कशी केली कॅन्सरवर मात
माजी क्रिकेटपटू आणि नेते नवज्योत सिंग सिद्धूच्या पत्नीने स्टेज-4 कॅन्सरवर मात करून अशक्य वाटणारी लढाई जिंकली. डॉक्टरांनी नवज्योत कौर यांना जगण्याची केवळ 3 टक्के शक्यता सांगितली होती, पण इच्छाशक्ती, योग्य आहार आणि जीवनशैलीतील बदलांच्या बळावर नवज्योत कौर यांनी या आव्हानाचा धैर्याने सामना केला. अलीकडेच सिद्धूचा एक व्हिडिओ व्हायरल होत आहे, ज्यामध्ये तो सांगत आहे की त्याची पत्नी कॅन्सरमधून पूर्णपणे बरी झाली आहे.
गेल्याच आठवड्यात ‘कपिल शर्मा शो’मध्ये सिद्धू आणि त्याची पत्नी दिसून आली होती. तर आपली पत्नी अत्यंत लढवय्या असून तिच्या इच्छाशक्तीमुळेच ती कॅन्सरवर मात करू शकली असल्याचे त्याने अभिमानाने सांगितले. इतकंच नाही तर इतकी संकटं असतानाही ती कायम सकारात्मक राहिली आणि आता ती संपूर्णतः कॅन्सरमधून बरी झाले असल्याचेही त्याने सांगितले आहे. (फोटो सौजन्य – Instagram/iStock)
सिद्धूने सांगितले पत्नी बनली प्रेरणा
सिद्धूने सांगितले की, योग्य आहार आणि जीवनशैलीमुळे त्यांच्या पत्नीची अवघ्या 40 दिवसांत स्टेज-4 कॅन्सरपासून सुटका झाली. डॉक्टरांच्या 3 टक्के जगण्याची शक्यता चुकीची असल्याचे सिद्ध करून तिने केवळ स्वतःलाच बरे केले नाही तर इतरांसाठीही प्रेरणा बनली. कर्करोगाच्या उपचारादरम्यान पत्नीने आयुर्वेदिक आहाराचा अवलंब केल्याचे त्यांनी उघड केले. या आहाराचे पालन केल्याने केवळ कर्करोग बरा झाला नाही तर सिद्धूचे स्वतःचे फॅटी लिव्हर देखील पूर्णपणे बरे झाले आणि त्यांचे 25 किलो वजन कमी झाले असेही त्याने या दिलेल्या मुलाखतीमध्ये सांगितले होते. चला जाणून घेऊया अशा कोणत्या चार गोष्टी आहेत ज्यामुळे सिद्धूच्या पत्नीला बरे होण्यात मदत झाली.
Colorectal Cancer: कोलोरेक्टल कॅन्सर का होतो? लक्षण, उपाय आणि कशी घ्यावी काळजी
‘नैसर्गिक औषध’ फास्टिंग
सिद्धूच्या म्हणण्यानुसार, त्यांची पत्नी संध्याकाळी 6:30 पर्यंत जेवत होती आणि दुसऱ्या दिवशी सकाळी 10 वाजेपर्यंत फक्त लिंबूपाणी पित असे. या इंटरमिटेंट उपवासाच्या प्रक्रियेमुळे शरीरातील कर्करोगाच्या पेशी आपोआप मरायला लागतात. सिद्धूने उपवास हा आहाराचा सर्वात महत्त्वाचा भाग असल्याचे यावेळी सांगितले.
साखर आणि कार्ब्सचा त्याग
साखरेचा केला संपूर्ण त्याग
या मुलाखतीत सिद्धू म्हणाले, साखर आणि कार्ब्स अर्थात कर्बोदके कर्करोगाच्या पेशी वाढण्यास मदत करतात. त्यामुळे त्यांच्या पत्नीने आहारातून साखर आणि कर्बोदके पूर्णपणे काढून टाकली आणि कर्करोगाच्या उपचाराचा मुख्य भाग बनवला. ही पद्धत फॅटी यकृतावर उपचार करण्यासाठी तितकीच प्रभावी आहे. आपल्या आहारतून संपूर्णतः साखरेचा भाग तिने काढून टाकला
हर्बल चहाची जादू
कर्करोगाच्या उपचारादरम्यान सिद्धूच्या पत्नीला खास हर्बल चहा देण्यात आला होता. हा चहा बनवण्यासाठी दालचिनी, काळी मिरी, लवंगा आणि छोटी वेलची पाण्यात उकळून घ्यायची. गोडपणासाठी त्यात हलका गूळ टाकायचा आणि मग गाळून प्यायचा. हा चहा अँटीइन्फ्लेमेटरी गुणधर्मांनी परिपूर्ण आहे आणि शरीराला आतून मजबूत करतो असे त्याने यावेळी सांगितले
कॅन्सरचा धोका 50 टक्के होईल कमी, रोज करा 5 व्यायाम रहाल निरोगी
अँटीकॅन्सर डाएट
कॅन्सरदरम्यानचे डाएट
नवज्योत कौर यांनी त्यांच्या आहारात पांढऱ्या पेठेचा रस, नट, बीटरूट, गाजर आणि आवळ्याचा रस यांचा समावेश केला आहे. ब्रेड आणि तांदूळ ऐवजी, क्विनोआ रात्रीच्या जेवणात त्यांनी खायला सुरूवात केली, जो कर्करोगविरोधी आणि अँटीइन्फ्लेटरी गुणधर्मांनी समृद्ध आहे. नारळाचा वापरही मोठ्या प्रमाणात वापर केल्याचे यावेळी सिद्धू म्हणाले. तसंच आपण चवीनुसार आपण आपले शरीर खराब करतो आणि त्यामुळे प्रत्येकाने आपल्या आरोग्याबाबत जागरूक राहून योग्य आहाराचा अवलंब करण्याचा सल्ला त्यांनी दिला.
काय म्हणाले नवजोत सिंह सिद्धू
टीप – हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.
.png "Videos"){kind=small}
