सोप्या पद्धतीमध्ये घरीच बनवा ढाबा स्टाईल मशरूम मसाला; रात्रीच्या जेवणासाठी परफेक्ट पर्याय

Mushroom Masala Recipe : रात्रीच्या जेवणाला काही चवदार खायचं असेल तर मशरूम मसाला तुमच्यासाठी एक चांगला पर्याय ठरेल. तुम्ही अजूनपर्यंत ही डिश चाखली नसेल तर आजच याची रेसिपी जाणून घेऊया.

मशरूम हा एक पोषक, स्वादिष्ट आणि बहुगुणी पदार्थ आहे. त्यात प्रथिने, लोह, व्हिटॅमिन डी, बी-कॉम्प्लेक्स आणि मिनरल्स मुबलक प्रमाणात असतात. शाकाहारी लोकांसाठी मशरूम हा एक उत्तम पर्याय ठरतो कारण तो मांसाहारी पदार्थासारखा टेक्स्चर आणि चव देतो. आजकाल रेस्टॉरंटमध्ये मशरूम मसाला हा एक लोकप्रिय पदार्थ झाला आहे. ग्रेव्ही प्रकारातील ही भाजी पोळी, भाकरी, पराठा किंवा अगदी भातासोबतही अप्रतिम लागते.

Ginger Candy Recipe: १० मिनिटांमध्ये घरीच बनवा बसस्टॅण्डवर मिळणारा आलेपाक, रोगप्रतिकारशक्ती राहील कायमच मजबूत

घरच्या घरी मशरूम मसाला बनवणे अत्यंत सोपे आहे. कांदा-टोमॅटोची स्वादिष्ट ग्रेव्ही, मसाल्यांचा तिखटसर स्वाद आणि वरून घातलेली कोथिंबीर या सगळ्यामुळे ही भाजी प्रत्येकाला आवडते. विशेष म्हणजे हा पदार्थ झटपट तयार होतो आणि जेवणात खास आकर्षण वाढवतो. चला जाणून घेऊया यासाठी लागणारे साहित्य आणि कृती.

साहित्य

• २०० ग्रॅम मशरूम (स्वच्छ धुऊन तुकडे करून घ्यावेत)
• २ मध्यम आकाराचे कांदे (बारीक चिरून)
• २ टोमॅटो (बारीक चिरून)
• १ हिरवी मिरची (चिरून)
• १ टीस्पून आलं-लसूण पेस्ट
• २ टेबलस्पून तेल किंवा तूप
• १ टीस्पून लाल तिखट
• ½ टीस्पून हळद
• १ टीस्पून धणे पूड
• ½ टीस्पून गरम मसाला
• चवीनुसार मीठ
• थोडी कोथिंबीर सजावटीसाठी

झटपट आणि पौष्टिक अंडा पराठा रेसिपी, प्रोटीनने भरलेला सकाळचा नाश्ता

कृती

• यासाठी सर्वप्रथम कढईत तेल गरम करून त्यात कांदा घालून सोनेरी होईपर्यंत परतवा.
• आलं-लसूण पेस्ट आणि हिरवी मिरची घालून छान परतून घ्या.
• आता टोमॅटो घालून मऊ होईपर्यंत शिजवा.
• त्यात हळद, तिखट, धणे पूड घालून मसाला परतून घ्या.
• मग स्वच्छ धुतलेले मशरूमचे तुकडे घालून चांगले मिक्स करा.
• झाकण ठेवून ५-७ मिनिटे शिजवा, जेणेकरून मशरूम मसाल्याची चव शोषून घेईल.
• शेवटी गरम मसाला आणि मीठ घालून एक मिनिट परतवा.
• वरून कोथिंबीर घालून गरमागरम पोळी, पराठा किंवा भातासोबत सर्व्ह करा.
• हा मशरूम मसाला दुपारच्या किंवा रात्रीच्या जेवणासाठी एक परिपूर्ण डिश आहे.