Recipe : फणसाचं चटकदार लोणचं तुम्ही कधी खाल्लं आहे का? एकदाच बनवा आणि वर्षभर याचा आनंद लुटा

Pineapple Pickle Recipe : कच्च्या फणसाचं लोणचं तुम्ही कधी खाल्लं आहे का? चवीला हे लोणचं फार मजेदार लागतं आणि घरगुती मसाल्यांमध्ये ते सहज तयारही करता येतं. आजच रेसिपी नोट करा आणि हे लोणचं घरी नक्की

• फणस हे सर्वांच्या आवडीचे फळ आहे.
• तुम्हाला माहितीये का? तुम्ही फणसापासून लोणचं देखील तयार करु शकता.
• हे लोणचं कच्च्या फणसापासून तयार केलं जातं.

उन्हाळा आणि पावसाळ्यात बाजारात कच्चा फणस मोठ्या प्रमाणात उपलब्ध असतो. फणसाची भाजी, बिर्याणी किंवा विविध पदार्थ अनेकजण आवडीने खातात. मात्र त्यापासून तयार केलेले मसालेदार लोणचेही तितकेच स्वादिष्ट लागते. योग्य पद्धतीने बनवलेले फणसाचे लोणचे अनेक महिने टिकते आणि साध्या वरण-भातापासून पराठ्यांपर्यंत कोणत्याही जेवणाची चव वाढवते. हंगाम संपण्यापूर्वी हे लोणचे करून ठेवल्यास वर्षभर त्याचा आस्वाद घेता येतो. चला फणसाच्या लोणच्याची रेसिपी जाणून घेऊया.

Recipe : नाश्ता जो सर्वांना करेल खुश, घरी बनवा मुंबईची फेमस स्ट्रीट स्टाईल पावभाजी; नोट करा रेसिपी

साहित्य

• कच्चा फणस – १ किलो
• मोहरीचे तेल – २५० मिली
• मीठ – ८० ते १०० ग्रॅम (चवीनुसार)
• हळद – २ टेबलस्पून
• लाल तिखट – २ टेबलस्पून
• पिवळी मोहरी (राई) – ४ टेबलस्पून
• बडीशेप – ३ टेबलस्पून
• मेथीदाणे – २ टेबलस्पून
• काळे जिरे– १ टेबलस्पून
• हिंग – १/२ टीस्पून
• व्हिनेगर – ३ ते ४ टेबलस्पून

फणसाची तयारी

सुरुवातीला चाकू आणि हातांना थोडे मोहरीचे तेल लावा. फणसाची साल काढून त्याचे मध्यम आकाराचे तुकडे करा. बिया काढू नका, कारण त्या लोणच्याची चव अधिक वाढवतात. एका मोठ्या भांड्यात पाणी उकळून त्यात फणसाचे तुकडे ५ ते ७ मिनिटे शिजवा. त्यानंतर तुकडे बाहेर काढून स्वच्छ कापडावर किंवा उन्हात ४ ते ५ तास पसरवून ठेवा, जेणेकरून त्यातील अतिरिक्त ओलावा निघून जाईल.

सीफूड प्रेमींसाठी खास रेसिपी! झटपट घरी बनवा तोंडाला पाणी आणणारी चविष्ट क्रीमी गार्लिक प्रॉन्स, नोट करा पदार्थ

मसाला तयार करण्याची पद्धत

कढईत बडीशेप, मेथीदाणे आणि पिवळी मोहरी मंद आचेवर १ ते २ मिनिटे हलकी भाजून घ्या. मसाले थंड झाल्यावर त्यांची जाडसर पूड करा. एका मोठ्या भांड्यात ही पूड, हळद, लाल तिखट, मीठ, काळे जिरे आणि हिंग एकत्र करून चांगले मिसळा.

लोणचे बनवण्याची कृती

• सुकवलेले फणसाचे तुकडे तयार मसाल्यात घालून व्यवस्थित मिक्स करा. प्रत्येक तुकड्यावर मसाला नीट लागला पाहिजे.
• त्यानंतर मोहरीचे तेल घालून पुन्हा एकदा सर्व मिश्रण एकजीव करा. आता त्यात व्हिनेगर घालून हलक्या हाताने मिसळा.
• तयार लोणचे स्वच्छ आणि कोरड्या काचेच्या बरणीत भरून ठेवा. बरणी २ ते ३ दिवस उन्हात ठेवा आणि दररोज एकदा हलवून घ्या.
• साधारण ७ ते १० दिवसांनंतर फणसाचे मसालेदार लोणचे खाण्यासाठी तयार होते.