Raksha Bandhan 2025 : सणानिमित्त घरी बनवा राजस्थानची फेमस मिठाई ‘घेवर’, फार सोपी आहे रेसिपी

रक्षाबंधनाच्या दिवशी तुम्हीही घरी काही खास आणि नवीन बनवण्याचा विचार करत असाल तर राजस्थानची ही फेमस मिठाई तुमच्यासाठी एक उत्तम पर्याय आहे. याची चव सणाचा गोडवा आणखीन वाढवेल.

रक्षाबंधनाचा दिवस आता जवळ आला आहे. यंदा ९ ऑगस्ट रोजी देशभर रक्षाबंधनाचा दिवस साजरा केला जाणार आहे. भावा-बहिणीच्या नात्याला समर्पित या सणानिमित्त नात्यांचा गोडवा आणखीन वाढवला जातो. अशात आम्ही तुमच्यासाठी एक खास रेसिपी घेऊन आलो आहोत जी तुम्ही रक्षाबंधनाच्या दिवशी घरी बनवू शकता. ही एक मिठाई असून राजस्थानचा हा एक पारंपरिक पदार्थ आहे ज्याचे नाव आहे घेवर!

Raksha Bandhan 2025 : सणाचा गोडवा आणखीन वाढेल, खास दिवशी भावासाठी घरीच बनवा मऊसर ‘मिल्क केक’

घेवर ही राजस्थानातील एक अत्यंत प्रसिद्ध आणि पारंपरिक गोड डिश आहे, जी प्रामुख्याने श्रावण महिन्यात, तीज आणि रक्षाबंधन सारख्या सणांमध्ये बनवली जाते. ही मिठाई कुरकुरीत, मध्यम गोडसर आणि दिसायला झाकीदार असते. घेवर प्रामुख्याने मैदा, तूप आणि साखर यांपासून तयार केला जातो. यावर शुध्द तूप, साखरेचा पाक, ड्रायफ्रुट्स आणि कधी कधी रबडीही घातली जाते. ही डिश एकदम रिच, स्वादिष्ट आणि उत्सवी वातावरण निर्माण करणारी आहे.

साहित्य

• मैदा – 1 कप
• तूप – 2 टेबलस्पून
• थंड दूध – 1/2 कप
• थंड पाणी – 1.5 ते 2 कप (गुठळी होणार नाही इतपत)
• बर्फाचे तुकडे – 2-3
• तेल किंवा तूप – तळण्यासाठी
• साखर – 1 कप
• पाणी – 1/2 कप
• वेलची पूड – 1/4 टीस्पून
• केशर – काही धागे (ऐच्छिक)
• ड्रायफ्रुट्स (बदाम, पिस्ते) – बारीक चिरून
• केशर दूध – थोडेसे (ऐच्छिक)
• चांदीचा वर्ख – (ऐच्छिक)
• रबडी – (ऐच्छिक)

विकतंच कशाला आता घरीच बनवा सर्वांच्या आवडीचा Peanut Butter, फक्त 4 साहित्यांपासून होईल तयार

कृती

• यासाठी सर्वप्रथम एका भांड्यात मैदा, थंड दूध, तूप आणि बर्फाचे तुकडे घालून घोटा.
• त्यात हळूहळू थंड पाणी घालून अतिशय पातळ (flowy) आणि गुठळी विरहित बॅटर तयार करा.
  बॅटर अर्धा तास विश्रांतीला ठेवा.
• एका पातेल्यात साखर आणि पाणी एकत्र करून मध्यम आचेवर पाक बनवा.
• पाक एकतारी होईपर्यंत उकळवा. त्यात वेलची पूड आणि केशर घाला.
• खोलगट भांड्यात तूप/तेल गरम करा.
• एका मोठ्या चमच्याने बॅटर गरम तेलात मधोमध टाका. बुडबुडे येतील आणि घेवर तयार होऊ लागेल.
• मधोमध भोक राहील, अशा पद्धतीने वरून अजून थोडं बॅटर टाका.
• कुरकुरीत होईपर्यंत मध्यम आचेवर तळा.
• तळल्यानंतर बाहेर काढून टिश्यू पेपरवर ठेवा.
• गरम साखर पाक घेवरवर ओता.
• वरून ड्रायफ्रुट्स, केशर दूध, वर्ख आणि ऐच्छिक असल्यास रबडी घाला.
• बॅटर खूप घट्ट नको, अन्यथा घेवर नीट तयार होणार नाही.
• तूप गरम असावं, पण धूर यायच्या आधीच बॅटर टाकावं.
• घेवर नेहमी ताजाच खावा, त्याच कुरकुरी हीच खासियत आहे.
• घेवर ही मिठाई ना फक्त राजस्थानी सणांची शान आहे, तर ती आता संपूर्ण भारतात प्रसिद्ध झाली आहे. एकदा
• घरी घेवर करून पाहा, आणि पारंपरिक राजस्थानी स्वादाचा आनंद घ्या!

FAQs (संबंधित प्रश्न)

घेवरचे वेगवेगळे प्रकार कोणते आहेत?
मलाई घेवर, मावा घेवर

घेवर किती काळ ताजा राहतो?
साधा घेवर ४-५ दिवस टिकू शकतो, तर मलाई किंवा मावा घेवर १-२ दिवसांत खाऊन संपवावे.