Recipe : लहान मुलांसाठी आता घरीच बनवा स्ट्रीट स्टाईल कुरकुरीत ‘चायनीज भेळ’

Chinese Bhel Recipe : झणझणीत आणि कुरकुरीत चवीची स्ट्रीट स्टाईल चायनीज भेळ आता तुम्ही घरी देखील तयार करू शकता. संध्याकाळच्या नाश्त्यासाठी हा एक परफेक्ट पर्याय आहे जो सर्वांचेच मन जिंकेल.

• लहानांपासून मोठ्यांपर्यंत चायनीज भेळ हा पदार्थ सर्वांनाच फार आवडतो.
• चायनीज तडक्याची ही भेळ चवीला कुरकुरीत आणि मसालेदार लागते.
• भारताच्या लोकप्रिय स्ट्रीट फूडपैकी चायनीज भेळ हा एक पदार्थ आहे जो आवडीने खाल्ला जातो.

चायनीज भेल हा इंडो-चायनीज फ्यूजन प्रकारातील एक अतिशय लोकप्रिय स्ट्रीट फूड आहे. मुंबई, पुणे किंवा इतर मोठ्या शहरांमधील चायनीज फूड स्टॉलवर हा पदार्थ हमखास पाहायला मिळतो. पारंपरिक भारतीय भेल आणि चायनीज चवींचा जबरदस्त संगम म्हणजेच चायनीज भेल. कुरकुरीत तळलेले नूडल्स, ताज्या भाज्या, सोया सॉस, चिली सॉस आणि खास मसाल्यांचा वापर करून तयार होणारी ही डिश चवीला खूपच चटपटीत आणि खमंग लागते.

पोषकतत्वांचा पावरहाऊस आहे ABCG Juice; शरीराला आतून करतो डिटॉक्स, घरी कसा बनवायचा ते जाणून घ्या

संध्याकाळच्या नाश्त्यासाठी, मित्र-मैत्रिणींसोबत गप्पा मारताना किंवा अचानक काहीतरी वेगळं खायची इच्छा झाली, तर चायनीज भेल हा एक परफेक्ट पर्याय ठरतो. यामध्ये फारशी मेहनत लागत नाही आणि घरात सहज उपलब्ध असलेल्या साहित्यापासून हा पदार्थ झटपट तयार करता येतो. लहान मुलांपासून मोठ्यांपर्यंत सगळ्यांनाच आवडणारा हा पदार्थ घरच्या घरी बनवला, तर बाहेरच्या स्ट्रीट फूडपेक्षा नक्कीच जास्त स्वच्छ आणि सुरक्षित असतो.चला तर मग, बाजारासारखी कुरकुरीत आणि चटपटीत चायनीज भेळ घरच्या घरी कशी तयार करायची याची एक सोपी रेसिपी  जाणून घेऊया.

साहित्य:

• चायनीज शेव
• कांदा
• कोबी
• गाजर
• सिमला मिरची
• स्प्रिंग ओनियन
• सोया सॉस
• रेड चिली सॉस
• टोमॅटो केचप
• व्हिनेगर
• मीठ
• काळी मिरी पावडर
• तेल
• कोथिंबीर

संध्याकाळच्या जेवणासाठी १० मिनिटांमध्ये बनवा पंजाबी स्टाईल दाल तडका, फोडणीच्या सुगंधाने लागेल भूक

कृती :

• यासाठी सर्वप्रथम सर्व भाज्या बारीक चिरून घ्या.
• यानंतर कढईत थोडे तेल गरम करून त्यात उभ्या चिरलेल्या भाज्या (कांदा , कोबी, शिमला मिरची, गाजर) हलक्या परतून घ्या.
• आता त्यात सर्व सॉस (सोया सॉस, रेड चिली सॉस, टोमॅटो केचप, व्हिनेगर) मीठ आणि काळी मिरी पावडर घाला.
• शेवटी कुरकुरीत नूडल्स घालून चांगले मिसळा.
• वरून स्प्रिंग ओनियन आणि कोथिंबीर घाला आणि गॅस बंद करा.
• गरमागरम चायनीज भेल तयार आहे.
• तुम्हाला हवं असल्यास तुम्ही यावर हलका लिंबाचा रस देखील पिळू शकता.
• संध्याकाळच्या हलक्या नाश्त्यासाठी चटपटीत चायनीज भेळ एक उत्तम पर्याय आहे.