दिवाळीमध्ये उरलेल्या सोनपापडीपासून बनवा चविष्ट खीर, किलोभर सोनपापडी मिनिटांमध्ये संपेल

सोनपापडी खाऊन कंटाळा आल्यानंतर काहींना काही नवीन पदार्थ खाण्याची इच्छा होते. अशावेळी तुम्ही सोनपापडीपासून खीर बनवू शकता. सोनपापडी खीर चवीला अतिशय सुंदर लागते. चला तर जाणून घेऊया खीर बनवण्याची सोपी रेसिपी.

देशभरात सगळीकडे दिवाळी उत्सव मोठ्या आनंद आणि उत्साहात पार पडला. दिवाळीच्या दिवशी सर्वच घरांमध्ये नवीन कपडे, मिठाईचे गोड, फराळ इतर अनेक गोष्टी केल्या जातात. तसेच दिवाळीमध्ये पाहुण्यांची रेलचेल घरी चालू असते. घरी पाहुणे आल्यानंतर काहींना काही गोड पदार्थ घेऊन येतात. त्यात आवर्जून आणला जाणारा पदार्थ म्हणजे सोनपापडी.दिवाळीमध्ये पाहुणे घरी आल्यानंतर मिठाईच्या पदार्थांमध्ये सोनपापडी आणली जाते. सोनपापडी चवीला गोड असते. लहान मुलांपासून मोठ्यांपर्यंत सगळ्यांचं सोनपापडी हा पदार्थ आवडतात. पण तेच तेच गोड पदार्थ खाऊन कंटाळा आल्यानंतर गोड पदार्थ नकोसे वाटतात.(फोटो सौजन्य-istock)

हे देखील वाचा: मुंबई स्ट्रीट स्टाईल मसाला पाव आता घरीच बनवा, व्हायरल होतेय रेसिपी, त्वरित नोट करा

घरी आणलेल्या मिठाईच्या पदार्थांमधील सोनपापडीचे नेमके काय करावे सुचत नाही. अशावेळी तुम्ही सोनपापडीपासून खीर बनवू शकता. खीर बनवण्यासाठी जास्त वेळ लागत नाही. आत्तापर्यंत तुम्ही तांदुळाची खीर, साबुदाणा खीर किंवा रव्याची खीर खाल्ली असेल पण आज आम्ही तुम्हाला सोनपापडी खीर बनवण्याची सोपी रेसिपी सांगणार आहोत. तुम्ही बनवलेली सोनपापडी खीर सगळेच आवडीने खातील. चला तर जाणून घेऊया सोनपापडी खीर बनवण्याची सोपी रेसिपी.

साहित्य:

• दूध
• सोनपापडी
• साखर
• काजू बदाम
• वेलची पावडर
• तूप

हे देखील वाचा: सर्व भाज्यांवर भारी पडेल हे आलं-लसूण-मिरचीचं लोणचं! लगेच रेसिपी नोट करा

कृती:

• सोनपापडी खीर बनवण्यासाठी सर्वप्रथम घरी उपलब्ध असलेल्या वेगवेगळ्या फ्लेवरच्या सोनपापडी एकत्र करून घ्या.
• कढईमध्ये तूप गरम करण्यासाठी ठेवा. गरम तुपात बारीक करून घेतलेले काजू, बदाम, पिस्ता व्यवस्थित भाजून घ्या.
• त्यानंतर त्याच कढईमध्ये दूध टाकून दुधाला व्यवस्थित उकळी येण्यासाठी ठेवा.
• दुधाला उकळी आल्यानंतर त्यात सोनपापडीचा बारीक केलेला चुरा टाकून व्यवस्थित मिक्स करा.
• दुधाला उकळी आल्यानंतर त्यात साखर आणि वेलची पावडर टाकून पुन्हा एकदा खीर व्यवस्थित मिक्स करा.
• खीर दाटसर झाल्यानंतर गॅस बंद करून सर्व्ह करा.
• तयार आहे सोप्या पद्धतीमध्ये बनवलेली सोनपापडी खीर.