कोलेस्ट्रॉल राहील नियंत्रणात, प्या या मसाल्याचे ज्युस, किती आणि कधी प्यावे?

Cholesterol Home Remedies: बहुतेक लोक चहामध्ये आले मिक्स करून पितात. पण आज आम्ही तुम्हाला आल्याद्वारे कोलेस्ट्रॉल नियंत्रित करण्याचा एक खास उपाय सांगणार आहोत. आल्याचा ज्युस आणेल कोलेस्ट्रॉल नियंत्रणात

आल्याचा वापर हिवाळ्यात जेवणात करणे फायदेशीर ठरते. लोकांना आल्याचा चहा प्यायला आवडतो. पण आल्याचा रस पिण्याचेही अनेक फायदे आहेत. शरीरात जमा झालेले खराब कोलेस्टेरॉल आल्याच्या रसाने कमी करता येते. जाणून घ्या किती प्रमाणात आल्याचा रस प्यावा. आलं हे आयुर्वेदात अद्भुत औषध मानले जाते. आयुर्वेदिक डॉक्टर माधव भागवत यांनी आल्याच्या रसाचे कोलेस्ट्रॉलसाठी काय फायदे होतात याबाबत  सांगितले आहे. (फोटो सौजन्य – iStock) 

आल्याचे फायदे 

ओले आले हिवाळ्यात आणि कोरडे आले उन्हाळ्यात वापरावे जेव्हा आले हंगामात नसते. आल्याचा चहा सर्दी आणि खोकल्यासाठी फायदेशीर आहे. हिवाळ्यात बहुतेक घरांमध्ये आल्याचा वापर केला जातो. आल्याचे सेवन केल्याने शरीर अनेक आजारांपासून दूर राहते.

आले रोगप्रतिकार शक्ती मजबूत करण्यासोबतच खराब कोलेस्ट्रॉल कमी करण्यास देखील मदत करते. आल्यामध्ये आढळणारे घटक खराब कोलेस्ट्रॉलची पातळी कमी करतात. तसेच वजन कमी करण्यास मदत होते. खराब कोलेस्ट्रॉल कमी करण्यासाठी आल्याचा रस खूप फायदेशीर आहे. अद्रकामध्ये अँटी-इंफ्लेमेटरी गुणधर्म आढळतात ज्यामुळे शरीरातील जळजळ कमी होते. आल्याचा रस मधुमेहाच्या रुग्णांसाठीही फायदेशीर आहे.

रोज सकाळी आल्याचा तुकडा चघळल्याने शरीराला होतात बरेच फायदे, वाचा डॉक्टरांचा सल्ला

See more

आल्यामध्ये कोणते पोषक घटक?

आल्यामध्ये भरपूर जीवनसत्त्वे, खनिजे आणि अँटीऑक्सिडंट असतात. त्यात जिंजरॉल नावाचे अँटीऑक्सिडंट असते, जे जळजळ कमी करते. आल्यामध्ये व्हिटॅमिन बी 6 आणि व्हिटॅमिन सी देखील असते, जे रोगप्रतिकारक शक्ती मजबूत करते. त्यात पोटॅशियम आणि मॅग्नेशियम असते, जे रक्तदाब आणि हृदयविकाराचा धोका कमी करते. 

कोलेस्ट्रॉलमुळे होणारे आजार

शरीरातील खराब कोलेस्ट्रॉल वाढल्याने हृदयविकाराचा झटका आणि पक्षाघाताचा धोका वाढतो. आल्यामध्ये आढळणारे जिंजरॉल खराब कोलेस्ट्रॉल कमी करण्यास मदत करते. आल्याचा रस प्यायल्याने ट्रायग्लिसराइड्स आणि एकूण कोलेस्टेरॉलची पातळी देखील कमी होऊ शकते. यामध्ये आढळणारे अँटीऑक्सिडंट नसांमध्ये प्लाक जमा होण्याची समस्या कमी करतात. आल्याचा रस प्यायल्याने शरीरातील पित्त रस वाढतो, ज्यामुळे कोलेस्ट्रॉलचे विघटन होते.

अंडं-मटणात आहे सर्वाधिक विटामिन बी12 खाताच वाढते कोलेस्ट्रॉल, 2 उत्तम पर्याय

See more

कधी आणि कसे प्यावे 

आल्याचा रस कसा बनवायचा हे आधी आपण जाणून घेऊ. यासाठी 2-3 इंच आल्याचा तुकडा ठेचून किंवा किसून घ्या. आले मिक्सरमध्येही बारीक करू शकता. आता आले एका मलमलच्या कपड्यात घालून घट्ट पिळून घ्या. आल्याचा रस कडू असतो, त्यामुळे त्याची चव सुधारण्यासाठी तुम्ही त्यात थोडे मध आणि लिंबू घालू शकता. हा रस सकाळी रिकाम्या पोटी पिणे फायदेशीर ठरेल. आपल्याला फक्त 1-2 चमचे रसाने सुरुवात करावी लागेल.

टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.