Recipe : नाश्ता जो सर्वांना करेल खुश, घरी बनवा मुंबईची फेमस स्ट्रीट स्टाईल पावभाजी; नोट करा रेसिपी

Pav Bhaji Recipe : सकाळच्या नाश्ता रंगतदार करायचा असेल तर पावभाजीचा पर्याय तुमच्यासाठी उत्तम ठरु शकतो. मुंबईचा हा फेमस स्ट्रीट फूड फार सोप्या पद्धतीत घरीच तयार करता येतो. याच्या मदतीने तुम्ही मुलांना अनेक भाज्या खायला घालू शकता.

(फोटो सौजन्य: Pinterest)

Follow Us:

Follow Us:

• पावभाजी म्हणजे मुंबईकरांचा फेव्हरेट नाश्ता.
• भाज्यांपासून बनवलेली चटपटीत भाजी आणि गरमा गरमा पाव यांचा संगम पदार्थाला खास बनवतो.
• हा एक फेमस स्ट्रीट फूड असून खूप सोप्या पद्धतीमध्ये तुम्ही याला घरी तयार करु शकता.

सकाळच्या नाश्त्यात बनवा पोषक घटकांची समृद्ध असलेले मल्टीग्रेन मेथी थालीपीठ, नोट करून पौष्टिक आणि झटपट होणारी रेसिपी

घरी पावभाजी तयार करताना आपल्या आवडीनुसार तिखटपणा, मसाले आणि भाज्यांचे प्रमाण बदलता येते. त्यामुळे ही डिश लहान मुलांपासून मोठ्यांपर्यंत सर्वांना आवडते. संध्याकाळच्या नाश्त्यासाठी, पाहुण्यांच्या मेजवानीसाठी किंवा खास वीकेंड डिनरसाठी पावभाजी हा उत्तम पर्याय ठरतो. चला रेसिपी जाणून घेऊया.

साहित्य

भाजीसाठी:

• 3 बटाटे उकडून मॅश केलेले
• 1 कप फ्लॉवर बारीक चिरलेला
• 1/2 कप हिरवे मटार
• 1 गाजर बारीक चिरलेले
• 1 ढोबळी मिरची बारीक चिरलेली
• 2 कांदे बारीक चिरलेले
• 3 टोमॅटो बारीक चिरलेले
• 2 टेबलस्पून बटर
• 2 टीस्पून पावभाजी मसाला
• 1 टीस्पून लाल तिखट
• 1/2 टीस्पून हळद
• मीठ चवीनुसार
• 2 टेबलस्पून कोथिंबीर
• आवश्यकतेनुसार पाणी

कृती

• फ्लॉवर, मटार आणि गाजर थोडे पाण्यात शिजवून घ्या. शिजल्यानंतर बटाट्यासोबत मॅश करून बाजूला ठेवा.
• कढईत बटर गरम करून त्यात चिरलेला कांदा परता. कांदा हलका सोनेरी झाल्यावर ढोबळी मिरची घालून 2-3 मिनिटे शिजवा.
•  आता टोमॅटो घालून ते पूर्णपणे मऊ होईपर्यंत परता. त्यानंतर हळद, लाल तिखट आणि पावभाजी मसाला घाला.
• तयार केलेल्या मसाल्यात मॅश केलेल्या भाज्या घाला. सर्व मिश्रण व्यवस्थित एकजीव करून घ्या.
• आवश्यकतेनुसार पाणी घालून भाजीला इच्छित घट्टपणा द्या. मीठ घालून 10-15 मिनिटे मंद आचेवर शिजवा.
• भाजी शिजल्यानंतर वरून थोडे बटर आणि कोथिंबीर घालून चांगले मिसळा.
• तव्यावर बटर गरम करून त्यात थोडा पावभाजी मसाला भुरभुरा. पाव मधून कापून दोन्ही बाजूंनी हलके कुरकुरीत भाजून घ्या. गरमागरम भाजीसोबत कांदा, लिंबू आणि लोण्याचा तुकडा घालून सर्व्ह करा.
• पावभाजीची चव अधिक रेस्टॉरंटसारखी हवी असल्यास शेवटी थोडे अतिरिक्त बटर आणि एक चमचा पावभाजी मसाला घालून भाजी काही मिनिटे उकळा. यामुळे भाजी अधिक सुगंधी आणि चवदार बनते.

Web Title: A breakfast that will make everyone happy make famous street style pavbhaji at home recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com