साधा, सोपा पण चवीला मजेदार असा स्ट्रीट स्टाईल ‘अंडा बर्गर’, हलक्या भुकेला शमवण्यासाठी परफेक्ट पर्याय

Desi Style Egg Burger Recipe : बर्गर ही एक अशी गोष्ट आहे जी लहानांपासून मोठ्यांपर्यंत सर्वांनाच खायला आवडते. या पाश्चात्य पदार्थाला देसी टच देऊन आपण चविष्ट आणि झटपट असा अंडा बर्गर तयार करू शकता.

• एग बर्गर हा एक देसी पदार्थ आहे जो तुम्हाला भारताच्या रस्त्यावर हमखास दिसून येईल.
• मुख्य म्हणजे चवीला हा पदार्थ जितका स्वादिष्ट लागतो तितकाच लवकर तो बनून तयार होतो.
• अंड्यामध्ये अनेक पोषक घटक आढळतात ज्यामुळे सकाळच्या नाश्त्यासाठी अंडा बर्गर एक उत्तम पर्याय ठरेल.

आजच्या धावपळीच्या जीवनात झटपट, चविष्ट आणि पोटभर जेवण हवे असेल तर इंडियन स्टाईल एग बर्गर हा एक उत्तम पर्याय आहे. परदेशी बर्गरची कल्पना भारतीय मसाल्यांच्या चवीशी एकत्र आली की तयार होतो हा खास बर्गर. अंडी ही प्रोटीनने भरपूर असल्यामुळे हा बर्गर केवळ चविष्टच नाही तर आरोग्यदायी देखील आहे. लहान मुलांपासून मोठ्यांपर्यंत सगळ्यांनाच हा बर्गर आवडतो.

31 डिसेंबर स्पेशल घरी बनवा मसालेदार अन् शाही चवीचे ‘शामी कबाब’, लगेच नोट करा रेसिपी

भारतीय पद्धतीत बनवलेल्या एग बर्गरमध्ये हिरवी मिरची, कांदा, गरम मसाला, लाल तिखट आणि बटरची खास चव असते. रस्त्यावरील स्टॉलवर मिळणाऱ्या एग बर्गरची चव घरच्या घरी अगदी सोप्या पद्धतीने बनवता येते. सकाळचा नाश्ता, दुपारचा हलका आहार किंवा संध्याकाळचा स्नॅक म्हणून हा बर्गर एकदम परफेक्ट आहे. चला तर मग जाणून घेऊया इंडियन स्टाईल एग बर्गरची सोपी रेसिपी.

 साहित्य:

• अंडी – 4
• बर्गर बन – 2 (मधून कापलेले)
• कांदा – 1 बारीक चिरलेला
• हिरवी मिरची – 1 बारीक चिरलेली
• टोमॅटो – 1 गोल चिरलेला
• बटर – 2 टेबलस्पून
• लाल तिखट – ½ टीस्पून
• हळद – ¼ टीस्पून
• गरम मसाला – ½ टीस्पून
• मीठ – चवीनुसार
• कोथिंबीर – थोडी चिरलेली
• मेयोनीज
• हिरवी चटणी – आवडीनुसार

हिवाळ्यात आवर्जून बनवा पंजाबचा फेमस पदार्थ ‘सरसो दा साग’, चवीसह शरीरालाही मिळवून देईल अनेक फायदे

 कृती:

• अंडा बर्गर तयार करण्यासाठी सर्वप्रथम  एका भांड्यात अंडी फोडून घ्या. त्यात मीठ, लाल तिखट, हळद, गरम मसाला आणि चिरलेली कोथिंबीर घालून नीट फेटा.
• तव्यावर थोडे बटर गरम करा आणि त्यात चिरलेला कांदा आणि हिरवी मिरची परतून घ्या.
• आता फेटलेले अंड्याचे मिश्रण तव्यावर ओता आणि मध्यम आचेवर ऑम्लेट तयार करा.
• ऑम्लेट शिजल्यावर ते बर्गर बनच्या आकारात कापून घ्या.
• दुसऱ्या तव्यावर बर्गर बन थोड्या बटरवर हलकेसे भाजून घ्या.
• बर्गर बनच्या एका भागावर मेयोनीज, हिरवी चटणी लावा. तुम्ही तुमच्या आवडीनुसार कोणताही सॉस यावर लावू शकता.
• आता तयार ऑम्लेट, टोमॅटो स्लाइस आणि थोडा कांदा ठेवा आणि वर बन ठेवून हलके दाबा.
• गरमागरम इंडियन स्टाईल एग बर्गर तयार आहे.
• चहा किंवा कॉफीसोबत तुम्ही याला खाण्यासाठी सर्व्ह करू शकता.