प्रियांका चोप्राने सांगितले गुलाबी ओठांचे रहस्य,घरी बनवून पहा होममेड लिप स्क्रब

अभिनेत्री प्रियांका चोप्रा तिच्या सोशल मीडियावर नेहमी सक्रिय असते. ती तिच्या चाहत्यांसाठी काहींना काही स्किन केअर रुटीनमधील फेसपॅक किंवा फेसमास्क शेअर करत असते. नुकतीच तिने गुलाबी ओठांसाठी लिप स्क्रबरची रेसिपी शेअर केली आहे. गुलाबी ओठांसाठी आपण काहींना काही करत असतो. पण केमिकल गोष्टींचा वापर करण्याऐवजी प्रियांका चोप्राने सांगितलेले लिप स्क्रबर नक्की वापरून पहा.

बॉलिवूड आणि हॉलिवूडमधील प्रसिद्ध अभिनेत्री प्रियांका चोप्रा तिच्या अभिनयासोबतच सौंदर्यासाठीही सगळीकडे लोकप्रिय आहे. जगभरात तिने आपल्या उत्तम अभिनयामुळे नाव मिळवले आहे. तसेच प्रियांकाच्या चाहत्यांमध्ये सुद्धा तिच्या सौंदर्याचे अनेक फॅन आहेत. प्रियांका सोशल मीडियावर नेहमी सक्रिय असून तिच्या चाहत्यांसोबत स्किन केअर रुटीन शेअर करत असते. प्रियांका तिच्या सुंदर त्वचा आणि फिगरसाठी सगळीकडे प्रसिद्ध आहे. प्रियांकाची स्किन पाहून सर्वच महिलांना वाटते की आपली त्वचासुद्धा आभिनेत्रींप्रमाणे सुंदर आणि छान हवी. प्रियांका महागडी उत्पादने वापरण्यापेक्षा त्वचेचे सौंदर्या वाढवण्यासाठी घरगुती पदार्थांचा वापर करते.

केमिकल युक्त उत्पादनांचा प्रभाव फारकाळ चेहऱ्यावर दिसून येत नाही. त्यामुळे चमकदर आणि सुंदर त्वचेसाठी नेहमी घरगुती पदार्थ वापरावे. सुंदर त्वचेसोबतच महिलांना गुलाबी ओठ सुद्धा हवे असतात. सुंदर ओठांसाठी अनेक महिला लिप बाम किंवा लिपस्क्रबरचा वापर करतात. पण केमिकल उत्पादनांचा वापर न करतात प्रियांका चोप्राने सांगितलेले लिप स्क्रबर घरी नक्की बनवून पहा. या स्क्रबरचा वापर केल्यामुळे ओठ ओठांवरची डेड स्किन, टॅनिंग, काळे डाग निघून जाऊन ओठ गुलाबी होण्यास मदत होते. चला तर जाणून घेऊया लिप स्क्रबर बनवण्याची कृती.

हे देखील वाचा: सनस्क्रीन लावल्यानंतर चेहरा तेलकट किंवा चिकट होतो? मग जाणून घ्या सनस्क्रीन लावण्याची योग्य पद्धत

साहित्य:

• सी सॉल्ट
• ग्लिसरीन
• गुलाबपाणी

हे देखील वाचा: पावसाळ्यात केस भिजल्यावर ओले चिंब होतात? मग केस कोरडे करण्यासाठी ‘या’ टिप्स वापरा

कृती:

• लिप स्क्रबर बनवण्यासाठी सर्वप्रथम एका वाटीमध्ये सी सॉल्ट घेऊन त्यात ग्लिसरीन मिक्स करा.
• त्यानंतर त्यात गुलाब पाणी टाका. जाडसर मिश्रण तयार झाल्यानंतर स्क्रब ओठांना लावा.
• तयार केलेले मिश्रण ओठांना लावून झाल्यानंतर हलक्या हाताने मसाज करा. ओठांना जास्त मसाज करू नये.
• मसाज करून झाल्यानंतर 5 मिनिटं ठेवून नंतर ओठ स्वच्छ धुवून घ्या. हा उपाय आठवड्यातून दोनदा केल्यामुळे ओठांचा काळा पडलेला रंग गुलाबी होईल.