झटपट आणि पौष्टिक अंडा पराठा रेसिपी, प्रोटीनने भरलेला सकाळचा नाश्ता

Egg Paratha Recipe : सकाळच्या नाश्त्यासाठी अंड्याचे पदार्थ परफेक्ट ठरतात, कारण ते प्रोटीनने भरलेले आणि झटपट तयार होतात. पराठा हा भारतीय खाद्यसंस्कृतीतील एक लोकप्रिय पदार्थ आहे. चला अंडा पराठाची रेसिपी जाणून घेऊया.

(फोटो सौजन्य: Pinterest)

Follow Us:

Follow Us:

पराठा म्हटलं की आपल्याला लगेच आठवतात त्या स्वादिष्ट, तुपाने भाजलेल्या आणि गरमागरम पोळ्या ज्यात वेगवेगळ्या प्रकारचं स्टफिंग भरलेलं असतं. पराठ्याची परंपरा उत्तर भारतात विशेष प्रसिद्ध आहे, मात्र आता तो सगळीकडेच आवडीने खाल्ला जातो. त्यातही अंडा पराठा हा एक अनोखा आणि पौष्टिक प्रकार आहे. सकाळचा नाश्ता असो वा रात्रीचं जेवण, अंडा पराठा पटकन होतो आणि पोटभर जेवणाची मजा देतो.

संध्याकाळ होताच काही चटपटीत खायची इच्छा होतेय? मग घरीच बनवा स्वादिष्ट ‘रगडा चाट’; काही मिनिटांत तयार होते रेसिपी

अंड्याचं प्रोटीन आणि मसाल्यांची झणझणीत चव यामुळे हा पराठा अतिशय रुचकर लागतो. मुलांना, तरुणांना तसेच मोठ्यांनाही हा पदार्थ खूप आवडतो. विशेष म्हणजे अंडा पराठा बाहेरच्या हॉटेलमध्ये लोकप्रिय असला तरी घरच्या घरी हा सोप्या पद्धतीने करता येतो. दही, लोणचं किंवा चटणीसोबत हा पराठा सर्व्ह केल्यास त्याची चव अधिकच वाढते. चला जाणून घेऊया यासाठी लागणारे साहित्य आणि कृती.

साहित्य :

• गव्हाचं पीठ – २ कप
• अंडी – ३
• कांदा – १ मध्यम बारीक चिरलेला
• हिरवी मिरची – २ बारीक चिरलेल्या
• कोथिंबीर – २ टेबलस्पून
• आलं-लसूण पेस्ट – १ टीस्पून
• लाल तिखट – १ टीस्पून
• गरम मसाला – ½ टीस्पून
• मीठ – चवीनुसार
• तेल/तूप – शेकण्यासाठी

• यासाठी सर्वप्रथम गव्हाच्या पिठात मीठ टाकून मऊसर पीठ मळून १५-२० मिनिटे झाकून ठेवा.
• एका वाडग्यात अंडी फोडून घ्या व त्यात कांदा, हिरवी मिरची, आलं-लसूण पेस्ट, तिखट, गरम मसाला, कोथिंबीर
• आणि मीठ घालून नीट फेटा.
• पीठाचे गोळे करून पोळीसारखे लाटा.
• तव्यावर पोळी अर्धवट शेकून त्यावर अंड्याचे मिश्रण ओता आणि वरची बाजू नीट पसरवा.
• थोडं शिजल्यावर पराठा पलटवा आणि दुसऱ्या बाजूनेही सोनेरी होईपर्यंत शेकून घ्या.
• दोन्ही बाजूंनी कुरकुरीत झाल्यावर गरमागरम पराठा प्लेटमध्ये काढा.
• दही, लोणचं किंवा टोमॅटो सॉससोबत सर्व्ह करा.
• आवडीनुसार अंड्याच्या मिश्रणात थोडं चीज किंवा भाज्या घालू शकता.

FAQs (संबंधित प्रश्न)

अंड्याच्या पराठ्यासोबत काय खावे?
अंड्याचा पराठा नुसताही खाता येतो. पण याची चव कोणत्याही चटणी आणि भाज्यांच्या सॅलडसोबत आणखीन वाढते.

अंड्याचा पराठा आरोग्यदायी आहे का?
होय, अंड्याचा पराठा एक निरोगी आणि पौष्टिक जेवण आहे. विशेषतः जेव्हा संपूर्ण गव्हाच्या पिठापासून बनवले जाते आणि कमीत कमी तेल किंवा तूप घालून दिले जाते. हे अंड्यातील प्रथिने आणि संपूर्ण गव्हातील जटिल कार्बोहायड्रेट्सचा एक चांगला स्रोत आहे, जे तृप्ति वाढवते आणि ऊर्जा प्रदान करते.

Web Title: A perfect morning breakfast healthy tasty and quick egg paratha recipe in marathi

Get Latest  Marathi News ,  Maharashtra News and  Marathi News from Politics,  Election News ,  Sports News ,  Entertainment News,  Business News and   Religion News only on Navarashtra.com