सकाळची सुरुवात करा हेल्दी नाश्त्याने, सोप्या पद्धतीमध्ये बनवा पनीर पॅनकेक

पनीरचे सेवन केल्यामुळे आरोग्याला अनेक फायदे होतात. शरीरातील प्रोटीनची पातळी भरून काढण्यासाठी आहारात पनीरचे सेवन करावे. सकाळच्या वेळी नाश्ता केल्यास पोटही भरलेले राहते आणि शरीरात ऊर्जा कायम टिकून राहते. त्यामुळे सकाळच्या नाश्त्यामध्ये तुम्ही पनीरचे सेवन करू शकता. त्यामुळे आज आम्ही तुम्हाला सकाळच्या नाश्त्यासाठी पनीर पॅनकेक कसे बनवायचे याची सोपी रेसिपी सांगणार आहोत.

सकाळी उठल्यानंतर सगळ्यांचं हेल्दी आणि टेस्टी नाश्ता हवा असतो. अनेक लोक सकाळचा नाश्ता बाहेरून विकत आणतात. पण सतत बाहेरचे पदार्थ खाल्यामुळे आरोग्य बिघडण्याची शक्यता असते. त्यामुळे शक्यतो घरी बनवलेले ताजे अन्नपदार्थ खावेत, जे आरोग्यासाठीसुद्धा गुणकारी ठरतील. अनेकदा नाश्त्यासाठी नेमकं काय बनवावे? हा प्रश्न सर्वच महिलांना पडतो. अशावेळी महिलांना कमीत कमी वेळात तयार होणारा पदार्थ हवा असतो. अशावेळी तुम्ही नाश्त्यामध्ये पनीर पॅनकेक बनवू शकता. पनीर आरोग्यासाठी हेल्दी असल्यामुळे अनेक लोक पनीरचे सेवन करतात. लहान मुलांपासून मोठ्यांपर्यंत सगळ्यांचं पनीर खूप आवडते. त्यामुळे कमीत कमी वेळात तयार होणारे पनीर पॅनकेक नक्की बनवून पहा. चला तर जाणून घेऊया पनीर पॅनकेक बनवण्याची सोपी कृती.(फोटो सौजन्य-istock)

साहित्य:

• पनीर
• मीठ
• साखर
• मेपल सिरप
• मैदा
• तेल
• बटर
• मध

हे देखील वाचा: शिजविण्यापूर्वी डाळ पाण्यात का भिजवावी

कृती:

• पनीर पॅनकेक बनवण्यासाठी सर्वप्रथम पनीर स्वच्छ धुवून किसून घ्या. पनीर पासून पदार्थ तयार करताना पनीर नेहमी ताजे घ्यावे.
• एका भांड्यात मैदा घेऊन त्यात चवीनुसार मीठ टाकून मिक्स करा. त्यानंतर त्यात साखर टाकून पुन्हा एकदा मिक्स करून घ्या.
• तयार केलेल्या पिठामध्ये आवश्यकतेनुसार पाणी घालून जाडसर बॅटर तयार करून घ्या. यामध्ये जास्त पाणी घालू नये.
• गॅसवर पॅन गरम करण्यासाठी ठेवा. पॅन गरम झाल्यानंतर त्यात तेल किंवा बटर टाकून गरम करून घ्या.
• बटर गरम झाल्यानंतर तयार केलेल्या मिश्रणाचे छोटे छोटे पॅनकेक टाकून दोन्ही बाजूने भाजून घ्या.
• सर्व्ह करताना वरून मेपल सिरप किंवा मध टाकून नाश्त्यासाठी लहान मुलाना आणि घरातील इतर व्यक्तींना द्या.