मुलायम आणि चमकदार त्वचेसाठी दह्यात मिक्स करा ‘हा’ पदार्थ, त्वचा राहील हायड्रेट आणि निरोगी

डाग विरहित त्वचा मिळवण्यासाठी चेहऱ्यावर दही आणि हळदीचा फेसपॅक बनवून लावा. यामुळे त्वचेवरील हरवलेली चमक पुन्हा परत येईल आणि त्वचेला अनेक फायदे होतील. जाणून घ्या दह्याचा फेसपॅक बनवण्याची कृती.

वातावरणात होणाऱ्या बदलांचा परिणाम आरोग्यासह त्वचेवरसुद्धा लगेच दिसून येतो. धूळ, माती, प्रदूषण इत्यादी अनेक कारणांमुळे त्वचा अधिक खराब आणि काळवंडून जाते. त्वचेवर असलेल्या ओपन पोर्समध्ये धूळ, माती चिटकून राहते, ज्यामुळे त्वचेवर अतिरिक्त तेल जमा होणे, पिंपल्स येणे, पुरळ येणे इत्यादी अनेक समस्या उद्भवू लागतात. याशिवाय थंडीच्या दिवसांमध्ये त्वचेची काळजी घेणे जास्त गरजेचे आहे. त्वचेची काळजी घेण्यासाठी अनेक महिला बाजारात उपलब्ध असलेले महागडे प्रॉडक्ट, वेगवेगळ्या केमिकल ट्रीटमेंट इत्यादी अनेक गोष्टी करून घेतल्या जातात. मात्र या सगळ्याचा फारकाळ त्वचेवर परिणाम दिसून येत नाही. यामुळे काहीवेळा त्वचा अधिक कोरडी आणि निस्तेज होऊन जाते.(फोटो सौजन्य – iStock)

स्किन केअरसंबंधित बातम्यांसाठी इथे किल्क करा

त्वचेची काळजी घेण्यासाठी बाजारात उपलब्ध असलेल्या महागड्या क्रीम वापरण्यापेक्षा घरगुती पदार्थांचे वापर करावा. घरगुती पदार्थांच्या वापरामुळे त्वचा नैसर्गिकरित्या उजळदार आणि चमकदार दिसते. त्वचेची खराब झालेली गुणवत्ता सुधारण्यासाठी घरगुती पदार्थांचा वापर करावा. घरगुती पदार्थ वापरल्यामुळे त्वचेचे कोणतेही नुकसान होत नाही. शिवाय त्वचा अधिक हायड्रेट आणि मुलायम राहते. आज आम्ही तुम्हाला मुलायम आणि चमकदार त्वचेसाठी दह्यात कोणता पदार्थ मिक्स करून लावावा, याबद्दल सविस्तर माहिती सांगणार आहोत. चला तर जाणून घेऊया.

दह्यात हा पदार्थ मिक्स करून त्वचेवर लावा:

साहित्य:

दही, हळद

कृती:

• दह्याचा फेसपॅक तयार करण्यासाठी सर्वप्रथम, वाटीमध्ये दोन चमचे दही घेऊन त्यात हळद मिक्स करा.
• हळदी त्वचेवरील काळपटपणा कमी करण्यासाठी मदत करते, ज्यामुळे त्वचेवरील काळे डाग निघून जातात.
• दह्याच्या मिश्रणात हळद टाकून व्यवस्थित मिक्स करा. मिक्स करून झाल्यानंतर संपूर्ण त्वचेवर आणि मानेवर फेसपॅक लावा.
• 10 मिनिटं ठेवून नंतर पाण्याने त्वचा स्वच्छ करून घ्या. यामुळे तुमच्या त्वचेवर चमकदार ग्लो येईल आणि त्वचा सुंदर दिसेल.

स्किन केअरसंबंधित बातम्यांसाठी इथे किल्क करा

दही आणि हळद त्वचेला लावण्याचे फायदे:

थंडीमध्ये त्वचेची चमक कमी होऊन जाते. याशिवाय त्वचेसंबंधित अनेक समस्या उद्भवू लागतात. या सर्व समस्यांपासून आराम मिळवण्यासाठी दही आणि हळदीचा वापर करावा. यामुळे त्वचा उजळदार आणि सुंदर दिसते. हा उपाय तुम्ही आठवड्यातून दोन ते तीन वेळा करू शकता. यामुळे त्वचा गोरीपान आणि डागविरहित होईल. दही लावल्यामुळे त्वचेवर आलेले डाग निघून जातात.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.