फ्रिजरमध्ये होतोय डोंगरासारखा बर्फ? डिफ्रॉस्टशिवाय कसा कराल दूर, कमालीचे 3 उपाय

हिवाळा असो किंवा ऊन्हाळा प्रत्येक ऋतूत फ्रिजरचा वापर केला जातो. पाण्याच्या बॉटल्स, आईस्क्रीम, दूध असे बरेच पदार्थ ठेवण्याासाठी फ्रिजरचा वापर केला जातो. फ्रिजरमध्ये बऱ्यादचा इतका बर्फ तयार होतो की सामान ठेवायलाही जागा नसते. फ्रिजमध्ये बर्फ तयार झाला हळूहळू पाणी सुद्धा गळू लागतं. जाणून घेऊया बर्फ काढण्याच्या सोप्या पद्धती

पावसाळ्यात आणि हिवाळ्यात अनेकदा फ्रीजरमध्ये बर्फाचे डोंगर साचतात, त्यामुळे वस्तू ठेवण्यात मोठी अडचण येते. अशा परिस्थितीत, डीफ्रॉस्टिंग आवश्यक होते. त्यासाठी कित्येक तास वाट पहावी लागते. आम्ही तुम्हाला काही सोप्या युक्त्या सांगत आहोत, ज्याच्या मदतीने तुम्ही या बर्फापासून लवकरात लवकर सुटका करू शकता.

घरात अन्नपदार्थ जास्त काळ ताजे ठेवण्यासाठी रेफ्रिजरेटरची गरज असते. इतकंच नाही तर फ्रीजच्या मदतीने आपण अन्न शिजवून जास्त काळ साठवून ठेवू शकतो, तर डीप फ्रीझरमध्ये आपण त्या वस्तू ठेवतो ज्या दीर्घकाळ साठवून ठेवाव्या लागतात. परंतु हवेतील आर्द्रता वाढल्याने कधी कधी डीप फ्रीजरमध्ये बर्फ गोठतो तर कधी बर्फाचे डोंगरही तयार होतात. अशा परिस्थितीत, जर तुम्हाला बर्फ साफ करायचा असेल तर तुम्हाला डीफ्रॉस्टिंगचा अवलंब करावा लागेल, परंतु यासाठी तुम्हाला बराच वेळ प्रतीक्षा करावी लागेल. जर तुमच्याकडे कमी वेळ असेल आणि ते लवकर स्वच्छ करायचे असेल तर आम्ही तुम्हाला काही सोपे उपाय सांगत आहोत.

हेदेखील वाचा- घाणेरड्या फरशा क्षणार्धात चमकतील, साफसफाईसाठी असा करा तुरटीचा वापर

फ्रीझरमधील बर्फ साफ करण्याची पद्धत

पहिली पद्धत

तुम्ही फ्रीज बंद करा आणि अशा ठिकाणी नेणे चांगले होईल जिथे पाणी पडल्यास कोणतीही अडचण येणार नाही. आता बादलीत गरम पाणी घ्या आणि मगच्या मदतीने फ्रीजरमध्ये टाका. हळूहळू सर्व बर्फ वितळेल.

दुसरी पद्धत

तुमच्या फ्रीजरमध्ये सहज जाऊ शकणारे भांडे घ्या. आता या भांड्यात पाणी उकळत ठेवा आणि काळजीपूर्वक फ्रीजरमध्ये ठेवा आणि दरवाजा बंद करा. गरम वाफेने सर्व बर्फ लवकरच वितळेल.

हेदेखील वाचा- एक महिना भात न खाल्ल्याने शरीराला होणारे फायदे तुम्हाला माहिती आहे का?

तिसरी पद्धत

तुमच्या घरात हेअर ड्रायर असेल तर बर्फ वितळवण्यासाठी तुम्ही त्याचा वापर करू शकता. यासाठी सर्वप्रथम फ्रीझरचा दरवाजा उघडा आणि हेअर ड्रायर चालू करा. त्याचा मोड उच्च आचेवर ठेवा आणि फ्रीजरच्या आतील बाजूस हवा फुंकवा. गरम हवा बर्फ वितळण्यास सुरुवात करेल.

हे लक्षात ठेवा

जेव्हा केव्हा तुम्हाला बर्फ काढण्यासाठी स्क्रॅच करावे लागेल तेव्हा स्टील किंवा कोणत्याही धातूचा चमचा इत्यादी वापरू नका. त्याऐवजी लाकडी चमचा वापरा. फ्रीजरमध्ये तुम्हाला ही समस्या वारंवार येत असेल, तर ते सर्व्हिस सेंटरमध्ये घेऊन जा.