सकाळच्या नाश्त्यात विदर्भातील पारंपरिक पद्धतीमध्ये बनवा ‘ताक- भाकरी’, शरीराला मिळेल थंडावा

सकाळच्या नाश्त्यात हलका पदार्थ खाण्याची इच्छा झाल्यास तुम्ही सोप्या पद्धतीमध्ये ताक भाकरी बनवू शकता. हा पदार्थ बनवण्यासाठी जास्त वेळ लागत नाही. जाणून घ्या ताक भाकरी बनवण्याची सोपी रेसिपी.

महाराष्ट्रासह राज्यातील इतर वेगवेगळ्या भागांमध्ये अनेक पारंपरिक पदार्थ बनवले जातात. हे पारंपरिक पदार्थ पूर्वीपासून आत्तापर्यंत अजूनही सगळीकडे बनवले जात आहेत. त्यामुळे आज आम्ही तुम्हाला सकाळच्या नाश्त्यात सोप्या पद्धतीमध्ये विदर्भातील ताक भाकरी बनवण्याची सोपी रेसिपी सांगणार आहोत. ताक भाकरी हा पदार्थ विदर्भात सकाळच्या नाश्त्यात किंवा इतर वेळी भूक लागल्यानंतर खाल्ला जातो. या पदार्थाचे सेवन केल्यामुळे शरीराला थंडावा मिळतो. याशिवाय पोटात वाढलेली उष्णता कमी होते आणि पोटातील आग शांत होते. राज्यातील वेगवेगळ्या भागांमध्ये वेगवेगळ्या कडधान्यांच्या भाकऱ्या बनवल्या जातात. चला तर जाणून घेऊया ताक भाकरी बनवण्याची सोपी रेसिपी.(फोटो सौजन्य – iStock)

आलू पराठा खाऊन कंटाळा आला असेल तर सोप्या पद्धतीमध्ये बनवा कांद्याचा चविष्ट पराठा, नोट करून घ्या रेसिपी

साहित्य:

• शिळ्या भाकऱ्या
• ताक
• हिरवी मिरची
• मीठ
• कांदा
• कोथिंबीर
• मोहरी
• जिरं
• मोहरी
• मेथी दाणे
• लाल मिरच्या
• हळद

पोटाला थंडावा देण्यासाठी घरी बनवा सातूच्या पीठाचे थंडगार ताक! शरीरारात कायम टिकून राहील ऊर्जा

कृती:

• ताक भाकरी बनवण्यासाठी सर्वप्रथम, रात्रीची शिळी किंवा ताजी भाकरी वाटीमध्ये बारीक कुसकरून घ्या. याशिवाय भाकरी तुम्ही मिक्सरमधून वाटून घेऊ शकता.
• त्यानंतर मोठ्या वाटीमध्ये दही, काळीमिरी पावडर, चवीनुसार मीठ घालून व्यवस्थित फेटून घ्या. फेटून घेताना त्यात दह्याच्या गुठळ्या ठेवू नये.
• त्यानंतर तुकडे करून घेतलेल्या भाकरीमध्ये तयार केलेले ताक, चिरलेला कांदा आणि कोथिंबीर घालून मिक्स करा.
• फोडणीच्या वाटीमध्ये तेल गरम करून त्यात मोहरी, जिरे, मेथी दाणे, हिंग, लाल मिरच्या आणि हळद घालून भाजा.
• तयार करून घेतलेली फोडणी भाकरीवर ओतून मिक्स करा. तयार आहे सोप्या पद्धतीमध्ये बनवलेली ताक भाकरी.