पंतप्रधान नरेंद्र मोदी वर्षाच्या ३०० दिवस करतात मखाणाचे सेवन! जाणून घ्या पोषणयुक्त मखाणाचे फायदे

त्यानंतर पुढे बोलताना नरेंद्र मोदी म्हणाले, “मी वर्षातील 365 दिवसांपैकी 300 दिवस मखाणा खातो. हा एक सुपरफूड आहे, जो जागतिक बाजारपेठेत उपलब्ध करून द्यावा लागतो. या वर्षीच्या अर्थसंकल्पात मखाणा उत्पादकांसाठी मखाणा मंडळ स्थापन करण्याची घोषणा करण्यात आली. हे मंडळ मखाणा उत्पादकांना त्यांचे उत्पन्न वाढविण्यास मदत करेल.

पंत्रप्रधान नरेंद्र मोदी म्हणाले, आज देण्यात आलेल्या किसान सन्मान निधीच्या 19 व्या हप्त्याचा बिहारमधील 75 लाखांहून अधिक शेतकरी कुटुंबांना फायदा झाला आहे. आज बिहारमधील शेतकऱ्यांच्या खात्यात सुमारे 1600 कोटी रुपये थेट पोहोचले आहेत. याशिवाय विरोधकांवर टीका करताना मोदी म्हणाले, यूपीए सरकारच्या काळात शेतकऱ्यांना खतांसाठी लाठीमार करावा लागला. युरियाचा मोठ्या प्रमाणात काळाबाजार झाला. परंतु एनडीएच्या राजवटीत गेल्या 10 वर्षांत शेतकऱ्यांना पुरेसा युरिया आणि डीएपी मिळत आहे. केंद्र सरकार 3000 रुपयांच्या खतावर अनुदान देऊन शेतकऱ्यांना 300 रुपयांपेक्षा कमी किमतीत ते उपलब्ध करून देत आहे.

 मखाणा खाण्याचे फायदे:

आरोग्य सुधारते:

दैनंदिन आहारात मखाणा खाल्यामुळे आरोग्याला अनेक फायदे होतात. मखाणापासून अनेक वेगवेगळे पदार्थ बनवले जातात. याशिवाय हाडांचे आरोग्य सुधारण्यासाठी मखाणा खाण्याचा सल्ला दिला जातो. सकाळी किंवा संध्याकाळच्या वेळी भूक लागल्यानंतर तेलकट किंवा तिखट पदार्थांचे सेवन करण्याऐवजी आहारात मखाणाचे किंवा मखाणापासून बनवलेल्या पौष्टिक पदार्थांचे सेवन करावे. मखाणामध्ये कॅल्शियम, प्रथिने, व्हिटॅमिन बी 12 आणि फॉस्फरस इत्यादी अनेक घटक आढळून येतात.

हाडांच्या आरोग्यासाठी प्रभावी:

हाडे दुखणे, हाडांमध्ये वेदना होणे, हाडे कमकुवत होणे, गुडघे दुखणे इत्यादी अनेक गंभीर समस्यांपासून आराम मिळवण्यासाठी आहारात नियमित मखाणा खावा. यामध्ये भरपूर प्रमाणात कॅल्शियम असते. कॅल्शियम युक्त पदार्थांमध्ये आहारात प्रामुख्याने मखाणा खाण्याचा सल्ला दिला जातो. मखाणामध्ये कार्बोहायड्रेट्स आणि प्रोटीन मुबलक प्रमाणात आढळून येतात. त्यामुळे हाडांमध्ये निर्माण झालेली कॅल्शियमची कमतरता भरून काढण्यासाठी नियमित मखाणा खावा.

पायांमध्ये दिसणाऱ्या ‘या’ लक्षणांकडे चुकूनही करू नका दुर्लक्ष! महिन्याभराआधीच दिसून येतो हार्ट अटॅकचा धोका

रोगप्रतिकारशक्ती वाढते:

शरीराची कमी झालेली रोगप्रतिकारशक्ती सुधारण्यासाठी दैनंदिन आहारात मखाणा खाण्याचा सल्ला दिला जातो. सकाळी रिकाम्या पोटी मखाना खाल्ल्याने रोगप्रतिकारशक्ती वाढते. यामध्ये भरपूर प्रमाणात अँटीऑक्सिडंट असतात. ज्याचा आपल्या शरीराला फायदा होतो. यामुळे अनेक वेगवेगळ्या आजारांपासून वाचण्यास मदत होते.

संबंधित बातम्या