जेवणाची चव वाढवा; हिवाळ्यात लिंबाचं लोणचं नाही बनवलत तर काय केलं… नोट करा रेसिपी

Lemon Pickle Recipe : लोणचं हा भारतीय पाकसंस्कृतीतील अविभाज्य घटक आहे, यामुळे जेवणाची चव द्विगुणित होते. हिवाळ्यात लिंबाचं लोणचं खास करून तयार केलं जात, तुम्ही अजून बनवलं नसेल ते लगेच नोट करा रेसिपी.

भारतीय स्वयंपाकात लोणचं म्हणजे फक्त साइड डिश नाही, तर प्रत्येक घासाला रंगत आणणारी चविष्ट परंपरा आहे. लिंबाचे लोणचे ही त्या परंपरेतील अतिशय लोकप्रिय आणि टिकाऊ डिश. लिंबाच्या तिखट-चटपटीत रसामुळे जेवणाची चव कितीतरी पटींनी वाढते. बाजारातील रेडिमेड लोणच्यापेक्षा घरगुती लोणचं बनवण्याचा आनंद वेगळाच असतो, कारण प्रत्येक टप्प्यावरच्या चवीवर तुमचं नियंत्रण असतं. लोणचं जेवणाची चव वाढवण्याचं काम करत.

हिवाळ्यात लोणचं खाण्याचे आहेत चमत्कारी फायदे; आता कोणत्याही गिल्टशिवाय करा सेवन, आयुर्वेद एक्सपर्टने केलं स्पष्ट

सूर्यप्रकाशात मुरवलेलं लिंबाचं लोणचं जितकं जुनं, तितकं अधिक चवदार होत. ही तर प्रत्येक घराची जुनी मान्यता. लिंबाच्या लोणच्याची खरी गंमत म्हणजे ते जास्त दिवस टिकून राहतं आणि जसा वेळ जातो तसं त्याची चव अधिक मोहक होत जाते. चला घरच्या घरी सोप्या पद्धतीमध्ये लिंबाचं लोणच कसं तयार करायचं ते जाणून घेऊया. लगेच नोट करून घ्या रेसिपीसाठी लागणारे साहित्य आणि कृती.

साहित्य:

• लिंबू
• मीठ
• हळद
• लाल तिखट
• मोहरी
• मेथीदाणे
• हिंग
• तेल (साधारणपणे तीळ किंवा सुर्यफूल तेल उत्तम)
• हवे असल्यास थोडी साखर किंवा गूळ (गोडसर चव हवी असल्यास)

रेस्टोरंटसारखा मऊ आणि तुपात भाजलेला तंदुरी नान आता बनवा घरीच; तंदूरची गरज नाही, तव्यावरच होईल तयार

कृती:

• यासाठी सर्वप्रथम लिंबू स्वच्छ धुवून पूर्ण कोरडे करावेत. कोरड्या लिंबाचे समान आकाराचे तुकडे करून बिया काढाव्यात.
• एका काचेच्या कोरड्या भांड्यात लिंबाचे तुकडे टाकून त्यात मीठ आणि हळद मिसळावी. हे मिश्रण दोन-तीन दिवस सूर्यप्रकाशात ठेवले तर लिंबाचा रस सुटतो आणि तुकडे मऊ पडतात.
• कढईत तेल गरम करून त्यात मोहरी तडतडू द्यावी, मग मेथीदाणे, हिंग आणि लाल तिखट घालून मसाला तयार करावा. मसाला थोडा थंड होऊ द्यावा आणि नंतर सूर्यप्रकाशात ठेवलेल्या लिंबामध्ये काळजीपूर्वक मिसळावा.
• लोणचं नीट मुरण्यासाठी हे मिश्रण स्वच्छ, कोरड्या काचेच्या बरणीत भरून ठेवावं.
• काही दिवसानंतर लिंबाची साल मऊ होऊ लागली आणि मसाल्याला तेलाची हलकी किनार दिसू लागली की लोणचं नीट तयार झालं असं समजावं.
• हे लोणचं पोळी, भात, पराठा किंवा दह्याबरोबर अप्रतिम लागते. जास्त दिवस टिकवायचे असल्यास थोडंसं अधिक तेल गरम करून थंड झाल्यावर वर घालावं.