१० मिनिटांमध्ये क्रीम न वापरता घरच्या घरी बनवा दाटसर रबडी

रबडी हा पदार्थ सगळ्यांचं आवडतो. रबडीचे नाव ऐकताच तोंडात पाणी येते. बाजारात मिळणारी रबडी घरच्या घरी सोप्या पद्धतीमध्ये कशी बनवायची याची रेसिपी जाणून घेऊया.

लहान मुलांपासून मोठ्यांपर्यंत सगळ्यांचं गोड पदार्थ खायला खूप आवडतात. त्यातील सगळ्यांचा आवडीचा पदार्थ म्हणजे रबडी. रबडीची नाव ऐकल्यानंतर सगळ्यांच्याच तोंडाला पाणी सुटतं. पण बाजारात हलवाईच्या दुकानात मिळणारी रबडी घरी बनत नाही अशी अनेकांची तक्रार असते. बाजारात मिळणारी रबडी घरी कशी बनवायची? असा प्रश्न तुम्हाला देखील पडला असेल ना. तर आज आम्ही तुम्हाला बाजारात मिळणारी रबडी घरच्या घरी सोप्या पद्धतीमध्ये कशी बनवायची याची रेसिपी सांगणार आहोत. चला तर जाणून घेऊया रबडी बनवायची रेसिपी..(फोटो सौजन्य: istock)

साहित्य:

• दूध
• साखर
• केशर
• वेलची पावडर
• सुका मेवा

[read_also content=”सकाळच्या नाश्त्याला नवीन चटकदार पदार्थ खायचा असेल तर मसूर डाळ वडा नक्की बनवा https://www.navarashtra.com/lifestyle/try-making-masoor-dal-vada-for-breakfast-542237.html”]

कृती:

• सर्वप्रथम रबडी बनवण्यासाठी 1 लिटर दूध कढईमध्ये घेऊन गरम करायला ठेवा.
• दुधाला चांगली उकळी आल्यानंतर त्यात साखर टाकून साखर पूर्णपणे विरघळवून घ्या. साखर टाकल्यानंतर रबडी चमच्याने सतत ढवळत राहा.
• 1 लिटर दूध अर्धे झाल्यानंतर त्यात बारीक चिरलेला ड्रायफ्रुट्स घालून मिक्स करून घ्या.
• उकळी आल्यानंतर त्यात चवीनुसार वेलची पावडर टाकून मिक्स करून घ्या.
• रबडी बनवताना गॅस मंद आचेवर ठेवा. कारण गॅसची फ्लेम जास्त असल्यास रबडी कढईला चिटकू शकते.
• सगळ्यात शेवटी रबडीमध्ये केशरच्या 4 ते 5 काड्या टाकून दुधाच्या गुठळ्या होण्यास सुरुवात झाल्यानंतर गॅस बंद करून घ्या.
• गॅस बंद केल्यावर तयार रबडी एका वाटीमध्ये काढून खाण्यासाठी सर्व्ह करा.