Recipe : टी-टाईम स्नॅक्ससाठी आहे परफेक्ट, झटपट घरी बनवा टेस्टी चाॅकलेट बिस्कीट

Choocolate Biscuit Recipe : बिस्किट तर सर्वांनाच खायला फार आवडतात. यांची खुशखुशीत चव चहाची मजा द्विगुणित करुन टाकते. चला जाणून घेऊन चाॅकलेट बिस्किटांची रेसिपी.

• बिस्किटे सर्वांच्या आवडीचे आहेत.
• चाॅकलेट बिस्किटे तुम्ही घरी तयार करु शकता.
• याची रेसिपी फार सोपी आहे.

चॉकलेटची चव आणि बिस्किटांचा खुसखुशीतपणा एकत्र आला की घरच्या घरी तयार होणारी चॉकलेट बिस्किटे सगळ्यांनाच आवडतात. बाजारातील बिस्किटांपेक्षा घरच्या घरी बनवलेल्या बिस्किटांमध्ये साहित्याचे प्रमाण आपल्या आवडीनुसार बदलता येते. चहासोबत खाण्यासाठी, मुलांच्या डब्यासाठी किंवा अचानक गोड खाण्याची इच्छा झाल्यावर ही रेसिपी करून पाहता येते. संध्याकाळच्या चहासोबत तुम्ही या बिस्किटांची मजा लुटू शकता. लहान मुलांना तर हा पदार्थ फारच आवडेल. विशेष म्हणजे ही रेसिपी तुम्ही एकदा बनवून आठवडाभर साठवून ठेवू शकता. घरी बिस्किटे तयार करणे फार अवघड नसून घरातील उपलब्ध साहित्याने ते सहज तयार करता येतात.

Soya Kheema Recipe: गरमागरम चपाती भाकरीसोबत खाण्यासाठी रेस्टॉरंट स्टाईलने बनवा चमचमीत मसाला सोया खिमा, नोट करा रेसिपी

 साहित्य

• मैदा – १ कप
• कोको पावडर – २ टेबलस्पून
• पिठीसाखर – ½ कप
• बटर – ½ कप
• बेकिंग पावडर – ½ टीस्पून
• व्हॅनिला इसेन्स – ½ टीस्पून
• दूध – २ ते ३ टेबलस्पून
• चॉकलेट चिप्स – २ टेबलस्पून
• चिमूटभर मीठ

समुद्राच्या मध्यभागी वसलेले हे रिसॉर्ट पाहून वाटते जणू धर्तीवर आलाय UFO, कुठे आहे ते जाणून घ्या

 कृती

• यासाठी सर्वप्रथम एका भांड्यात मैदा, कोको पावडर, बेकिंग पावडर आणि चिमूटभर मीठ घेऊन सर्व साहित्य एकत्र चाळून घ्या.
• दुसऱ्या भांड्यात मऊ केलेले बटर आणि पिठीसाखर घेऊन मिश्रण हलके आणि मऊ होईपर्यंत फेटून घ्या.
• बटर-साखरेच्या मिश्रणात व्हॅनिला इसेन्स घाला आणि नीट एकत्र करा.
• आता चाळलेले कोरडे साहित्य थोडे थोडे करून बटरच्या मिश्रणात घाला. आवश्यकतेनुसार दूध घालून मऊसर पीठ तयार करा. पीठ जास्त मळू नका.
• तयार पीठात चॉकलेट चिप्स घालून हलक्या हाताने मिसळा. त्यानंतर पीठ १५ ते २० मिनिटे फ्रिजमध्ये ठेवल्यास बिस्किटांना चांगला आकार देता येतो.
• ओव्हन १७० ते १८० अंश सेल्सिअसवर प्रीहीट करा. पीठाचे छोटे गोळे करून ते हलके चपटे करा आणि बेकिंग ट्रेवर अंतर ठेवून मांडून घ्या.
• बिस्किटे साधारण १२ ते १५ मिनिटे बेक करा. कडा थोड्या सेट झाल्या की ट्रे बाहेर काढा. बिस्किटे सुरुवातीला थोडी मऊ वाटतील, पण पूर्ण थंड झाल्यावर त्यांना कुरकुरीतपणा येईल.
• बिस्किटे पूर्णपणे थंड झाल्यावर हवाबंद डब्यात भरून ठेवा. चहा, कॉफी किंवा दुधासोबत ही चॉकलेट बिस्किटे सर्व्ह करता येतील.