कुरकुरीत पदार्थ खायची इच्छा झालीये? तर १० मिनिटांमध्ये बनवा क्रिस्पी पनीर कोळीवाडा

पनीरपासून बनवलेले पदार्थ सगळ्यांचं आवडतात. रोजच्या जेवणात तेच तेच पदार्थ खाऊन कंटाळा आल्यानंतर घरी पनीर बनवले जातात. पनीरपासून मटार पनीर, पनीर भजी, पालक पनीर, पनीर पराठा पण आज तुम्हाला पनीर कोळीवाडा कसा बनवायचा याची सोपी रेसिपी सांगणार आहोत.हा पदार्थ कमी साहित्यामध्ये झटपट तयार होतो.

पावसाळ्याच्या थंडगार वातावरणात काहींना काही कुरकुरीत खाण्याची इच्छा होते. अशावेळी अनेक घरांमध्ये कांदाभजी बनवली जाते. पण कांदाभजी खाऊन कंटाळा आल्यानंतर नेमकं काय बनवावे हे सुचत नाही. अशावेळी तुम्ही 10 मिनिटांमध्ये पनीरपासून पनीर कोळीवाडा बनवू शकता. पनीरमध्ये असलेले गुणधर्म शरीरासाठी फायदेशीर आहेत. बाहेरून विकत आणलेले पदार्थ खाण्यापेक्षा घरी बनवलेले पदार्थ खावेत. यामुळे आरोग्य बिघडणार नाही. बाहेर गेल्यानंतर तुम्ही हॉटेल फ्रॉन्स कोळीवाडा खाल्ला असेल, पण आज आम्ही तुम्हाला पनीर कोळीवाडा कसा बनवायचा याची सोपी रेसिपी सांगणार आहोत. हा पदार्थ तुम्ही घरी आलेल्या पाहुण्यांनासुद्धा बनवून देऊ शकता.

साहित्य:

• पनीर
• लाल मिरच्या
• हळद
• तेल
• लाल तिखट
• आलं लसूण पेस्ट
• मीठ
• जिरे पावडर
• आमचूर पावडर
• हिरव्या मिरचीची पेस्ट
• कॉर्नफ्लोअर
• मैदा
• बेसन

हे देखील वाचा: चमचमीत पराठा बनवण्यासाठी आता घरीच तयार करा पराठा मसाला, वाचा रेसिपी

कृती:

• पनीर कोळीवाडा बनवण्यासाठी सगळ्यात आधी चटणी बनवून घ्या. यासाठी लाल मिरच्या, लसुण पाकळ्या, जीरे आणि 1 टीस्पून काळे मीठ मिक्सरच्या भांड्यात टाकून बारीक वाटून घ्या. बारीक पेस्ट तयार करा.
• त्यानंतर तयार केलेल्या पेस्टमध्ये लिंबू पिळून मिक्स करून घ्या.
  एका वाटीमध्ये लाल तिखट आणि तेल घेऊन व्यवथित मिक्स करून घ्या.
• मिक्स करून झाल्यानंतर त्यात जिरा पावडर, आमचुर पावडर, गरम मसाला, हळद, तिळ, 1 चमचा काळे मीठ, आले लसुण पेस्ट आणि हिरव्या मिरचीची पेस्ट टाकून मिक्स करून घ्या.
• नंतर त्यात मैदा, बेसन, कॉर्नफ्लोअर टाकून पीठ व्यवस्थित मिक्स करून घ्या.
• कढईमध्ये तेल गरम करण्यासाठी ठेवा. तेल गरम झाल्यानंतर पनीरचे तुकडे पिठाच्या मिश्रणात मिक्स करून घ्या.
• त्यानंतर तेलात तळण्यासाठी सोडा. दोन्ही बाजूने व्यवस्थित पनीर तळून झाल्यानंतर तयार केलेल्या चटणीसोबत सर्व्ह करा.
• हा पदार्थ घरातील सगळ्यांचं आवडेल.