श्रावणातील पहिल्या सोमवारी नैवेद्यासाठी झटपट बनवा फणसाचा शिरा, नोट करून घ्या पारंपरिक रेसिपी

श्रावण महिन्यात महिलांसह पुरुष सुद्धा उपवास करतात, उपवासाच्या दिवशी अनेक वेगवेगळे गोड पदार्थ बनवले जातात. म्हणूनच आज आम्ही तुम्हाला फणसाचा शिरा बनवण्याची सोपी रेसिपी सांगणार आहोत.

सण उत्सवांचा महिना म्हणजे श्रावण महिना. श्रावण महिन्यात अनेक सण असतात. तसेच याच महिन्यात श्रावणी सोमवार आणि श्रावण शनिवारी शंकराची पूजा करून नैवेद्य अर्पण केला जातो. याशिवाय श्रावण महिन्यात अनेक व्रत किंवा पूजा घरात केल्या जातात. यामुळे सगळीकडे आनंद आणि उत्साहाचे वातावरण असते. उपवासाच्या दिवशी अनेक वेगवेगळे पदार्थ बनवले जातात. या दिवसांमध्ये केला जाणारा उपवास धार्मिक आणि आरोग्यासाठी सुद्धा अतिशय प्रभावी आहे. उपवासाच्या दिवशी घरात अनेक गोड पदार्थ बनवले जातात. त्यात शिरा, खीर आणि इतर अनेक पदार्थ बनवले जातात. मात्र नेहमीच रव्याचा शिरा खाऊन कंटाळा आल्यानंतर तुम्ही फणसाच्या गऱ्यांपासून चविष्ट शिरा बनवण्याची सोपी रेसिपी सांगणार आहोत. हा पदार्थ कमीत कमी साहित्यामध्ये झटपट तयार होतो.सत्यानारायणाच्या पूजेसाठी रव्याचा चविष्ट शिरा बनवला जातो. चला तर जाणून घेऊया फणसाचा शिरा बनवण्याची सोपी रेसिपी.(फोटो सौजन्य – pintrest)

साधी, सोपी, चवदार डिश! घरी बनवा आंबट-गोड कढी पकोडा; चवीला मजेदार… सर्व कुटूंबियांना करेल खुश

साहित्य:

• फणसाचे कापे गरे
• तूप
• साखर
• पाणी
• केशर
• रवा
• साखर
• वेलची पावडर
• सुका मेवा

Raksha Bandhan 2025 : लाडक्या भावासाठी घरी बनवा सोपा आणि झटपट तयार होणारा गव्हाच्या पिठाचा शिरा

कृती:

• फणसाचा शिरा बनवण्यासाठी सर्वप्रथम, कढईमध्ये तूप गरम करून त्यात सुका मेवा भाजून घ्या. त्यानंतर ताटात काढा.
• त्याच कढईमध्ये पुन्हा एकदा तूप टाकून रवा खमंग होईपर्यंत भाजा. यामुळे शिऱ्याची चव अतिशय सुंदर लागते.
• रवा काढून झाल्यानंतर कढईमध्ये फणसाची पेस्ट टाकून व्यवस्थित परतवून घ्या. त्यानंतर त्यात बारीक तुकडे केलेला फणस टाका.
• नंतर त्यात रवा टाकून पुन्हा एकदा व्यवस्थित मिक्स करा. नंतर त्यात साखर, वेलची पावडर घालून मिक्स करा.
• सगळ्यात शेवटी त्यात सुका मेवा टाकून मिक्स करा. तयार आहे सोप्या पद्धतीमध्ये फणसाचा शिरा.