऊ शकता.