कोजागिरी पौर्णिमेला घरी बनवा गोड चविष्ट मखाणा बासुंदी, वाचा सोपी रेसिपी

आरोग्यासाठी मखाणा अतिशय पौष्टिक आहे. नाश्त्यात किंवा इतर वेळी भूक लागल्यानंतर तुम्ही मखाणाचे सेवन करू शकता. मखाणापासून अनेक वेगवेगळे पदार्थ बनवता येतात. त्यामुळे आज आम्ही तुम्हाला मखाणा बासुंदी कशी बनवावी, याची सोपी रेसिपी सांगणार आहोत. बासुंदी हा पदार्थ लहान मुलांपासून मोठ्यांपर्यंत सगळ्यांचं खूप आवडतो.

नवरात्रीच्या तीन किंवा चार दिवसांनंतर कोजागिरी पौर्णिमा साजरी केली जाते. कोजागिरीच्या दिवशी अनेक ठिकाणी गरबा, दांडियाचे आयोजन केले जाते. तसेच मसाला दूध बनवून अनेक ठिकाणी कोजागिरी साजरी करतात. त्यामुळे यंदाच्या कोजागिरीला तुम्ही सुद्धा घरी मखाणा खीर बनवू शकता. मखाणामध्ये मॅग्नेशियम, पोटॅशियम, फायबर, लोह, जस्त इत्यादी घटक मोठ्या प्रमणावर आढळून येतात. तसेच यामध्ये कार्बोहायड्रेट्स, फायबर आणि प्रथिने आढळून येतात.मखाणा खाल्ल्यामुळे पचनक्रिया सुधारण्यास मदत होते. तसेच हा पदार्थ पचनास हलका आणि चवीला सुद्धा सुंदर लागतो. त्यामुळे रोजच्या आहारात तुम्ही मखाणाचे सेवन करू शकता.मखाणाचे सेवन केल्यामुळे आरोग्य सुधारण्यास मदत होते. मखाणा बासूंदी कमीत कमी वेळात झटपट तयार होते. चला तर जाणून घेऊया मखाणा बासुंदी बनवण्याची सोपी कृती.(फोटो सौजन्य-istock)

साहित्य:

• मखाणा
• तूप
• दूध
• वेलची पावडर
• काजू बदाम पावडर
• केशरच्या काड्या

हे देखील वाचा: जेवणात तोंडी लावण्यासाठी बनवा मिक्स भाज्यांचे चमचमीत लोणचं, जेवणाची वाढेल चव

कृती:

• मखाणा बासुंदी बनवण्यासाठी सर्वप्रथम दूध गरम करण्यासाठी ठेवा. दूध गरम करताना दुधात पाणी घालू नये.
• त्यानंतर कढईमध्ये मखाणा भाजून घ्या. थंड करून मखाणा मिक्सरमधून बारीक वाटा.
• त्यानंतर गरम केलेले दूध सतत चमच्याने मिक्स करत राहा. दूध अर्धे झाल्यानंतर त्यात बारीक केलेले मखाणा टाकून मिक्स करा.
• नंतर त्यात साखर, केशराच्या काड्या, वेलची पावडर टाकून पुन्हा एकदा व्यवस्थित मिक्स करा.
• बासुंदी थोडी घट्ट झाल्यानंतर गॅस बंद करून थंड होण्यासाठी ठेवा.
• अशा पद्धतीने तयार सोप्या पद्धतीमध्ये बनवलेली मखाणा बासुंदी.