हिवाळ्यात सांधेदुखीपासून संरक्षण करा, तज्ज्ञांच्या टिप्स करा फॉलो

Winter Health Tips: हिवाळ्यात सर्वाधिक त्रास होतो तो म्हणजे सांधेदुखीचा. या ऋतूत शरीराला जरा जरी लागलं तरी ते पटकन जाणवते. सांधेदुखीपासून कसा स्वतःचा बचाव करावा याबाबत तज्ज्ञांचे मत घ्या जाणून

थंडीला सुरुवात होताच तुमचे सांधे दुखतात तसेच थंड हवामानामुळे सांध्यांमध्ये कडकपणा जाणवणे आणि सांध्यांसंबंधीत वेदनेमुळे ज्यामुळे तुमच्या दैनंदिन जीवनावर परिणाम होतो. जर तुम्हालाही सांधेदुखीचा त्रास होत असेल आणि हिवाळ्यात सांध्यांसंबंधी तीव्र वेदना सहन करायच्या नसतील, तर या चार गोष्टी लक्षात ठेवून तुम्ही स्वतःला सुरक्षित ठेवू शकता.

वातावरणातील हवेचा दाब कमी झाल्यामुळे स्नायू, सांधे किंवा जखमेच्या ऊतींना पटकन सूज येते आणि यामुळे वेदना वाढतात. हिवाळ्यात सांध्यांमधील द्रव अधिक घट्ट होतात आणि त्यामुळे सांध्यांमध्ये कडकपणा येतो आणि वेदना सुरू होतात. ज्यांना संधिवाताची समस्या आहे त्यांना याचा अधिक त्रास होऊ शकतो.हिवाळ्यात थंड हवामान आपल्या सांध्यामध्ये वेदना निर्माण करते. यामुळे तुमच्या सांध्यांमध्ये कडकपणा येऊ शकतो ज्यामुळे चालणे फिरणे कठीण होते.  डॉ. गिरीश भालेराव, ऑर्थोपेडिक सर्जन, वोक्हार्ट हॉस्पिटल, मीरा रोड यांनी महत्त्वाची माहिती दिली आहे (फोटो सौजन्य – iStock) 

हिवाळ्यातील त्रास 

लोकांना गुडघे, कोपर किंवा मनगट यासारख्या विविध भागात वेदना आणि अस्वस्थता जाणवू लागतात. तापमानात अचानक घट झाल्यामुळे तुमच्या सांध्यातील रक्तप्रवाह कमी होऊ शकतो, ज्यामुळे ते वेदनांबाबत अधिक संवेदनशील होतात. एखाद्याला अनेक लक्षणे दिसू शकतात. लक्षणांमध्ये सांध्यांमधील जडपणा, सूज, असह्य वेदना आणि हालचाल मंदावणे यांचा समावेश असतो ज्यामुळे तुमच्या दैनंदिन जीवनावर परिणाम होऊ शकतो. तुमचे आरोग्य सुधारण्यासाठी हिवाळ्यात तुमच्या सांध्यांची अत्यंत काळजी घेणे आवश्यक आहे. हिवाळ्यात सांधेदुखी टाळण्यासाठी टिप्स जाणून घ्या.

गुडघेदुखी आणि सांधेदुखी असल्यास करा हे घरगुती उपाय

See more

शरीर उबदार राखा 

हिवाळ्यात वातावरणातील थंडपणामुळे तुमच्या सांध्यांमध्ये ताठरता येऊ शकते आणि यामुळे वेदना होतात. अशा व्यक्तींना उबदार कपडे घालण्याचा सल्ला दिला जातो जे त्यांचे सांधे उबदार ठेवण्यास मदत करतात. तुम्ही हीटिंग पॅड वापरू शकता किंवा गरम पाण्याने आंघोळ करू शकता. परंतु पाणी जास्त गरम नसाव याची खात्री करा कारण ते तुमच्या त्वचेसाठी हानिकारक ठरु शकते.

नियमितपणे व्यायाम करा

हिवाळ्यात व्यायामाची योग्य दिनचर्या राखणे उपयुक्त ठरू शकते. सांध्यांना उबदार राखण्यासाठी विविध शारीरिक क्रिया आणि व्यायाम करा. यामध्ये स्ट्रेचिंग, रनिंग, जॉगिंग, सायकलिंग, डान्सिंग, योगा, मेडिटेशन, कार्डिओ आणि जिम मारणे यासारख्या व्यायामांचा समावेश असू शकतो. हे रक्ताभिसरण सुधारण्यास आणि तुमचे सांधे लवचिक राखण्यास मदत करतात.

वजन नियंत्रित राखा

जास्त वजन तुमच्या सांध्यावर जास्त दाब आणू शकते, विशेषत: गुडघे, नितंब आणि पाठीच्या खालच्या भागात जास्त दाब आल्याने ते वेदनादायक ठरु शकते. वजन नियंत्रित राखणे हे केवळ तुम्हाला निरोगीच नाही तर तुमचे सांधे मजबूत करण्यासाठी देखील फायदेशीर ठरू शकते. संतुलित आहार आणि नियमित व्यायाम हे तुमचे वजन नियंत्रित ठेवण्यास मदत करू शकते.

रिकाम्या पोटी प्या तांब्याच्या भांड्यातील पाणी, सांधेदुखी आणि स्नायूंच्या दुखण्यापासून मिळेल आराम

See more

आहाराकडे लक्ष द्या 

हिवाळ्यात सांधेदुखीपासून बचाव करण्याची गुरुकिल्ली म्हणजे संतुलित आहाराचे सेवन. तुमच्या रोजच्या जेवणात हळद, आले आणि लसूण यांसारख्या मसाल्यांसोबत पालक, ब्रोकोली आणि रताळे यांसारख्या पदार्थांचा समावेश असावा. सूप, मटनाचा रस्सा आणि स्टू यांसारख्या या घटकांसह विविध प्रकारचे पदार्थ बनवू शकता जे केवळ तुमचे सांधे मजबूत करण्यास मदत करत नाहीत तर हिवाळ्यात तुम्हाला उबदार ठेवतात.

टीप –  हा लेख केवळ सामान्य माहितीसाठी लिहिण्यात आला असून कोणत्याही प्रकारच्या उपचाराचा दावा यामध्ये करण्यात आलेला नाही. कोणताही उपाय करण्यापूर्वी आपल्या डॉक्टरांचा सल्ला घ्या आणि त्यांच्या सल्ल्यानुसारच योग्य बदलानुसार वापर करावा.