Raksha Bandhan 2024: विकत सारख्या खुसखुशीत नारळाच्या वड्या आता घरीच बनवा, वड्या होतील पांढऱ्याशुभ्र

नारळीपोर्णिमेच्या दिवशी सर्वच घरांमध्ये नारळी भात, नारळ वडी, नारळाच्या करंज्या इत्यादी अनेक पदार्थ बनवले जातात. लहान मुलांपासून मोठ्यांपर्यंत सगळ्यांचं नारळाच्या वड्या खूप आवडतात. पण अनेकदा नारळ वडी बनवताना ती चिकट किंवा जास्तच कडक होऊन जाते. त्यामुळे आज आम्ही तुम्हाला सोप्या पद्धतीचा वापर करून नारळ वड्या कशा बनवायच्या याची रेसिपी सांगणार आहोत. त्यामुळे यंदाच्या नारळीपोर्णिमेला ओल्या खोबऱ्यापासून नारळ वड्या नक्की बनवून पहा.

नारळी पौर्णिमेच्या आधल्या दिवशी सर्वच घरांमध्ये काहींना काही गोडाचे पदार्थ बनवले जातात. लहान मुलांपासून मोठ्यांपर्यंत सगळ्यांचं नारळी वड्या खूप आवडतात. महाराष्ट्रातील कोळी बांधव नारळी पौर्णिमा हा सण मोठ्या उत्साहात आणि आनंदात साजरा करतात. समुद्राला सोन्याचा नारळ वाहू पुन्हा एकदा मासेमारी करण्यास सुरुवात केली जाते. राखीपौर्णिमा या सणालाच नारळी पौर्णिमा असे सुद्धा बोलले जाते. यादिवशी सर्वच घरांमध्ये नारळी भात आणि नारळ वड्या, नारळाच्या करंज्या, नारळाचा लाडू इत्यादी अनेक पदार्थ बनवले जातात. त्यामुळे यंदाच्या नारळीपोर्णिमेला तुम्हीसुद्धा घरीच या सोप्या टिप्स वापरून नारळी वड्या बनवा. तुम्ही बनवलेल्या वड्या घरातील सगळ्यांना नक्की आवडतील. चला तर जाणून घेऊया नारळी वड्या बनवण्याची सोपी रेसिपी.(फोटो सौजन्य-istock)

साहित्य:

• ओल खोबर
• साखर
• वेलची पावडर
• काजू बदाम पिस्ता

हे देखील वाचा: Raksha Bandhan 2024: रक्षाबंधनला लाडक्या भावासाठी बनवा स्पेशल काजू कतली, जाणून घ्या रेसिपी

कृती:

• नारळ वड्या बनवण्यासाठी सर्वप्रथम ओल नारळ फोडून त्यातील पाणी काढून घ्या. त्यानंतर नारळ व्यवस्थित किसा.
• नारळ किसताना त्यातील काळ्या रंगाचा भाग घेऊ नये. यामुळे वड्या काळ्या दिसतात.
• साखरेचा पाक तयार करण्यासाठी टोपात २ ग्लास पाणी घेऊन त्यात साखर टाका. साखरेचा पाक बनवताना त्यात थोडासा लिंबाचा रस टाकून मिक्स करून घ्या.
• मिक्स करून झाल्यानंतर पाक व्यवस्थित तयार झाल्यावर त्यात किसलेलं खोबरआणि वेलची पावडर टाकून मिक्स करून घ्या. मिश्रण कोरडे होईपर्यंत गॅस मंद आचेवर ठेवा.
• त्यानंतर ताटाला सगळीकडून तूप लावून घ्या. तयार केलेले खोबऱ्याचे मिश्रण ताटामध्ये सगळीकडे पसरवून ५ मिनिटं तसेच ठेवा. थंड मिश्रण झाल्यानंतर सुरीच्या सहाय्याने वड्या कापून घ्या.
• सजावटीसाठी सगळ्यात शेवटी वरून काजू,बदाम आणि पिस्त्याचे बारीक तुकडे घाला.