चवीलाच काय तर बनवायलाही सोपी आहे मंचूरियन चिली; कुटुंबाला खुश करा आणि यंदा घरीच ट्राय करा ही रेसिपी

चायनीज फ्युजन डिशेसपैकी “मंचूरियन चिली” ही एक लोकप्रिय आणि चविष्ट डिश आहे. ती मंचूरियन आणि चिली या दोन्ही डिशेसचा अनोखा संगम आहे. गरमागरम तळलेले मंचूरियन बॉल्स आणि झणझणीत चायनीज चिली ग्रेव्ही यामध्ये मिसळली जाते. ही डिश पार्टीसाठी, स्पेशल डिनरसाठी किंवा वीकेंड ट्रीटसाठी अगदी परफेक्ट आहे. चला तर मग, जाणून घेऊया यासाठी लागणारे साहित्य आणि कृती.

साहित्य

मंचूरियन बॉलसाठी:

• कोबी (किसलेली) – 1 कप
• गाजर (किसलेले) – ½ कप
• कांदा – 1 (बारीक चिरलेला)
• आले-लसूण पेस्ट – 1 टीस्पून
• कॉर्न फ्लोअर – 2 टेबलस्पून
• मैदा – 2 टेबलस्पून
• मीठ – चवीनुसार
• मिरपूड – ½ टीस्पून
• तेल – तळण्यासाठी

• तेल – 2 टेबलस्पून
• आले-लसूण पेस्ट – 1 टीस्पून
• हिरव्या मिरच्या – 2 (लांब चिरून)
• कांदा – 1 (लांब चिरलेला)
• शिमला मिरची – 1 (लांब चिरलेली)
• सोया सॉस – 1 टेबलस्पून
• चिली सॉस – 1 टेबलस्पून
• टोमॅटो सॉस – 1 टेबलस्पून
• व्हिनेगर – 1 टीस्पून
• कॉर्न फ्लोअर – 1 टीस्पून (थोड्याशा पाण्यात मिसळून)
• पाणी – ½ कप
• मीठ – चवीनुसार
• साखर – ½ टीस्पून
• कांद्याची पात

कृती

• मंचूरियन चिली बनवण्यासाठी सर्वप्रथम एका मोठ्या वाडग्यात कोबी, गाजर, कांदा, आले-लसूण पेस्ट, मैदा, कॉर्न फ्लोअर, मीठ आणि मिरपूड एकत्र करा. हे मिश्रण घट्टसर होईपर्यंत मिक्स करा आणि छोटे गोल बॉल्स तयार करा
• हे बॉल्स गरम तेलात मध्यम आचेवर कुरकुरीत होईपर्यंत तळा.
• कढईत 2 टेबलस्पून तेल गरम करून त्यात आले-लसूण पेस्ट, हिरव्या मिरच्या परतून घ्या. नंतर कांदा आणि शिमला मिरची घालून थोडंसं परता.
• यानंतर त्यात सोया सॉस, चिली सॉस, टोमॅटो सॉस, व्हिनेगर, साखर, मीठ घाला आणि नीट मिक्स करा.
• त्यात ½ कप पाणी आणि कॉर्न फ्लोअरचे पाणी घाला. थोडं घट्टसर व्हायला द्या.
• सॉस तयार झाल्यावर त्यात तळलेले मंचूरियन बॉल्स घाला आणि चांगले मिक्स करा.
• शेवटी वरून थोडंसं स्प्रिंग अनियन शिंपडा.
• अधिक झणझणीत हवं असल्यास हिरव्या मिरच्यांची मात्रा वाढवू शकता.
• ग्रेव्ही हवी असल्यास पाण्याचं प्रमाण थोडं वाढवा.
• तुम्ही पाणी कमी घालून ड्राय मंचूरियन चिली देखील तयार करू शकता.

संबंधित बातम्या