ब्लड प्रेशरची औषधे अचानक घेणे थांबवू शकतो का? जाणून घ्या यात किती धोका आहे

हाय ब्लड प्रेशरचा प्रॉब्लेम हल्ली कित्येक जणांमध्ये सापडतो. कित्येक जणं आजारपेक्षा औषधालाच कंटाळलत असतात. मग अशावेळी प्रश्न निर्माण होतो ब्लड प्रेशरची औषधे अचानक बंद केल्यास काय होते? चला या प्रश्नाचे उत्तर जाणून घेऊया.

सध्या बदलत्या लाइफस्टाइल आणि चुकीच्या खानपानामुळे अनके आजार मोठ्या प्रमाणात फैलावत आहे. यातीलच एक आजार म्हणजे हाय ब्लड प्रेशर. आज थोडी चाळीशी किंवा पन्नाशी उलटली की अनेकांना ब्लड प्रेशरच्या समस्यांशी सामना करावा लागतो. एकदा का हा आजार जडला की मग त्या सततच्या गोळ्यांमुळे अनेक वीट येतो. कित्येकजण तर या आजारापेक्षा गोळ्यांनाच जास्त कंटाळतात. मग डॉक्टरांना एक प्रश्न विचारला जातो. ब्लड प्रेशरची औषधे अचानक बंद केल्यास काय होते?

जर तुम्ही बीपीचे रुग्ण असाल आणि अचानक ब्लड प्रेशरच्या गोळ्या घेणे तालात असाल तर एकदा डॉक्टरांचा सल्ला जरूर घ्या. कारण अचानक औषध बंद केल्याने त्याचा थेट परिणाम तुमच्या आरोग्यावर होतो. त्यामुळे तुमच्या आरोग्य तज्ञाकडून बीपी तपासल्यानंतरच औषध बंद करा. स्वतःहून औषधे घेणे बंद करणे आरोग्यासाठी चांगले नाही.

कोणत्या लोकांना हाय ब्लड प्रेशरचा धोका जास्त असतो?

बीपीची औषधे सामान्यतः आयुष्यभर घेतली जातात. परंतु काही लोकं असतात ज्यांना ही औषधं घेणे आवडत नसते. तपासणीनंतर डॉक्टर काही काळ ही औषधं बंद करतात किंवा ती बदलतात. अतिरिक्त वजन उचलणे, धूम्रपान करणे, जास्त मद्यपान करणे, जास्त मीठ खाणे, जास्त ताण आणि टेन्शन घेणे, अशा लोकांना हाय बीपीची समस्या असते.

औषध बंद करण्याचा सल्ला डॉक्टर कधी देऊ शकतात?

हाय बीपीचे औषधं अचानक बंद करणे ठीक आहे की नाही हे तुमच्या बीपीचे कारण काय आहे यावर पूर्णपणे अवलंबून असते. हाय ब्लड प्रेशर दोन कारणांमुळे होतो. एक बदलण्यायोग्य आहे आणि दुसरा अपरिवर्तनीय आहे.

बदलण्यायोग्य कारणे पुढीलप्रमाणे आहेत

• तुमच्या जेवणात जास्त मीठ टाकू नका.
• स्वतःला अ‍ॅक्टिव्ह ठेवा.
• जास्त वजन आणि लठ्ठपणा नियंत्रणात ठेवा
• दारू पिणे टाळा.
• स्वतःचा तणाव कमी करा.

अचानक बीपीचे औषध बंद केल्याने गंभीर समस्या उद्भवू शकतात

• तुमचा ब्लड प्रेशर पुन्हा वेगाने वाढेल.
• साइड इफेक्ट्स जसे की छातीत दुखणे, अस्वस्थता, जलद हृदयाचा ठोका किंवा पाय आणि बोटे यांना सूज येणे असे अनुभव तुम्हाला येऊ शकतात.
• हृदयविकाराचा झटका, पक्षाघात, मूत्रपिंड निकामी होणे किंवा इतर समस्या होण्याचा धोका जास्त असू शकतो.
• डोकेदुखी.
• मळमळ.

कोणत्या लोकांची अचानक हाय ब्लड प्रेशरची औषधे बंद केली जातात?

जर एखाद्या व्यक्तीला किडनीचा जुनाट आजार, मधुमेह, वृद्धापकाळ, किंवा हाय ब्लड प्रेशरचा कौटुंबिक इतिहास असेल तर अशांची हाय ब्लड प्रेशरची औषधे बंद केली जातात. तसेच स्लीप एपनिया, कॅन्सर, थायरॉईडचे रुग्ण असतील तर त्यांचे सुद्धा औषधं बंद केली जातात.