Independence Day Recipe: स्वातंत्र्यदिनाच्या दिवशी घरी बनवा हेल्दी टेस्टी तिरंगा सँडविच, पदार्थ पाहून सगळे होतील खुश

स्वातंत्र्यदिनाच्या दिवशी घरी सोप्या पद्धतीमधले तिरंगा सँडविच बनवून पहा. बाहेरून आलेले तेलकट किंवा तिखट पदार्थ खाण्यापेक्षा घरी बनवलेले सँडविच सगळ्यांचं आवडेल. स्वातंत्र्यदिनाच्या दिवशी बनवलेले तिरंगा सँडविच पाहून लहान मुलं खूप खुश होतील. हा पदार्थ बनवण्यासाठी सुद्धा खूप सोपा आहे . कमीत कमी वेळात तयार होणारे तिरंगा सँडविच नक्की बनवून पहा.

देशभरात सगळीकडे स्वातंत्र्यदिन मोठ्या उत्साहात आणि आनंदात साजरा केला जातो. १५ ऑगस्ट १९४७ ला भारत देशाला स्वातंत्र्य मिळाले होते.याच दिवशी इंग्रजांच्या तावडीतून भारत देश मुक्त झाला होता. त्यानंतर येणाऱ्या प्रत्येक वर्षी १५ ऑगस्ट हा दिवस स्वातंत्र्य दिन म्हणून साजरा केला जात आहे. अनेक ठिकाणी झेंडावंदन, देशभक्तीपर गीत सादर करून स्वातंत्र्य दिन साजरा केला जातो. भारताला स्वातंत्र्य मिळालेला ऐतिहासिक दिवस आहे. त्यामुळे यंदाच्या स्वातंत्र्यदिनी तुम्हाला घरी एखादा नवीन पदार्थ बनवायचा असेल तर ही रेसिपी नक्की बनवून पहा.सोप्या पद्धतीमध्ये तिरंगा सँडविच कसे बनवायचे याची रेसिपी आज आम्ही तुम्हाला सांगणार आहोत. चवीला टेस्टी आणि आरोग्यसाठी हेल्दी असलेले सँडविच नक्की बनवून पहा.

साहित्य:

• ब्रेड
• कांदा
• टोमॅटो
• बटाटे
• कोथिंबीर
• मिरची
• हळद
• मीठ
• चाट मसाला
• टोमॅटो सॉस
• मेयोनीज

हे देखील वाचा: Independence Day Recipe: हटक्या पद्धतीने साजरा करा स्वातंत्र्यदिन! घरी बनवा चविष्ट ‘तिरंगा डोसा’

कृती:

• तिरंगा सँडविच बनवण्यासाठी एका भांड्यात उकडलेला बटाटा, बारीक चिरलेला कांदा, टोमॅटो घेऊन मिक्स करून घ्या.
• त्यानंतर त्यात हिरवी मिरची, चवीनुसार मीठ आणि चाट मसाला, हिरवी चटणी टाकून मिक्स करा.
• दुसऱ्या वाटीमध्ये बारीक चिरलेला टोमॅटो, चवीनुसार मीठ, चाट मसाला टाकून मिक्स करून घ्या. नंतर त्यात आवश्यतेनुसार मेयोनीज टाकून मिक्स करा.
• ब्रेडच्या स्लाइसवर टोमॅटो सॉस लावून त्यावर सगळ्यात आधी टोमॅटोचे मिश्रण ठेवा. नंतर दुसरा ब्रेड ठेवून त्यावर हिरव्या चटणीमध्ये
• तयार केलेले बटाट्याचे मिश्रण ठेवून वरून टोमॅटो सॉस लावलेली ब्रेड स्लाइस ठेवा.
• तयार आहे तिरंगा सँडविच. हे सॅंडविच तुम्ही हिरवी चटणी किंवा सॉससोबत खाऊ शकता.