Healthy Recipe : हेल्दी पण टेस्टी असं काही खायचंय? मग जान्हवी कपूरची फेव्हरेट डिश ‘लो-कार्ब नूडल्स’ घरी बनवून खा

Low Carb Noodles Recipe : ही रेसिपी चव आणि हेल्थ यांचा उत्तम समतोल साधते. जर तुम्हाला फिटनेससोबतच चवदार खाणंही आवडत असेल, तर ही लो-कार्ब नूडल्स तुमच्यासाठी एक उत्तम पर्याय आहेत.

• नूडल्स हे नेहमी अनहेल्दी मानले जातात.
• तुम्हालाही नूडल्स खायला आवडत असतील.
• तर तुम्ही घरी अभिनेत्री जान्हवी कपूरच्या आवडीचे लो कार्ब नूडल्स बनवून खाऊ शकता.

जान्हवी कपूरसारखी फिटनेस-फ्रेंडली आणि हेल्दी लाइफस्टाइल फॉलो करायची असेल, तर लो-कार्ब डाएट हा एक उत्तम पर्याय मानला जातो. जान्हवी कपूर तिच्या फिटनेस रूटीनमध्ये हलका, पौष्टिक आणि कमी कार्बोहायड्रेट असलेला आहार महत्त्वाचा असतो. अशा आहारात लो-कार्ब नूडल्स हा एक स्वादिष्ट आणि हेल्दी पर्याय आहे. पारंपरिक मैद्याच्या नूडल्सऐवजी झुकीनी (Zucchini), गाजर किंवा शिरटाकी नूडल्स वापरून बनवलेली ही डिश वजन नियंत्रणासाठी आणि शरीराला आवश्यक पोषण देण्यासाठी फायदेशीर ठरते.

Recipe : शाही, सुगंधित चवीचा ‘बगारा राईस’ तुम्ही कधी खाल्ला आहे का? एकदा घरी बनवूनच पहा

आजकाल अनेक लोक वजन कमी करण्यासाठी किंवा फिट राहण्यासाठी लो-कार्ब पदार्थांकडे वळत आहेत. पण “हेल्दी” म्हणजे “चव नसलेलं” असं नाही! ही लो-कार्ब नूडल्स रेसिपी चवदार, हलकी आणि पटकन तयार होणारी आहे. घरच्या घरी सोप्या पद्धतीने बनवता येणारी ही रेसिपी तुमच्या दैनंदिन आहारात एक छान बदल घडवू शकते.

साहित्य:

• 2 मध्यम आकाराचे झुकीनी (Zucchini) / दोडका
• 1 गाजर (लांब कापलेले)
• 1 टेबलस्पून ऑलिव्ह ऑईल
• 3-4 लसूण पाकळ्या (बारीक चिरलेल्या)
• 1 टीस्पून सोया सॉस (लो सोडियम)
• 1/2 टीस्पून मिरची फ्लेक्स
• मीठ (चवीनुसार)
• मिरी पावडर (चवीनुसार)
• थोडं लिंबाचा रस
• सजावटीसाठी कोथिंबीर

साऊथ इंडियन पदार्थाने वाढवा जिभेची चव! १० मिनिटांमध्ये झटपट बनवा वन पॉट रस्सम राईस, नोट करून घ्या रेसिपी

कृती:

• सर्वप्रथम झुकीनीला स्पायरल कटरने किंवा किसणीने नूडल्ससारखे लांब स्ट्रिप्समध्ये कापा.
• गाजर सुद्धा लांब स्ट्रिप्समध्ये कापून ठेवा.
• कढईत ऑलिव्ह ऑईल गरम करून त्यात लसूण घालून हलका परतून घ्या
• आता गाजर आणि झुकीनी नूडल्स टाकून 2-3 मिनिटं हलक्या आचेवर परता. (जास्त शिजवू नका, नाहीतर ते मऊ पडतील)
• त्यात सोया सॉस, मीठ, मिरी पावडर आणि मिरची फ्लेक्स घालून छान मिक्स करा.
• शेवटी लिंबाचा रस घालून एकदा हलवून घ्या.
• गरमागरम नूडल्स प्लेटमध्ये काढून वरून कोथिंबीर घालून सजवा.
• अधिक प्रोटीनसाठी यात पनीर किंवा टोफू घालू शकता
• अजून हेल्दी बनवण्यासाठी सॉस कमी वापरा
• शिरटाकी नूडल्स वापरल्यास कार्ब्स अजून कमी होतात.