नवीन वर्षाच्या पाहिल्याचं दिवशी कुटुंबातील सदस्यांसाठी बनवा हेल्दी टेस्टी बदाम शिरा, वाचा सोपी रेसिपी

नवीन वर्षाच्या पाहिल्याचं दिवशी काय बनवावं सुचत नाही? अशावेळी तुम्ही सोप्या पद्धतीमध्ये घरी बदाम शिरा बनवू शकता. तुम्ही बनवलेला बदाम शिरा घरातील सगळ्यांना नक्की आवडेल. चला तर जाणून घेऊया बदाम शिरा बनवण्याची सोपी रेसिपी.

2025 या नवीन वर्षाची आजपासून सुरुवात झाली आहे. नवीन वर्षात काहींना काही नवीन संकल्प केले जातात. तसेच नवीन वर्षाच्या पहिल्याच दिवशी घरी गोड पदार्थ बनवला जातो. शिवाय सणाच्या दिवशी आणि इतर वेळी काहींना काही गोडाचे पदार्थ बनवले जातात. त्यामुळे नेहमी नेहमी काय गोड पदार्थ बनवावं? असा प्रश्न जर तुम्हाला पडला असेल तर तुम्ही बदामाचा चविष्ट शिरा बनवू शकता. बदाम आरोग्याच्या दृष्टीने अतिशय पौष्टिक आणि हेल्दी आहेत. दैनंदिन आहारात बदाम खाल्यामुळे आरोग्याला अनेक फायदे होतात. बदामामध्ये अनेक पौष्टीक घटक आढळून येतात. प्रथिने, विटामिन ई आणि इतर पोषक घटक मुबलक आढळून येतात. त्यामुळे घरी आलेल्या पाहुण्यांसाठी जर तुम्ही बदाम शिरा बनवला तर त्यांना तो नक्कीच आवडेल. चला तर जाणून घेऊया बदाम शिरा बनवण्याची सोपी रेसिपी.(फोटो सौजन्य-istock)

नवनवीन रेसिपीसाठी इथे क्लिक करा

साहित्य:

• बदाम
• तूप
• साखर
• वेलची पावडर
• काजू बदामाचे तुकडे
• जायफळ पावडर
• दूध
• केशर

नवनवीन रेसिपीसाठी इथे क्लिक करा

कृती:

• बदाम शिरा बनवण्यासाठी सर्वप्रथम, 4 ते 5 तास बदाम पाण्यात भिजत ठेवा. त्यानंतर त्यांची साल काढून मिक्सरमधून बारीक पेस्ट तयार करून घ्या.
• कढईमध्ये तूप गरम करण्यासाठी ठेवा. त्यानंतर त्यात बारीक करून घेतलेली बदामाची पेस्ट टाकून मिक्स करून घ्या.
• बदाम पेस्ट भाजल्यानंतर तिला लालसर रंग येईल. त्यानंतर त्यात आवडीनुसार साखर टाकून व्यवस्थित मिक्स करा.
• नंतर त्यात वेलची पावडर आणि जायफळ पावडर मिक्स करून घ्या.
• सगळ्यात शेवटी शिऱ्यामध्ये बारीक करून घेतलेले काजू बदाम आणि केशर दूध टाकून मिक्स करून घ्या.
• तयार आहे सोप्या पद्धतीमध्ये बनवलेला बदाम शिरा.