Monsoon Special : पावसाळ्यात घरी कुरकुरीत ‘पनीर पकोडो’ नाही बनवले मग काय केलंत? नोट करा रेसिपी

Paneer Pakora Recipe : तुम्हालाही कुरकुरीत स्नॅक्स खायला खूप आवडतात का? मग घरी पनीर भजींची ही रेसिपी एकदा नक्की ट्राय करा. पनीरचे हे भजी चवीला अप्रतिम लागतात आणि फक्त १० मिनिटांत ते तयार होतात.

• पावसाळ्यात अनेक प्रकारचे भजी घरी बनवले जातात.
• अशात यंदा फक्त कांदाभजी नाही तर पनीर भजी देखील बनवून खा.
• याची चव घरातील सर्वांनाच खुश करेल.

पावसाळ्याच्या दिवसांत गरमागरम भजी खाण्याची मजाच काही वेगळी असते. पारंपरिक कांदा, बटाटा किंवा मिरची भजी यांना पर्याय म्हणून पनीर भजी हा एक स्वादिष्ट आणि पौष्टिक पदार्थ आहे. बाहेरून कुरकुरीत आणि आतून मऊ असलेले पनीर भजी चवीला अतिशय रुचकर लागते. पनीरमधील प्रथिने आणि बेसनाच्या मसालेदार आवरणाचा मिलाफ या पदार्थाला एक वेगळीच चव देतो.

Recipe : घरच्या घरी बनवा ‘गार्लिक चीज पिझ्झा’; प्रत्येक घासात मिळेल आनंद

संध्याकाळच्या चहासोबत, पाहुण्यांसाठी झटपट नाश्ता म्हणून किंवा मुलांच्या आवडीचा पदार्थ म्हणून पनीर भजी उत्तम पर्याय ठरते. कमी वेळात आणि सहज उपलब्ध साहित्य वापरून हा पदार्थ तयार करता येतो. गरमागरम पनीर भजी हिरवी चटणी किंवा टोमॅटो सॉसबरोबर सर्व्ह केल्यास त्याची चव आणखी खुलून येते. चला रेसिपी जाणून घेऊया.

साहित्य

• २०० ग्रॅम पनीर
• १ कप बेसन
• २ टेबलस्पून तांदळाचे पीठ
• १ टीस्पून लाल तिखट
• १/२ टीस्पून हळद
• १ टीस्पून धणे-जिरे पूड
• चिमूटभर ओवा
• मीठ चवीनुसार
• आवश्यकतेनुसार पाणी
• तळण्यासाठी तेल

Recipe : हाॅटेलसारखा टेस्टी ‘पनीर निर्वाणा’ बनवा घरीच, खास प्रसंगासाठी परफेक्ट रेसिपी

कृती

• यासाठी सर्वप्रथम एका भांड्यात बेसन, तांदळाचे पीठ, लाल तिखट, हळद, धणे-जिरे पूड, ओवा आणि मीठ एकत्र करून त्यात थोडे-थोडे पाणी घालत घट्टसर पीठ तयार करा.
• आता पनीरचे चौकोनी तुकडे करून हे तुकडे तयार पिठात चांगले बुडवून घ्या.
• कढईत तेल गरम करून त्यात पिठात बुडवलेले पनीरचे तुकडे सोडा आणि मध्यम आचेवर सोनेरी रंग येईपर्यंत तळून घ्या.
• तळलेले भजी टिश्यू पेपरवर काढून अतिरिक्त तेल निथळू द्या.
• गरमागरम पनीर भजी हिरवी चटणी किंवा टोमॅटो सॉसबरोबर सर्व्ह करा.
• खुसखुशीत आणि चविष्ट पनीर भजी पावसाळ्यातील संध्याकाळ अधिक खास बनवणारा एक उत्तम नाश्ता आहे.