सकाळच्या नाश्त्यासाठी १० मिनिटांमध्ये बनवा चविष्ट मटार पुरी, वाचा साहित्य आणि रेसिपी

काही लोक सकाळच्या घाईगडबडीमुळे नाश्ता करणे विसरून जातात तर काही नाश्ताच करत नाहीत. पण असे केल्यामुळे आरोग्य बिघडण्याची शक्यता असते. त्यामुळे सकाळी उठल्यानंतर पोटभर नाश्ता करावा.

सकाळी उठल्यानंतर फ्रेश होऊन अनेक लोक सगळ्यात आधी नाश्ता करतात. नाश्ता केल्यामुळे पोटही भरलेले राहते आणि आरोग्यालासुद्धा फायदा होतो. सकाळी उठल्यानंतर नाश्ता करणे ही आरोग्यदायी सवय आहे. काही लोक सकाळच्या घाईगडबडीमुळे नाश्ता करणे विसरून जातात तर काही नाश्ताच करत नाहीत. पण असे केल्यामुळे आरोग्य बिघडण्याची शक्यता असते. त्यामुळे सकाळी उठल्यानंतर पोटभर नाश्ता करावा. ज्यामुळे संपूर्ण दिवस आनंद आणि उत्साहामध्ये जाईल. सकाळच्या नाश्त्यात सतत पोहे, उपमा किंवा शिरा खाऊन कंटाळा आल्यानंतर काहींना काही नवीन पदार्थ खाण्याची इच्छा निर्माण होते, अशावेळी तुम्ही नाश्त्यासाठी मटार पुरी बनवू शकता. मटार पुरी बनवण्यासाठी जास्त वेळ लागत नाही.(फोटो सौजन्य-istock)

हे देखील वाचा: कॉफीत-तूप घालून पिणं होतंय ट्रेंडिंग, तुम्हीही ट्राय करा..

सर्वच ऋतूंमध्ये बाजारात मटार उपलब्ध असतात. मटार पासून तुम्ही वेगवेगळे पदार्थ सुद्धा बनवू शकता. याआधी तुम्ही पालक पुरी, मेथी पुरी किंवा तिखट पुरी खाल्ली असेल पण आज आम्ही तुम्हाला मटार पुरी करण्याची सोपी रेसिपी सांगणार आहोत. मटार पुरी बनवण्यासाठी जास्त साहित्य लागत नाही. शिवाय बाहेर प्रवासाला गेल्यानंतर सुद्धा तुम्ही मटार पुरी बनवून घेऊ जाऊ शकता.चला तर जाणून घेऊया मटार पुरी बनवण्याची सोपी रेसिपी.

साहित्य:

• ओले वाटणे
• रवा
• हिरव्या मिरच्या
• आलं
• कोथिंबीर
• जिरे
• धणे
• बडीशेप
• ओवा
• तेल

हे देखील वाचा:दिवाळीमध्ये उरलेल्या सोनपापडीपासून बनवा चविष्ट खीर, किलोभर सोनपापडी मिनिटांमध्ये संपेल

कृती:

• मटार पुरी बनवण्यासाठी सर्वप्रथम मटार साफ करून स्वच्छ धुवून घ्या. त्यानंतर काहीवेळ मटार पाण्यात ठेवा.
• खलबत्यामध्ये जिरे, धणे, बडिशेप, ओवा व्यवस्थित बारीक करून घ्या.
• त्यानंतर त्यातच बारीक चिरलेली कोथिंबीर, हिरव्या मिरच्या, आल्याचा तुकडा, मटार आणि थोडंसं पाणी टाकून बारीक कुटून घ्या.
• ताटामध्ये गव्हाचं पीठ घेऊन त्यात रवा, मीठ, हळद आणि बारीक करून घेतलेले सर्व मसाले टाकून मिक्स करा.
• नंतर त्यात आवश्यकतेनुसार पाणी घालून पीठ मळून घ्या. जास्त पाणी पीठ मळताना घालू नये.
• 20 मिनिटं पीठ ठेवल्यानंतर पिठाचे छोटे छोटे गोळे करून पुऱ्या लाटून घ्या.
• गरम तेलात पुऱ्या तळून घ्या. तयार आहे सोप्या पद्धतीमध्ये बनवलेली मटार पुरी.