Pitru Paksha Recipe: पितृ पक्षात पितरांच्या नैवेद्यासाठी बनवा काकडीचा रायता, वाचा सोपी रेसिपी

पितृ पक्षात कुटुंबात देवाघरी गेलेल्या व्यक्तींचे स्मरण करून त्यांच्या आत्म्याला शांती लाभण्यासाठी पूजा केली जाते. तसेच त्यांच्या आत्म्याला शांती लाभण्यासाठी नैवेद्य दाखवून कुटुंबातील नातेवाईकांना जेवायला बोलावले जाते. तसेच पितृ पक्षाच्या दिवसांमध्ये काही खास पदार्थ बनवले जातात. त्यामुळे यंदाच्या पितृ पक्षात काकडीचा रायता या पद्धतीने नक्की बनवून पहा. चला तर जाणून घेऊया काकडी रायता बनवण्याची कृती.

17 सप्टेंबरपासून पितृ पक्षाला सुरुवात झाली आहे. या दिवसांमध्ये प्रत्येक व्यक्ती आपल्या कुटुंबात देवाघरी गेलेल्या व्यक्तींचे स्मरण करून त्यांच्या आत्म्याला शांती लाभण्यासाठी पूजा केली जाते. पूजा करून घरातील नातेवाईकांना जेवणासाठी बोलावले जाते. 17 सप्टेंबरपासून ते 2  ऑक्टोबरपर्यंत पितृ पक्ष असणार आहे. या दिवसांमध्ये घरोघरी पितरांची पूजा करून नैवेद्य दाखवला जातो. देवाघरी गेलेल्या व्यक्तींना आवडणारे सर्व पदार्थ या दिवशी बनवले जातात. या नैवेद्याच्या जेवणात पुरी भाजी, खीर, मिक्स भाज्या इत्यादी अनेक पदार्थ बनवले जातात. पितृ पक्षामध्ये असे काही पदार्थ बनवले जातात,. ज्यामुळे भाग्य लाभते. त्यामुळे आज आम्ही तुम्हाला पितृ पक्षात बनवला जाणारा काकडीचा रायता कसा बनवायचा, याची सोपी रेसिपी आम्ही तुम्हाला सांगणार आहोत. चला तर जाणून घेऊया रेसिपी.

साहित्य:

• काकडी
• दही
• मीठ
• गूळ
• काळं मीठ
• भाजलेलं जिरं
• लाल मिरची
• पाणी

हे देखील वाचा: वाटीभर सीताफळाचा गर वापरून १० मिनिटांमध्ये सोप्या पद्धतीत बनवा सीताफळ क्रीम

कृती:

• काकडीचा रायता बनवण्यासाठी सर्वप्रथम काकडी स्वच्छ धुवून घ्या. त्यानंतर काकडीची साल काढून काकडी किसा.
• काकडी किसून झाल्यानंतर कापड घेऊन त्यामध्ये असलेले अतिरिक्त पाणी काढून घ्या.
• काकडी प्रमाणे दह्यातील पाणी सुद्धा काढून घ्या. यामुळे पदार्थाची चव वाढण्यास मदत होईल.
• एका वाटीमध्ये पाणी काढून घेतलेले दही घेऊन चमच्याने फेटून घ्या. फेटून झाल्यानंतर त्यात चवीनुसार काळ मीठ आणि सफेद मीठ टाकून मिक्स करा.
• नंतर त्यात भाजलेलं जिरं आणि चिली फ्लेक्स टाकून मिक्स करा.
• सगळ्यात शेवटी तयार मिश्रणामध्ये काकडी टाकून मिक्स करून घ्या. तयार आहे सोप्या पद्धतीमध्ये बनवलेला काकडीचा रायता.